IND vs AFG: அறிமுக ஒருநாள் தொடரில் அதிக விக்கெட்டுகள்.. ரெக்கார்ட் வைத்த குர்னூர் பிரார்!
IND vs AFG 3rd ODI: குர்னூர் பிரார் 2025 ஐபிஎல் சீசனிலிருந்து குஜராத் டைட்டன்ஸ் அணியில் அங்கம் வகித்து வருகிறார், ஆனால் இதுவரை குஜராத் அணிக்காக ஒரு போட்டியில் கூட விளையாடவில்லை. இருப்பினும், அதற்கு முன்பு, பிரார் சையத் முஷ்டாக் அலி கோப்பை மற்றும் விஜய் ஹசாரே கோப்பையில் சிறப்பாகச் செயல்பட்டார்.
குர்னூர் பிரார் தனது அறிமுகத் தொடரிலேயே வரலாறு படைத்து, 2027 ஒருநாள் உலகக் கோப்பைக்கான இந்திய அணியில் (Indian Cricket Team) இடம் பிடிக்க வாய்ப்புகளை உருவாக்கி வருகிறார். ஆப்கானிஸ்தானுக்கு எதிரான ஒருநாள் தொடரில் (IND vs AFG) குர்னூர் பிரார் சர்வதேச கிரிக்கெட்டில் அறிமுகமானார். தற்போது சென்னையில் நடைபெற்று வரும் ஆப்கானிஸ்தான் அணிக்கு எதிரான 3வது ஒருநாள் போட்டியில் ஒரு விக்கெட்டை வீழ்த்தியதன் மூலம், அறிமுகத் தொடரில் ஒரு இந்தியர் எடுத்த அதிக விக்கெட்டுகள் என்ற சாதனையை பிரார் படைத்தார். இந்தச் சாதனை, 3 ஒருநாள் போட்டிகளைக் கொண்ட தொடர்களுக்கு மட்டுமே செல்லுபடியாகும்.
ALSO READ: இந்தியா – ஆப்கானிஸ்தான் தொடருக்குள் வரும் ஹர்ஷித் ராணா.. பிசிசிஐ திடீர் முடிவு
ஆப்கானிஸ்தானுக்கு எதிரான 3 ஒருநாள் போட்டிகளிலும் குர்னூர் பிரார் விக்கெட்டுகளை வீழ்த்தினார். அதாவது, தர்மசாலாவில் நடைபெற்ற முதல் ஒருநாள் போட்டியில், குர்னூர் பிரார் 27 ரன்களுக்கு 3 விக்கெட்டுகளை வீழ்த்தினார். அதன்பிறகு, லக்னோவில் 3 விக்கெட்டுகளை வீழ்த்தி, தனது சிறப்பான ஆட்டத்தைத் தொடர்ந்தார். தற்போது, சென்னையில் நடைபெற்று வரும் 3வது ஒருநாள் போட்டியில், முகமது நபியை ஆட்டமிழக்கச் செய்து, அதிக விக்கெட்டுகளை எடுத்தவர் என்ற சாதனையை குர்னூர் பிரார் படைத்தார்.
அறிமுகத் தொடரில் அதிக விக்கெட்டுகள் (இந்தியாவுக்காக)
இதற்கு முன்பு, யுஸ்வேந்திர சாஹல் மற்றும் பிரசித் கிருஷ்ணா ஆகியோர் இந்தியாவுக்காக 3 போட்டிகள் கொண்ட அறிமுகத் தொடரில் அதிக விக்கெட்டுகளை வீழ்த்திய சாதனையை வைத்திருந்தனர். இருவரும் தங்களது அறிமுக ஒருநாள் தொடரில் 6 விக்கெட்டுகளை எடுத்திருந்தனர். இருப்பினும், குர்னூர் பிரார், தற்போது சாஹல் மற்றும் பிரசித் சாதனைகளை முறியடித்துள்ளார். குர்னூர் ஆப்கானிஸ்தானுக்கு எதிரான 3 போட்டிகள் கொண்ட ஒருநாள் தொடரில் 7 விக்கெட்டுகளை வீழ்த்தினார்.
கடந்த 2016ம் ஆண்டு யுஸ்வேந்திர சாஹல் ஜிம்பாப்வேக்கு எதிரான தனது அறிமுகத் தொடரில் 6 விக்கெட்டுகளை வீழ்த்தினார். அதேநேரத்தில், கடந்த 2021ம் ஆண்டு பிரசித் கிருஷ்ணா இங்கிலாந்துக்கு எதிராக தனது ஒருநாள் போட்டியில் அறிமுகமானார். அந்தத் தொடரில் பிரசித் கிருஷ்ணா 6 விக்கெட்டுகளை வீழ்த்தினார்.
- 7 விக்கெட்டுகள் – குர்னூர் பிரார் – எதிரணி (ஆப்கானிஸ்தான்)
- 6 விக்கெட்டுகள் – யுஸ்வேந்திர சாஹல் – எதிரணி (ஜிம்பாப்வே)
- 6 விக்கெட் – பிரசித் கிருஷ்ணா- எதிரணி (இங்கிலாந்து)
ALSO READ: ஒரே ஆள்.. ஒரே மாதிரி கேட்ச்.. 3 விக்கெட் போச்சு.. ரோஹித் – பிரசித் செய்த சிறப்பு சாதனை!
குர்னூர் பிரார் 2025 ஐபிஎல் சீசனிலிருந்து குஜராத் டைட்டன்ஸ் அணியில் அங்கம் வகித்து வருகிறார், ஆனால் இதுவரை குஜராத் அணிக்காக ஒரு போட்டியில் கூட விளையாடவில்லை. இருப்பினும், அதற்கு முன்பு, பிரார் சையத் முஷ்டாக் அலி கோப்பை மற்றும் விஜய் ஹசாரே கோப்பையில் சிறப்பாகச் செயல்பட்டார். SMAT தொடரில் 6 போட்டிகளில் 10 விக்கெட்டுகளையும், விஜய் ஹசாரே கோப்பையில் 8 போட்டிகளில் 11 விக்கெட்டுகளையும் குர்னூர் பிரார் கைப்பற்றினார்.
