Team India: இனி இந்திய அணி எப்போது, யாரை எதிர்கொள்ளும்? ஜூன், ஜூலை மாதங்களுக்கான அட்டவணை!
Indian Cricket Team Upcoming Matches: இந்திய கிரிக்கெட் அணி, 5 போட்டிகள் கொண்ட டி20 தொடருடன் தொடங்கி, 2026 ஜூலை மாதம் இங்கிலாந்துக்குச் சுற்றுப்பயணம் மேற்கொள்ளவுள்ளது. அயர்லாந்துக்கும் பயணம் மேற்கொள்ளும் வைபவ் சூர்யவன்ஷிக்கு இது ஒரு மிகப்பெரிய வாய்ப்பை வழங்கும். இதைத் தொடர்ந்து, இந்தியா மற்றும் இங்கிலாந்து அணிகளுக்கு இடையே 3 போட்டிகள் கொண்ட ஒருநாள் தொடர் நடைபெறும்.
இந்திய கிரிக்கெட் அணி (Indian Cricket Team) ஆப்கானிஸ்தானுக்கு எதிரான ஒரேயொரு டெஸ்ட் போட்டியில் வெற்றி பெற்று, பின்னர் ஒருநாள் தொடரை 3-0 என்ற கணக்கில் கைப்பற்றியது. டி20 மற்றும் அதைத் தொடர்ந்து ஒருநாள் போட்டிகளில் இந்திய அணி செல்லும் இங்கிலாந்து சுற்றுப்பயணத்திற்காக ரசிகர்கள் தற்போது காத்திருக்கின்றனர். காயம் காரணமாக ஆப்கானிஸ்தான் தொடரிலிருந்து விலகியிருந்த விராட் கோலி (Virat Kohli) வருகைக்காகவும் ரசிகர்கள் காத்திருக்கின்றன. இருப்பினும், இங்கிலாந்து புறப்படுவதற்கு முன்பு, இந்திய அணி 2026 ஜூன் மற்றும் ஜூலை மாதத்திற்கான அட்டவணையை முழுமையாக தெரிந்து கொள்வோம்.
ALSO READ: 3 ஆண்டுகளுக்கு பிறகு! ஒருநாள் போட்டியில் காலடி வைக்கும் முக்கிய வீரர்.. எகிறும் எதிர்பார்ப்பு!
இந்திய கிரிக்கெட் அணியின் அடுத்த போட்டி எப்போது, யாருக்கு எதிராக நடைபெறும்?
இந்திய கிரிக்கெட் அணி அயர்லாந்து வழியாக இங்கிலாந்துக்குச் செல்கிறது. இந்த மாதம், அயர்லாந்து சுற்றுப்பயணத்தின் ஒரு பகுதியாக இந்தியா இரண்டு போட்டிகள் கொண்ட டி20 தொடரில் விளையாடுகிறது. இந்தியாவின் அடுத்த போட்டி வருகின்ற 2026 ஜூன் 26ம் தேதி அயர்லாந்துக்கு எதிராக நடைபெறுகிறது. இந்தத் தொடரின் மற்றும் இந்த மாதத்தின் இறுதிப் போட்டியானது வருகின்ற 2026 ஜூன் 28ம் தேதி நடைபெறுகிறது. இந்த 2 போட்டிகளும் பெல்ஃபாஸ்டில் நடைபெறும், மேலும் இந்திய நேரப்படி மாலை 6:00 மணிக்குத் தொடங்கும்.
ஜூலை மாதம் டி20 தொடருடன் தொடங்கும் இங்கிலாந்து சுற்றுப்பயணம்
இந்திய கிரிக்கெட் அணி, 5 போட்டிகள் கொண்ட டி20 தொடருடன் தொடங்கி, 2026 ஜூலை மாதம் இங்கிலாந்துக்குச் சுற்றுப்பயணம் மேற்கொள்ளவுள்ளது. அயர்லாந்துக்கும் பயணம் மேற்கொள்ளும் வைபவ் சூர்யவன்ஷிக்கு இது ஒரு மிகப்பெரிய வாய்ப்பை வழங்கும். இதைத் தொடர்ந்து, இந்தியா மற்றும் இங்கிலாந்து அணிகளுக்கு இடையே 3 போட்டிகள் கொண்ட ஒருநாள் தொடர் நடைபெறும். இந்தச் சுற்றுப்பயணத்திற்கான முழு அட்டவணை இதோ..
- 1வது டி20: 2026 ஜூலை 1, டர்ஹாம் (இரவு 10 மணி IST)
- 2வது டி20: 2026 ஜூலை 4, ஸ்ட்ராட்ஃபோர்ட் (மாலை 7 மணி IST)
- 3வது டி20: 2026 ஜூலை 7, வெஸ்ட் பிரிட்ஃபோர்ட் (இரவு 10 மணி IST)
- 4வது டி20: 2026 ஜூலை 9, பிரிஸ்டல் (இரவு 10 மணி IST)
- 5வது டி20: 2026 ஜூலை 11, வெஸ்ட் எண்ட் (இரவு 7 மணி IST)
- முதல் ஒருநாள் போட்டி: 2026 ஜூலை 14, பர்மிங்காம் (மாலை 3:30 மணி IST)
- 2வது ஒருநாள் போட்டி: 2026 ஜூலை 16, கார்டிஃப் (மாலை 5:30 மணி IST)
- 3வது ஒருநாள் போட்டி: 2026 ஜூலை 19, லண்டன் (பிற்பகல் 3:30 IST)
ALSO READ: மிகவும் எதிர்பார்க்கப்பட்ட 5 வீரர்கள் இங்கிலாந்து தொடரில் மிஸ்.. புறக்கணித்த பிசிசிஐ!
ஜிம்பாப்வே செல்லும் இந்திய அணி:
இந்தியா மற்றும் ஜிம்பாப்வே அணிகளுக்கு இடையேயான 3 போட்டிகள் கொண்ட டி20 தொடருடன் வருகின்ற 2026 ஜூலை மாதம் நிறைவடையும். இத்தொடர் 2026 ஜூலை 23ம் தேதி தொடங்கி 2026 ஜூலை 26ம் தேதி முடிவடையும். இதன் அட்டவணையும் இதோ..
- 1வது T20: ஜூலை 23, ஹராரே (மாலை 4:30 மணி IST)
- 2வது டி20: ஜூலை 25, ஹராரே (மாலை 4:30 மணி IST)
- 3வது T20: ஜூலை 26, ஹராரே (மாலை 4:30 மணி IST)
