2026 Asian Games: ஆசிய விளையாட்டில் பதக்க வேட்டை.. வீரர்களை நேரில் அழைத்து பாராட்டிய பிரதமர் மோடி!
PM Modi Meets Asian Games Medalists: பிரதமர் மோடி 2026 ஆசிய விளையாட்டுப் போட்டிகளின் இந்தியப் பதக்க வெற்றியாளர்களைச் சந்தித்துப் பாராட்டினார். இந்தியா வரலாற்றுச் சிறப்புமிக்க 85 பதக்கங்களை வென்றது, இதில் 38 பதக்கங்கள் மகளிர் தடகள வீராங்கனைகளால் (11 தங்கம்) பெறப்பட்டன. முன்பு பதக்கம் வெல்லாத விளையாட்டுகளிலும் இந்தியா சாதித்ததை பிரதமர் சுட்டிக்காட்டினார். இது புதிய இந்தியாவின் அடையாளம், விளையாட்டுத் துறையில் நாட்டின் வளர்ச்சிக்கு இது ஒரு சான்று என்றார்.
இந்திய பிரதமர் நரேந்திர மோடி (PM Modi) இன்று அதாவது 2026 அக்டோபர் 15ம் தேதி 2026 ஐச்சி-நகோயா ஆசிய விளையாட்டுப் போட்டிகளில் (2026 Asian Games) பதக்கம் வென்ற இந்திய விளையாட்டு வீரர்கள் மற்றும் வீராங்கனைகளை சந்தித்தார். அப்போது, ஆசிய விளையாட்டுப் போட்டிகளின் வரலாற்றில் இதற்கு முன்பு ஒருபோதும் பதக்கம் வென்றிராத விளையாட்டுகளில்கூட இன்று இந்தியா பதக்கங்களை வெல்கிறது. இத்தனை பதக்க வெற்றியாளர்கள் அனைவரும் ஒன்றாக இருப்பது ஒரு சாதாரண சாதனையல்ல என்று கூறினார். தற்போது இதுதொடர்பான புகைப்படங்கள் மற்றும் வீடியோக்கள் வெளியாகி சமூக வலைதளங்களில் வைரலாகி வருகிறது.
தொடர்ந்து பேசிய மோடி இந்தியா மொத்தம் 85 பதக்கங்களை வென்றதாகவும், அவற்றில் 38 பதக்கங்களை மகளிர் தடகள வீராங்கனைகள் வென்றனர். இந்த 38 பதக்கங்களில் 11 தங்கப் பதக்கங்களும் அடங்கும். இது ஒரு புதிய இந்தியாவின் சித்திரம் என்று பிரதமர் கூறினார்.
ALSO READ: ஆசிய விளையாட்டில் தங்கம் வென்ற வித்யா ராம்ராஜ்: நேரில் அழைத்துப் பாராட்டிய ரஜினிகாந்த்
பிரதமர் மோடிக்கு ஜெர்சியை வழங்கிய தங்க பதக்கம் வென்ற வீரர்கள்:
Our Asian Games champions have made the Tricolour fly high! Their achievements show what passion, perseverance and belief can achieve. https://t.co/m3gOPecQCo
— Narendra Modi (@narendramodi) October 15, 2026
மேஜர் தியான் சந்த் ஸ்டேடியத்தில் நடைபெற்ற நிகழ்ச்சியில், ஆசிய விளையாட்டுப் போட்டிகளில் தங்கப் பதக்கங்களை வென்ற இந்திய ஆண்கள், பெண்கள் ஹாக்கி மற்றும் கிரிக்கெட் அணிகள், தங்களது கையொப்பமிடப்பட்ட ஜெர்சிகளை பிரதமரிடம் வழங்கின. அப்போது பேசிய பிரதமர் மோடி, “இத்தனை பதக்க வெற்றியாளர்களை ஒரே இடத்தில் சந்திப்பது சாதாரண விஷயமல்ல. பேரார்வம் வெற்றியாக மாறும் போது, அது பதக்கத்துடன் சேர்த்து முகத்தில் புன்னகையையும் வரவழைக்கும் என்பதற்கு இளம் விளையாட்டு வீரர்களாகிய நீங்கள் அனைவரும் ஒரு சிறந்த எடுத்துக்காட்டு,” என்று கூறினார்.
ALSO READ: ஆசிய ஹாக்கி சாம்பியன்ஸ் டிராபியில் வெளியேறிய பாகிஸ்தான்! வங்கதேச அணிக்கு அடித்த லக்..
மகளிர் ஹாக்கி அணியைப் பாராட்டிய பிரதமர், “ஆசிய விளையாட்டுப் போட்டிகளில் தங்கப் பதக்கம் வென்றதன் மூலம், மகளிர் ஹாக்கி அணி 44 ஆண்டுகால காத்திருப்புக்கு முற்றுப்புள்ளி வைத்துள்ளது. தீர்மானங்களும் கனவுகளும் ஒரே நாளில் நிறைவேறுவதில்லை; பல ஆண்டுகால பொறுமையும் தொடர்ச்சியான கடின உழைப்புமே அவசியம். எந்த உணர்வால் நீங்கள் இந்த வெற்றியை அடைந்தீர்களோ, அந்த உணர்வால்தான் நாட்டில் மாற்றமும் வந்துள்ளது. கடந்த 10-12 ஆண்டுகளாக, நாடு அர்ப்பணிப்புடனும் பக்தியுடனும் தொடர்ச்சியான முயற்சிகளை மேற்கொண்டு வருகிறது. இன்று, ஒவ்வொரு வீரருக்கும் தனது பயணம் முழுவதும் நாடு தன்னுடன் இருக்கும் என்ற நம்பிக்கை உள்ளது. இதன் காரணமாக, அவர் நாட்டிற்காகச் செய்த காரணத்திற்காக உங்கள் அனைவருமே எடுத்துக்காட்டுகளாகத் திகழ்கிறீர்கள்,” என்று கூறினார்.
