Rishabh Pant: கேப்டன் பதவியை ராஜினாமா செய்ய வைக்கப்பட்டாரா பண்ட்..? வெளியான பகீர் தகவல்!
Rishabh Pant LSG Captaincy: கேப்டன் பதவியில் இருந்து விலகிய சில நாட்களிலேயே, ரிஷப் பண்ட் தனது முன்னாள் அணியான டெல்லி கேப்பிட்டல்ஸுக்குத் திரும்பக்கூடும் என்ற யூகங்கள் பரவத் தொடங்கின. ரிஷப் பண்ட்டிற்கு பதிலாக குல்தீப் யாதவை வர்த்தக ஒப்பந்தத்தில் தங்கள் கூட்டாளியாக லக்னோ கோரியதாகத் தெரிவிக்கப்பட்டது.
ரிஷப் பண்ட்டிற்கும் (Rishabh Pant) லக்னோ சூப்பர் ஜெயண்ட்ஸ் (LSG) அணிக்கும் இடையிலான உறவு மோசமடைந்து வருவதாகத் தெரிகிறது. ஐபிஎல் 2026 தொடரில் லக்னோவின் மோசமான செயல்பாட்டைத் தொடர்ந்து, தன்னை கேப்டன் பதவியிலிருந்து நீக்குமாறு பண்ட் லக்னோ அணி நிர்வாகத்திடம் கோரிக்கை விடுத்ததாக ஓர் அதிகாரப்பூர்வ அறிக்கை தெரிவித்தது. இருப்பினும், தற்போது லக்னோ அணி நிர்வாகம்தான் ரிஷப் பண்ட்டின் கேப்டன் பதவி பறிக்கப்பட்டுவிட்டதாக தகவல்கள் தெரிவிக்கின்றன. ஐபிஎல் 19வது சீசனில், பண்ட்டின் லக்னோ அணி புள்ளிப் பட்டியலில் கடைசி இடமான 10வது இடத்தைப் பிடித்து வெளியேற்றப்பட்டது என்பது குறிப்பிடத்தக்கது. அதற்கு முந்தைய சீசனான 2025-லும், பண்ட்டின் லக்னோ அணி பிளேஆஃப் சுற்றுக்குத் தகுதி பெறத் தவறியது.
ALSO READ: முன் கூட்டியே தொடங்கும் ஐபிஎல் 2027 – போட்டிகள் அதிகரிக்கப்படுமா? பிசிசிஐ விளக்கம்
ரிஷப் பண்ட்டை கேப்டன் பதவியிலிருந்து நீக்கியதா எல்.எஸ்.ஜி..?
🚨 BIG UPDATE ON RISHABH PANT 🚨
– According to reports from sources, the LSG management had removed Rishabh Pant from the captaincy. Rishabh Pant himself never wanted to leave LSG. (Cricblogger) pic.twitter.com/sh02kLjMs1
— lndian Sports Netwrk (@IS_Netwrk29) June 22, 2026
கிரிக்பிளாகர் தகவலின்படி, ரிஷப் பண்ட் லக்னோ கேப்டன் பதவியைத் தானாக ராஜினாமா செய்யவில்லை, மாறாக அணி நிர்வாகத்தால் நீக்கப்பட்டதாக தெரிவித்துள்ளது. அவரது தொடர்ச்சியான மோசமான ஆட்டத்தினால் அணி இந்த முடிவை எடுத்தது. இதுமட்டுமின்றி, அணியின் மோசமான செயல்பாட்டிற்காக மற்ற எந்த வீரரையும் விட ரிஷப் பண்ட் அதிக விமர்சனங்களை எதிர்கொண்டதாகக் கூறப்படுகிறது. 2025 ஐபிஎல் சீசனுக்கான மெகா ஏலத்தில் லக்னோ அணியால் ரூ. 27 கோடிக்கு வாங்கப்பட்ட பண்ட், ஐபிஎல் வரலாற்றில் மிகவும் அதிக விலைக்கு வாங்கப்பட்ட வீரர் என்ற சாதனையை படைத்தார்.
டெல்லி அணிக்கு செல்கிறாரா ரிஷப் பண்ட்..?
கேப்டன் பதவியில் இருந்து விலகிய சில நாட்களிலேயே, ரிஷப் பண்ட் தனது முன்னாள் அணியான டெல்லி கேப்பிட்டல்ஸுக்குத் திரும்பக்கூடும் என்ற யூகங்கள் பரவத் தொடங்கின. ரிஷப் பண்ட்டிற்கு பதிலாக குல்தீப் யாதவை வர்த்தக ஒப்பந்தத்தில் தங்கள் கூட்டாளியாக லக்னோ கோரியதாகத் தெரிவிக்கப்பட்டது. இந்த வர்த்தக ஒப்பந்தத்தில் ரிஷப் பண்ட்டின் சம்பளமும் குறைக்கப்படலாம். இருப்பினும், இந்த வர்த்தக ஒப்பந்தம் குறித்து இதுவரை எந்த அதிகாரப்பூர்வ தகவலும் வெளியிடப்படவில்லை.
ALSO READ: டெல்லியே போதும்.. பழைய அணிக்கு செல்லும் ரிஷப் பண்ட்.. குறையும் சம்பளம்!
ரிஷப் பண்ட்டின் ஐபிஎல் வாழ்க்கை
விக்கெட் கீப்பர்-பேட்ஸ்மேனான ரிஷப் பண்ட், தனது ஐபிஎல் வாழ்க்கையில் இதுவரை 139 போட்டிகளில் விளையாடியுள்ளார். 136 இன்னிங்ஸ்களில் பேட்டிங் செய்து, 2 சதங்கள் மற்றும் 20 அரை சதங்கள் உட்பட, 33.60 சராசரி மற்றும் 146.79 ஸ்டிரைக் ரேட்டுடன் 3,865 ரன்கள் எடுத்துள்ளார்.
