IND vs ZIM: கருப்பு பட்டை அணிந்து விளையாடும் இந்தியா – ஜிம்பாப்வே வீரர்கள்.. இதுதான் காரணமா?
IND vs ZIM 2nd T20: ஹராரே ஸ்போர்ட்ஸ் கிளப்பில் நடைபெற்ற 2வது டி20ஐ போட்டியின் போது இந்தியா (Indian Cricket Team) மற்றும் ஜிம்பாப்வே வீரர்கள் கருப்புக் கைப்பட்டைகளை அணிந்திருந்தனர். ஜிம்பாப்வே அணியின் வளர்ச்சிக்கு நீண்ட காலம் பணியாற்றிய சில்வெஸ்டர் மட்ஷாகா, நேற்று அதாவது 2026 ஜூலை 24ம் தேதி தனது 76-வது வயதில் உடல்நலக்குறைவால் காலமானார்.
இந்தியா – ஜிம்பாப்வே (IND vs ZIM) இடையிலான 2வது டி20 போட்டி ஹராரே ஸ்டேடியத்தில் நடைபெற்று வருகிறது. ஜிம்பாப்வே கிரிக்கெட்டின் முன்னாள் துணைத் தலைவர் சில்வெஸ்டர் மட்ஷாகா மறைவிற்கு அஞ்சலி செலுத்தும் விதமாக, ஹராரே ஸ்போர்ட்ஸ் கிளப்பில் நடைபெற்ற 2வது டி20ஐ போட்டியின் போது இந்தியா (Indian Cricket Team) மற்றும் ஜிம்பாப்வே வீரர்கள் கருப்புக் கைப்பட்டைகளை அணிந்திருந்தனர். ஜிம்பாப்வே அணியின் வளர்ச்சிக்கு நீண்ட காலம் பணியாற்றிய சில்வெஸ்டர் மட்ஷாகா, நேற்று அதாவது 2026 ஜூலை 24ம் தேதி தனது 76-வது வயதில் உடல்நலக்குறைவால் காலமானார். ஜிம்பாப்வே கிரிக்கெட்டிற்கு மட்ஷாகா ஆற்றிய பங்களிப்பை நினைவு படுத்தும் விதமாக இரு அணிகளும் இந்த அஞ்சலியைச் செலுத்தின.
ALSO READ: ஒருநாள் உலகக் கோப்பைக்கு முன்பு ரோஹித் நீக்கமா? ஓய்வா? பிசிசிஐ விளக்கம்!
சில்வெஸ்டர் மட்ஷாகாவும் ஜிம்பாப்வே கிரிக்கெட்டும்..
#TeamIndia and Zimbabwe players are wearing black armbands to pay their respects to the Zimbabwe Cricket Vice-chairman Sylvester Matshaka, who passed away last night. pic.twitter.com/pAknRA6KAR
— BCCI (@BCCI) July 25, 2026
சில்வெஸ்டர் மட்ஷாகா 2006-ல் ஜிம்பாப்வே கிரிக்கெட் வாரியத்தில் இணைந்து, 2015 வரை துணைத் தலைவராகப் பணியாற்றினார். அந்தக் காலகட்டத்தில், அவர் விளையாட்டின் நிர்வாகத்தில் முக்கியப் பங்கு வகித்ததுடன், கிட்டத்தட்ட 20 ஆண்டுகளாக ஜிம்பாப்வே கிரிக்கெட்டுடன் நெருங்கிய தொடர்பில் இருந்தார். போட்டி மற்றும் நிர்வாக ரீதியான சவால்களை வாரியம் எதிர்கொண்டு செயல்பட்டதால், அவரது பதவிக்காலம் ஜிம்பாப்வே கிரிக்கெட்டின் ஒரு முக்கியமான காலகட்டமாக அமைந்தது.
இந்தியாவும் ஜிம்பாப்வேயும் கருப்புக் கைப்பட்டைகளை அணிய எடுத்த முடிவு, கிரிக்கெட் சமூகத்தில் மட்ஷாகா பெற்றிருந்த மரியாதையைப் பிரதிபலித்தது. நீண்ட காலம் பணியாற்றிய நிர்வாகிக்கு ஜிம்பாப்வே கிரிக்கெட் அஞ்சலி செலுத்தியது.
ஜிம்பாப்வே கிரிக்கெட் தலைவர் தவெங்வா முகுஹ்லானி, மட்ஷாகாவை நேர்மையுடனும் அர்ப்பணிப்புடனும் விளையாட்டுக்கு சேவை செய்த தலைவர் என்று விவரித்தார்.
ஜிம்பாப்வே கிரிக்கெட் வெளியிட்ட அறிக்கையில், “இன்று அதாவது 2026 ஜூலை 25ம் தேதி ஜிம்பாப்வே கிரிக்கெட் ஒரு புகழ்பெற்ற துணைத் தலைவரை மட்டுமல்ல, ஒரு அறிவார்ந்த ஆலோசகரையும், கொள்கைப்பிடிப்புள்ள தலைவரையும், பணிவு, நேர்மை மற்றும் தன்னலமற்ற அர்ப்பணிப்பு ஆகியவற்றால் வரையறுக்கப்பட்ட விளையாட்டுக்கான சேவையை வழங்கிய ஒரு அன்பான நண்பரையும் இழந்துள்ளது.
ALSO READ: 2வது டி20யில் உலக சாதனை படைப்பாரா ஷ்ரேயாஸ்..? என்ன சாதனை அது..?
ஜிம்பாப்வே கிரிக்கெட்டை வலுப்படுத்துவதற்கும் அதன் வளர்ச்சிக்கு ஆதரவளிப்பதற்கும் மட்சாகா தனது வாழ்நாளின் கணிசமான பகுதியை அர்ப்பணித்தார். விளையாட்டுத் துறைக்கு முன்னேற்றமும் கடினமான தருணங்களும் கலந்திருந்த ஒரு காலகட்டத்தில், திரைக்குப் பின்னால் அவர் ஆற்றிய பணி அந்த அமைப்பை வடிவமைக்க உதவியது.” என்று தெரிவித்திருந்தது.
