Team India: காயத்தால் சிக்கலில் சிக்கிய கோலி.. ஆப்கானிஸ்தான் ODI தொடரில் இருந்து விலகல்?

ஆப்கானிஸ்தான் கிரிக்கெட் அணி (IND vs AFG) இந்தியாவிற்கு சுற்றுப்பயணம் மேற்கொண்டு, ஒரே ஒரு டெஸ்ட் போட்டி மற்றும் 3 ஒருநாள் போட்டிகள் கொண்ட தொடரில் விளையாட உள்ளது. இரு அணிகளுக்கு இடையிலான முதல் ஒருநாள் போட்டி வருகின்ற 2026 ஜூன் 13ம் தேதி முதல் தொடங்குகிறது. இதையடுத்து, நீண்ட நாட்களுக்கு பிறகு, சர்வதேச போட்டிகளில் விராட் கோலி மற்றும் ரோஹித் சர்மா விளையாடுவதைக் காண ரசிகர்கள் ஆவலுடன் காத்திருக்கின்றனர். சமீபத்தில் நடந்து முடிந்த ஐபிஎல் 2026 சீசனில் (IPL 2026) விராட் கோலி சிறப்பான ஃபார்மில் இருந்தார். இந்தநிலையில், ஆப்கானிஸ்தான் அணிக்கு எதிரான 3 போட்டிகள் கொண்ட தொடரிலிருந்து விராட் கோலி விலக இருப்பதாக ஒரு முக்கிய செய்தி வெளியாகியுள்ளது.

ALSO READ: ஒருநாள் போட்டிக்கு திரும்பும் விராட் கோலி.. இந்திய அணி பயிற்சியை எப்போது தொடங்குகிறது?

தொடை தசைநார் காயத்தில் அவதிப்படும் விராட் கோலி:

ஐபிஎல் 2026 சீசனின் இறுதிப் போட்டியின் போது விராட் கோலி முழு உடற்தகுதியுடன் இல்லை . இதனால், கோலி பேட்டிங் செய்து கொண்டிருந்தபோது, ​​பிசியோ பலமுறை களத்திற்கு வர வேண்டியிருந்தது. இருப்பினும், இறுதிப் போட்டியில் எந்தப் பந்துவீச்சாளராலும் கோலியை ஆட்டமிழக்கச் செய்ய முடியவில்லை. குஜராத் அணிக்கு எதிரான போட்டியில் விராட் கோலி 42 பந்துகளில் ஆட்டமிழக்காமல் 75 ரன்கள் குவித்து, ஆட்ட நாயகன் விருதைப் பெற்றார். தொடைத்தசைப் பிடிப்பால் அவதிப்பட்ட கோலி, தற்போது ஆப்கானிஸ்தானுக்கு எதிரான மூன்று போட்டிகள் கொண்ட ஒருநாள் தொடரிலிருந்து விலகியுள்ளதாக கூறப்படுகிறது.

இதையும் படியுங்கள்

India T20 Captain: ஷ்ரேயாஸ் மீது முழு நம்பிக்கை.. சூர்யகுமார் யாதவிடம் பேசிய பிசிசிஐ.. அடுத்ததாக கேப்டன்சி மாற்றம்!

Team India: தொடர்ந்து மோசமான பார்ம்.. சிக்கலில் சூர்யகுமார் யாதவின் கேப்டன்ஷி.. விவாதத்தில் பிசிசிஐ!

IND vs IRE: அயர்லாந்து சுற்றுப்பயணம்.. இந்திய அணிக்கு யார் கேப்டன்? குழப்பத்தில் பிசிசிஐ!

Team India: ஒருநாள் போட்டிக்கு திரும்பும் விராட் கோலி.. இந்திய அணி பயிற்சியை எப்போது தொடங்குகிறது?

இதுகுறித்து பிசிசிஐ இன்னும் அதிகாரப்பூர்வ அறிவிப்பை வெளியிடவில்லை என்றாலும், ரோஹித் சர்மா பங்கேற்பது அவரது உடற்தகுதியைப் பொறுத்தது என்று பிசிசிஐ ஏற்கனவே தெளிவுபடுத்தியுள்ளது. தற்போது, ரோஹித் சர்மா மற்றும் ஹர்திக் பாண்ட்யா பெங்களூருவில் உள்ள சென்டர் ஆஃப் எக்ஸலன்ஸில் கலந்துகொள்வது குறித்து இதுவரை எந்த செய்தியும் வெளியாகவில்லை.

விராட் கோலிக்கு மாற்றாக யார் வர முடியும்?

விராட் கோலிக்கு மாற்றாக யார் தேர்ந்தெடுக்கப்படுவார் என்ற கேள்வி இப்போது எழுகிறது. சஞ்சு சாம்சன், யஷஸ்வி ஜெய்ஸ்வால் மற்றும் ருதுராஜ் கெய்க்வாட் ஆகியோர் போட்டியாளர்களாக உள்ளனர். தேர்ந்தெடுக்கப்படுபவருக்கு வருகின்ற 2027ம் ஆண்டு உலகக் கோப்பைக்கான தனது இடத்தை உறுதிப்படுத்த ஒரு சிறந்த வாய்ப்பாக அமையும்.

ALSO READ: ஷ்ரேயாஸ் மீது முழு நம்பிக்கை.. சூர்யகுமார் யாதவிடம் பேசிய பிசிசிஐ.. அடுத்ததாக கேப்டன்சி மாற்றம்!

ஆப்கானிஸ்தானுக்கு எதிரான ஒருநாள் தொடருக்கான இந்திய அணி

சுப்மன் கில் (கேப்டன்), ரோஹித் சர்மா*, ஷ்ரேயாஸ் ஐயர் (துணை கேப்டன்), கே.எல். ராகுல் (விக்கெட் கீப்பர்), இஷான் கிஷன் (விக்கெட் கீப்பர்), ஹர்திக் பாண்டியா*, நிதிஷ் குமார் ரெட்டி, வாஷிங்டன் சுந்தர், குல்தீப் யாதவ், அர்ஷ்தீப் சிங், பிரசித் கிருஷ்ணா, பிரின்ஸ் யாதவ், குர்ரன்ன் பிரார், ஹர்ஷ் துபே.