Women’s T20 World Cup 2026 Points Table: முதலிடத்தில் அடைக்கலமான ஆஸ்திரேலியா.. இந்திய மகளிர் எத்தனையாவது இடம்..? புள்ளிகள் பட்டியல் விவரம்!
ICC Women’s T20 World Cup 2026 Match Points Table: பாகிஸ்தானை வீழ்த்திய போதிலும், இந்திய மகளிர் அணி குரூப் ஏ புள்ளி அட்டவணையில் முதலிடத்தை எட்டத் தவறியது. தென்னாப்பிரிக்காவை 65 ரன்கள் வித்தியாசத்தில் வீழ்த்திய ஆஸ்திரேலியா, முதலிடத்தைப் பிடித்தது. இந்தப் போட்டியில் இந்தியா இன்னும் சற்று பெரிய வித்தியாசத்தில் வெற்றி பெற்றிருந்தால், அவர்களால் முதலிடத்தைப் பிடித்திருக்கலாம்.
ஹர்மன்பிரீத் கவுர் தலைமையிலான இந்திய அணி, பாகிஸ்தானை (IND W vs PAK W) 64 ரன்கள் வித்தியாசத்தில் வீழ்த்தி, 2026 மகளிர் டி20 உலகக் கோப்பையில் (ICC Womens T20 World Cup 2026) தனது பயணத்தை சிறப்பாகத் தொடங்கியது. இதன் மூலம், இந்திய ஆண்கள் அணியைப் போலவே, இந்திய மகளிர் அணியும் ஐசிசி உலகக் கோப்பையில் பாகிஸ்தானுக்கு எதிரான ஆதிக்கத்தைத் தக்கவைத்து, ஒட்டுமொத்தமாக தங்களின் 12வது வெற்றியைப் பதிவு செய்தது. மகளிர் டி20 உலகக் கோப்பையில் பாகிஸ்தானுக்கு எதிரான 9 போட்டிகளில் இது இந்தியாவின் 7வது வெற்றியாகும். அதே சமயம், ஒருநாள் உலகக் கோப்பையில் இந்திய அணி தனது 5 போட்டிகளிலும் வெற்றி பெற்றுள்ளது. ஆண்கள் அணி உலகக் கோப்பையில் ஆடிய 17 போட்டிகளில் 16 முறை பாகிஸ்தானை வீழ்த்தியுள்ளது (ஒருநாள் போட்டிகளில் 8 முறையும், டி20 போட்டிகளில் 8 முறையும்). இந்தப் போட்டிக்குப் பிறகு, 2026 மகளிர் டி20 உலகக் கோப்பைக்கான புள்ளிப் பட்டியல் விறுவிறுப்பாகியுள்ளது. முதலிடத்தில் யார் இருக்கிறார்கள் என்பதை தெரிந்து கொள்வோம்.
ALSO READ: பாகிஸ்தான் மகளிர் அணி கேப்டனுடன் கைகுலுக்க மறுத்த ஹர்மன்ப்ரீத் கவுர்.. வைரலாகும் வீடியோ!
ஐசிசி மகளிர் டி20 உலகக் கோப்பை புள்ளிப் பட்டியல் நிலவரம்: முதலிடத்தில் யார்?
பாகிஸ்தானை வீழ்த்திய போதிலும், இந்திய மகளிர் அணி குரூப் ஏ புள்ளி அட்டவணையில் முதலிடத்தை எட்டத் தவறியது. தென்னாப்பிரிக்காவை 65 ரன்கள் வித்தியாசத்தில் வீழ்த்திய ஆஸ்திரேலியா, முதலிடத்தைப் பிடித்தது. இந்தப் போட்டியில் இந்தியா இன்னும் சற்று பெரிய வித்தியாசத்தில் வெற்றி பெற்றிருந்தால், அவர்களால் முதலிடத்தைப் பிடித்திருக்கலாம்.
ஐசிசி மகளிர் டி20 உலகக் கோப்பை 2026 குரூப் ஏ புள்ளிகள் அட்டவணை :
குரூப் ‘ஏ’ பிரிவில் உள்ள இந்தியா, ஆஸ்திரேலியா மற்றும் வங்கதேசம் உள்ளிட்ட 3 அணிகளும் தங்களது வெற்றி கணக்கைத் தொடங்கியுள்ளன. வங்கதேசம் தனது தொடக்க ஆட்டத்தில் நெதர்லாந்தை 6 விக்கெட் வித்தியாசத்தில் வீழ்த்தியது. இதற்கிடையில், பாகிஸ்தான் மற்றும் தென்னாப்பிரிக்கா ஆகிய அணிகள், நெதர்லாந்துடன் சேர்ந்து, தங்களது தொடக்க ஆட்டங்களில் தோல்வியைச் சந்தித்தன.
ALSO READ: பாகிஸ்தானை பதம் பார்த்த இந்திய பவுலர்கள்.. டி20 WCல் வெற்றியுடன் தொடங்கிய ஹர்மன் படை!
ஐசிசி மகளிர் டி20 உலகக் கோப்பை 2026 குரூப் பி புள்ளிகள் அட்டவணை :
குரூப் ‘பி’ பிரிவில், இங்கிலாந்து ஒரே ஒரு போட்டியில் மட்டும் வெற்றி பெற்று, +4.350 என்ற நிகர ரன் விகிதத்துடன் முதலிடத்தில் உள்ளது. அதேநேரத்தில், ஸ்காட்லாந்து 2ம் இடத்திலும், வெஸ்ட் இண்டீஸ் 3ம் இடத்திலும், நியூசிலாந்து 4ம் இடத்திலும், அயர்லாந்து 5ம் இடத்திலும், இலங்கை 6ம் இடத்திலும் உள்ளன.
