IND W vs PAK W: நேருக்கு நேரில் இந்திய மகளிர் ஆதிக்கம்.. பின்னடைவில் பாகிஸ்தான் மகளிர்..!
India W vs Pakistan W Head to Head: பாகிஸ்தானுக்கு எதிராக மகளிர் டி20 சர்வதேசப் போட்டிகளில் இந்திய அணி எப்போதுமே ஆதிக்கம் செலுத்தி வந்துள்ளது. பல ஆண்டுகளாக டி20 உலகக் கோப்பையில் பாகிஸ்தான் இந்தியாவைத் தோற்கடித்ததில்லை. அதேநேரத்தில், இந்திய மற்றும் பாகிஸ்தான் மகளிர் அணிகள் டி20 வடிவத்தில் ஒரு இருதரப்புத் தொடரில் விளையாடியதில்லை.
டி20 உலகக் கோப்பையில் இந்தியா – பாகிஸ்தான் (IND W vs PAK W) இடையிலான மிகப்பெரிய போட்டியை காண ரசிகர்கள் ஆவலுடன் காத்திருக்கின்றனர். ஐசிசி மகளிர் டி20 உலகக் கோப்பை 2026 சீசனில், இவ்விரு அணிகளும் வருகின்ற 2026 ஜூன் 14ம் தேதி வரலாற்றுச் சிறப்புமிக்க எட்ஜ்பாஸ்டன் ஸ்டேடியத்தில் மோதுகின்றன. இத்தொடரில் இரு அணிகளுக்கும் இதுவே முதல் போட்டியாகும். அதன்படி, இரு அணிகளும் தங்களது பயணத்தை ஒரு வெற்றியுடன் தொடங்க விரும்புவார்கள். இருப்பினும், இந்தப் போட்டிக்கு முன்பு இந்திய மகளிர் அணிக்கு (Indian Womens Cricket Team) சாதகமான நிலை உள்ளது. இந்தநிலையில், இந்தியா மகளிர் மற்றும் பாகிஸ்தான் மகளிர் இடையிலான ஹெட் டூ ஹெட் விவரங்களை தெரிந்து கொள்வோம்.
ALSO READ: டி20 உலகக் கோப்பையில் எதிர்பார்ப்பை தூண்டும் இந்தியா – பாகிஸ்தான்.. எப்போது நடைபெறுகிறது?
இந்தியா vs பாகிஸ்தான்
பாகிஸ்தானுக்கு எதிராக மகளிர் டி20 சர்வதேசப் போட்டிகளில் இந்திய அணி எப்போதுமே ஆதிக்கம் செலுத்தி வந்துள்ளது. பல ஆண்டுகளாக டி20 உலகக் கோப்பையில் பாகிஸ்தான் இந்தியாவைத் தோற்கடித்ததில்லை. அதேநேரத்தில், இந்திய மற்றும் பாகிஸ்தான் மகளிர் அணிகள் டி20 வடிவத்தில் ஒரு இருதரப்புத் தொடரில் விளையாடியதில்லை. இந்த இரு அணிகளும் ஐசிசி நிகழ்வுகள், ஆசியக் கோப்பை, ஆசிய விளையாட்டுப் போட்டிகள் அல்லது காமன்வெல்த் விளையாட்டுப் போட்டிகள் போன்ற முக்கிய விளையாட்டு போட்டிகளில் மட்டுமே ஒன்றையொன்று எதிர்த்து விளையாடுகின்றன.
பாகிஸ்தானுக்கு எதிராக இந்தியா ஆதிக்கம்:
இந்தியா மகளிர் மற்றும் பாகிஸ்தான் மகளிர் அணிகளுக்கு இடையே இதுவரை மொத்தம் 16 டி20 போட்டிகள் நடைபெற்றுள்ளன. அவற்றில் இந்திய அணி 13 போட்டிகளிலும், பாகிஸ்தான் அணி 3 போட்டிகளிலும் மட்டுமே வெற்றி பெற்றுள்ளன. மகளிர் டி20 உலகக் கோப்பையில் இவ்விரு அணிகளும் 8 முறை நேருக்கு நேர் மோதியுள்ளன. அவற்றில் இந்தியா 6 போட்டிகளிலும், பாகிஸ்தான் 2 போட்டிகளிலும் மட்டுமே வெற்றி பெற்றுள்ளன. கடைசியாக இவ்விரு அணிகளும் 2024 டி20 உலகக் கோப்பையில் மோதின. அப்போது இந்திய அணி பாகிஸ்தானை 6 விக்கெட் வித்தியாசத்தில் தோற்கடித்தது.
ALSO READ: இந்திய மகளிர் அணியை வெல்லுமா பாகிஸ்தான்.. அணியின் நிலைமை இதுதான்!
உலகக் கோப்பையில் இரு அணிகளின் செயல்திறன்:
மகளிர் டி20 உலகக் கோப்பை வரலாற்றில் இரு அணிகளின் செயல்பாடும் மிகவும் வித்தியாசமாகவே இருந்துள்ளது. இந்தியா பலமுறை நாக்-அவுட் சுற்றுக்கு முன்னேறியுள்ளது. ஆனால், பாகிஸ்தான் லீக் சுற்றைத் தாண்டி முன்னேறவே சிரமப்பட்டு வருகிறது. இந்திய அணி 2020ம் ஆண்டு இறுதிப் போட்டிக்கு முன்னேறி 2ம் இடத்தைப் பிடித்தது. இருப்பினும், 2024 உலகக் கோப்பையில், இரு அணிகளாலும் லீக் சுற்றைத் தாண்ட முடியவில்லை. எனவே, இந்தியா-பாகிஸ்தான் அணிகள் மீண்டும் வெற்றிப் பாதைக்குத் திரும்புவதற்கு 2026 உலகக் கோப்பையே சிறந்த வாய்ப்பாகும்.
