IND W vs AUS W: வென்ற ஆஸ்திரேலியா.. உலகக் கோப்பையில் வெளியேறிய இந்தியா!
ICC Women's T20 World Cup 2026: 2026 மகளிர் டி20 உலகக் கோப்பையில் இன்று அதாவது 2026 ஜூன் 28ம் தேதி இந்திய மகளிர் அணியும், ஆஸ்திரேலிய மகளிர் அணியும் மோதியது. இந்த போட்டியில் முதலில் பேட்டிங் இந்திய மகளிர் அணி 20 ஓவர்கள் முடிவில் 4 விக்கெட்டுகள் இழப்பிற்கு 170 ரன்கள் எடுத்தது. இலக்கை துரத்திய ஆஸ்திரேலிய மகளிர் அணி 19 ஓவர்களில் வெற்றி பெற்றது.
2026 மகளிர் டி20 உலகக் கோப்பையில் (ICC Womens T20 World Cup 2026) இன்று அதாவது 2026 ஜூன் 28ம் தேதி இந்திய மகளிர் அணியும், ஆஸ்திரேலிய மகளிர் அணியும் மோதியது. இந்த போட்டியில் முதலில் பேட்டிங் இந்திய மகளிர் அணி 20 ஓவர்கள் முடிவில் 4 விக்கெட்டுகள் இழப்பிற்கு 170 ரன்கள் எடுத்தது. இலக்கை துரத்திய ஆஸ்திரேலிய மகளிர் அணி 19 ஓவர்களில் வெற்றி பெற்றது. டி20 உலக சாம்பியன் ஆக வேண்டும் என்ற இந்தியாவின் (Indian Womens Cricket Team) கனவு மீண்டும் ஒருமுறை நிறைவேறாமல் போனது. அரையிறுதிக்கு முன்னேற இந்தியாவிற்கு இந்தப் போட்டியில் வெற்றி பெறுவது மிகவும் அவசியமாக இருந்தது. ‘ஏ’ பிரிவிலிருந்து ஆஸ்திரேலியாவும் தென்னாப்பிரிக்காவும் அரையிறுதிக்குத் தகுதி பெற்றன.
ALSO READ: ரசிகர்கள் அதிர்ச்சி! நிலநடுக்கத்தில் மிஸ்ஸான குடும்பம்.. சோகத்தில் கால்பந்து வீரர்!
வரலாற்றுச் சிறப்புமிக்க லார்ட்ஸ் மைதானத்தில் நடைபெற்ற இந்தப் போட்டியில், கேப்டன் ஹர்மன்பிரீத் கவுர் 56 ரன்கள் எடுத்துப் போராடி இந்தியாவை 170 ரன்களுக்கு அழைத்துச் சென்றார். பதிலுக்கு ஆடிய ஆஸ்திரேலியா, ஆறு பந்துகள் மீதமிருக்க இலக்கை எட்டியது. ஆஸ்திரேலியா சார்பில், எல்லிஸ் பெர்ரி (56) மற்றும் ஆஷ்லே கார்ட்னர் ஆகியோர் 53 ரன்கள் எடுத்து ஆட்டத்தை கடைசி வரை எடுத்து சென்றனர்.
எல்லிஸ் பெர்ரி மற்றும் ஆஷ்லே கார்ட்னர் இடையேயான 100 ரன் பார்ட்னர்ஷிப் இந்திய அணிக்கு பெரும் பின்னடைவாக அமைந்தது. ஒரு கட்டத்தில், ஆஸ்திரேலியாவை 68 ரன்களுக்கு இந்தியா வீழ்த்தியிருந்தது, ஆனால் பின்னர் பெர்ரி மற்றும் கார்ட்னரின் 100 ரன் பார்ட்னர்ஷிப், இந்திய அணியை டி20 உலகக் கோப்பையில் இருந்து வெளியேற்றியது.
17 வருட பட்ட வறட்சி:
மகளிர் டி20 உலகக் கோப்பை முதன்முதலில் 2009-ஆம் ஆண்டு நடைபெற்றது. 17 ஆண்டுகள் மற்றும் 10 பதிப்புகள் கடந்துவிட்ட போதிலும், இந்திய மகளிர் அணியால் இன்னும் உலக சாம்பியன் ஆகவில்லை. இந்திய அணி ஒரே ஒரு முறை மட்டுமே இறுதிப் போட்டியில் விளையாடியுள்ளது. 2020 உலகக் கோப்பை இறுதிப் போட்டியில், ஆஸ்திரேலியா இந்தியாவை 85 ரன்கள் வித்தியாசத்தில் தோற்கடித்தது. ஆஸ்திரேலியா இப்போது தனது 7வது பட்டத்தை வெல்வதற்கு ஒரு படி அருகில் உள்ளது.
ALSO READ: அரையிறுதி வாய்ப்பை தவறவிட்ட நியூசிலாந்து.. கண்ணீருடன் ஓய்வை அறிவித்த 3 வீராங்கனைகள்!
ஆஸ்திரேலியா அரையிறுதிக்குத் தகுதி பெறுவதில் 100% சாதனையைப் படைத்துள்ளது. 2009 முதல், ஒவ்வொரு டி20 உலகக் கோப்பையிலும் ஆஸ்திரேலியா குறைந்தபட்சம் அரையிறுதியையாவது எட்டியுள்ளது. ஆஸ்திரேலியா 7 முறை இறுதிப் போட்டியில் விளையாடி, ஆறு முறை கோப்பையை வென்றுள்ளது.
