IND W vs AUS W: தோல்வியே காணாத ஆஸ்திரேலிய மகளிர்.. விரட்டியடிக்குமா இந்திய மகளிர்..? ஹெட் டூ ஹெட் விவரம்!
India W vs Australia W: லார்ட்ஸ் மைதானத்தில் நடைபெறும் இந்தியாவின் முதல் மகளிர் டி20 சர்வதேசப் போட்டியாகவும் இது அமையும். ஆஸ்திரேலியா இதற்கு முன்னர் இந்தப் புகழ்பெற்ற மைதானத்தில் ஒரு மகளிர் டி20 சர்வதேசப் போட்டியில் விளையாடியுள்ளது. ஆனால், கடந்த 2023ம் ஆண்டில் இங்கிலாந்திடம் தோல்வியடைந்தது.
அரையிறுதிப் போட்டியில் தனது இடத்தை உறுதிசெய்துகொண்ட இந்திய கிரிக்கெட் அணி (Indian Womens Cricket Team), 2026 மகளிர் டி20 உலகக் கோப்பை (ICC Womens T20 World Cup) ‘ஏ’ பிரிவில் இன்று அதாவது 2026 ஜூன் 28ம் தேதி லண்டனில் உள்ள புகழ்பெற்ற லார்ட்ஸ் மைதானத்தில் உலகின் நம்பர் 1 இடத்தில் உள்ள ஆஸ்திரேலியாவை இந்திய நேரப்படி இரவு 7 மணிக்கு எதிர்கொள்கிறது. ஆஸ்திரேலிய கிரிக்கெட் அணி, தாங்கள் விளையாடிய 4 போட்டிகளிலும் உறுதியான வெற்றிகளைப் பெற்றதன் மூலம், 2026 மகளிர் டி20 உலகக் கோப்பையின் அரையிறுதிப் போட்டியில் தனது இடத்தை ஏறக்குறைய உறுதி செய்துள்ளது. ஆஸ்திரேலிய மகளிர் அணியின் நிகர ரன் ரேட் (NRR) 4.724 ஆக உள்ளது. இது இந்தியாவின் 2.268-ஐ விட இரண்டு மடங்குக்கும் அதிகமாகும்.
ALSO READ: இன்னும் ஒரே ஒரு போட்டி.. இந்திய மகளிர் அணி அரையிறுதிக்கு செல்லுமா? சமன்பாடு என்ன?
அரையிறுதிக்கு தகுதிபெறுமா இந்திய மகளிர் அணி..?
ஆஸ்திரேலியா அடுத்த சுற்றுக்கு முன்னேறும் வலுவான நிலையில் இருந்தாலும், வங்கதேசத்திற்கு எதிரான தென்னாப்பிரிக்காவின் ஒரு பெரிய வெற்றியும், ஒரு பெரிய தோல்வியும் நிகர ரன் விகிதத்திற்கு ஆபத்தை ஏற்படுத்தக்கூடும். உலகத் தரவரிசையில் 3-வது இடத்தில் உள்ள இந்தியா, பாகிஸ்தான், நெதர்லாந்து மற்றும் வங்கதேசம் ஆகிய அணிகளுக்கு எதிரான வெற்றிகளுக்குப் பிறகு, நான்கு போட்டிகளில் இருந்து 6 புள்ளிகளுடன் ‘ஏ’ பிரிவில் இரண்டாவது இடத்தில் உள்ளது. தென்னாப்பிரிக்காவிடம் மட்டுமே இந்தியா தோல்வியடைந்துள்ளது. வங்கதேசம் – தென்னாப்பிரிக்கா போட்டியின் முடிவைப் பொருட்படுத்தாமல், இந்திய மகளிர் கிரிக்கெட் அணி ஆஸ்திரேலியாவை வென்றால், அது அரையிறுதிப் போட்டியில் இடத்தை கிட்டத்தட்ட உறுதி செய்யும்.
இந்தியா தோற்றாலும் அரையிறுதிக்கு செல்ல வேண்டுமென்றால், ஹர்மன்பிரீத் கவுரின் அணி அன்றைய தினம் முன்னதாக வங்கதேசம் தென்னாப்பிரிக்காவை வீழ்த்த வேண்டும். இந்தியாவின் சிறந்த நிகர ரன் ரேட்டும், தென்னாப்பிரிக்கா (0.734) மற்றும் வங்கதேசம் (-0.849) அணிகளை விட அவர்களுக்கு ஒரு குறிப்பிடத்தக்க சாதகத்தை அளிக்கிறது.
லாட்ர்ஸ் ஸ்டேடியத்தில் இந்திய மகளிர் அணி இதுவரை எப்படி?
லார்ட்ஸ் மைதானத்தில் நடைபெறும் இந்தியாவின் முதல் மகளிர் டி20 சர்வதேசப் போட்டியாகவும் இது அமையும். ஆஸ்திரேலியா இதற்கு முன்னர் இந்தப் புகழ்பெற்ற மைதானத்தில் ஒரு மகளிர் டி20 சர்வதேசப் போட்டியில் விளையாடியுள்ளது. ஆனால், கடந்த 2023ம் ஆண்டில் இங்கிலாந்திடம் தோல்வியடைந்தது.
இரு அணிகளும் இதுவரை நேருக்கு நேர்:
மகளிர் டி20 சர்வதேசப் போட்டிகளில், ஆஸ்திரேலியா மோதிய 37 ஆட்டங்களில் 27-ல் வெற்றி பெற்று இந்தியாவை விட ஆதிக்கம் செலுத்துகிறது. இந்தியா 9 போட்டிகளில் வெற்றி பெற்றுள்ளது, ஒரு போட்டி சமனில் முடிந்தது. மகளிர் டி20 உலகக் கோப்பையில், 2020 இறுதிப் போட்டி மற்றும் 2023 அரையிறுதிப் போட்டிகளில் பெற்ற வெற்றிகள் உட்பட, ஆஸ்திரேலியா நேருக்கு நேர் மோதலில் 5-1 என்ற கணக்கில் முன்னிலை வகிக்கிறது. மகளிர் டி20 உலகக் கோப்பையில் ஆஸ்திரேலியாவுக்கு எதிரான இந்தியாவின் ஒரே வெற்றியில் ஸ்மிருதி மந்தனா 83 ரன்கள் எடுத்தார். இந்த வெற்றியானது, வெஸ்ட் இண்டீஸில் நடைபெற்ற 2018 தொடரின் லீக் ஸ்டேஜ் போட்டியில் கிடைத்தது.
ALSO READ: ஆஸ்திரேலியாவுக்கு எதிராக தொடர்ந்து சம்பவம்.. ஸ்மிருதி மந்தனா ரன் வேட்டை தொடருமா?
அணி விவரம் பின்வருமாறு:
இந்திய மகளிர் அணி:
ஹர்மன்பிரீத் கவுர் (கேப்டன்), ஸ்மிருதி மந்தனா (துணை கேப்டன்), யாஸ்திகா பாட்டியா (விக்கெட் கீப்பர்), ரிச்சா கோஷ் (விக்கெட் கீப்பர்), ஜெமிமா ரோட்ரிக்ஸ், பார்தி ஃபுல்மாலி, ஷெஃபாலி வர்மா, தீப்தி ஷர்மா, கிராந்தி கௌட், ரேணுகா சிங் தாக்கூர், பிரேமா ராவத், அருந்ததி ரெட்டி, நந்தனி ஷர்மா, ஸ்ரீ சரணி, ராதா யாதவ்.
ஆஸ்திரேலிய மகளிர் அணி:
சோஃபி மோலோனி (கேப்டன்), ஃபோப் லிட்ச்ஃபீல்ட், பெத் மூனி (விக்கெட் கீப்பர்), ஜார்ஜியா வோல், தாலியா மெக்ராத் (துணை கேப்டன்), ஆஷ்லே கார்ட்னர், கிம் கார்த், லூசி ஹாமில்டன், கிரேஸ் ஹாரிஸ், அலானா கிங், எல்லிஸ் பெர்ரி, அன்னாபெல் சதர்லேண்ட், நிக்கோலா கேரி, மேகன் ஷூட், ஜார்ஜியா வேர்ஹாம்
