IND vs IRE: கேப்டனாக முதல் போட்டியில் தோல்வி.. மோசமான சாதனை பட்டியலில் இணைந்த ஷ்ரேயாஸ் ஐயர்!
Shreyas Iyer Captaincy: ஷ்ரேயாஸ் ஐயருக்கு முன்பு, விராட் கோலி, ரிஷப் பண்ட் மற்றும் சுப்மன் கில் ஆகியோர் இந்தப் பட்டியலில் இருந்தனர். இந்திய டி20 அணிக்கு 15 வீரர்கள் தலைமை தாங்கியுள்ளனர். இவர்களில், 11 கேப்டன்கள் தங்களது முதல் போட்டியில் வெற்றி பெற்றுள்ளனர்.
2026 டி20 உலகக் கோப்பைக்கு பிறகு இந்திய டி20 அணி மிகப்பெரிய எதிர்பார்ப்புக்கு மத்தியில், ஷ்ரேயஸ் ஐயர் தலைமையில் அயர்லாந்து சுற்றுப்பயணம் (IND vs IRE) மேற்கொண்டுள்ள இந்திய அணி (Indian Cricket Team), தனது முதல் போட்டியிலேயே தோல்வியை சந்தித்துள்ளது. பலவீனமான அயர்லாந்து அணியிடம் அடைந்த இந்தத் தோல்வி, இந்திய அணிக்கும், கேப்டன் ஷ்ரேயாஸ் ஐயருக்கும் ஒரு விரும்பத்தகாத மோசமான சாதனையை ஏற்படுத்தியுள்ளது. இதுமட்டுமின்றி, வைபவ் சூர்வன்ஷி பிளேயிங் லெவனில் இடம்பெறாததும் சர்ச்சையை ஏற்படுத்தி வருகிறது.
கேப்டனாக ஷ்ரேயாஸ் ஐயருக்கு முதல் போட்டி:
Ireland win the first T20I in Belfast by 34 runs.#TeamIndia will now aim to level the series on Sunday.
Scorecard ▶️ https://t.co/gdoXw2dAKR#IREvIND pic.twitter.com/kxnHM9ApeV
— BCCI (@BCCI) June 26, 2026
2026 டி20 உலகக் கோப்பைக்குப் பிறகு, இந்திய அணியின் தலைமைப் பொறுப்பு சூர்யகுமார் யாதவிடமிருந்து ஷ்ரேயாஸ் ஐயரிடம் ஒப்படைக்கப்பட்டுள்ளது. அவரது தலைமையில் இந்திய அணி அயர்லாந்தில் சுற்றுப்பயணம் மேற்கொண்டுள்ளது. ஆனால், அவரது தலைமையின் கீழ் இந்தியா ஒரு மோசமான மற்றும் ஏமாற்றமளிக்கும் தொடக்கத்தைக் கொண்டிருந்தது. பெல்ஃபாஸ்டில் நடைபெற்ற 2 போட்டிகள் கொண்ட டி20 தொடரின் முதல் போட்டியில் அயர்லாந்து, இந்தியாவை 34 ரன்கள் வித்தியாசத்தில் வீழ்த்தியது. இந்தத் தோல்விக்குப் பிறகு, கேப்டன் ஷ்ரேயாஸ் ஐயரின் பெயரில் ஒரு விரும்பத்தகாத சாதனை படைக்கப்பட்டுள்ளது.
டி20 சர்வதேச கிரிக்கெட்டில் கேப்டனாக தனது முதல் போட்டியில் தோல்வியைச் சந்தித்த 4வது வீரர் என்ற பெருமையை ஷ்ரேயாஸ் ஐயர் பெற்றுள்ளார். இதற்கு முன்னர், 3 இந்திய கேப்டன்கள் தங்களது அறிமுக டி20 சர்வதேசப் போட்டியில் தோல்வியைச் சந்திக்க நேரிட்டது.
ALSO READ: சொதப்பிய பேட்ஸ்மேன்கள் – அயர்லாந்துக்கு எதிராக இந்தியா அதிர்ச்சி தோல்வி
ஷ்ரேயாஸ் ஐயருக்கு முன்பு, விராட் கோலி, ரிஷப் பண்ட் மற்றும் சுப்மன் கில் ஆகியோர் இந்தப் பட்டியலில் இருந்தனர். இந்திய டி20 அணிக்கு 15 வீரர்கள் தலைமை தாங்கியுள்ளனர். இவர்களில், 11 கேப்டன்கள் தங்களது முதல் போட்டியில் வெற்றி பெற்றுள்ளனர். அதே சமயம், ஷ்ரேயாஸ் ஐயர் உட்பட 4 கேப்டன்கள் தங்களது முதல் போட்டியில் தோல்வியடைந்துள்ளனர். இதுமட்டுமின்றி, ஷ்ரேயாஸ் ஐயர் மற்றொரு விரும்பத்தகாத சாதனையை படைத்துள்ளார். எந்தவொரு வடிவத்திலும் அயர்லாந்துக்கு எதிராக ஒரு போட்டியில் தோற்ற முதல் கேப்டன் என்ற பெருமையை பெற்றுள்ளார். இதற்கு முன்பு இந்தியா, அயர்லாந்துக்கு எதிராக எந்தவொரு சர்வதேசப் போட்டியிலும் தோற்றதில்லை என்பது குறிப்பிடத்தக்கது.
