Lucknow : 3 வயது மாற்றுத்திறனாளி சிறுமி வன்கொடுமை.. குற்றவாளி என்கவுண்டர்!
Lucknow Encounter Details : லக்னோவில் 3 வயது மாற்றுத்திறனாளி சிறுமியின் மீது நடந்த பாலியல் வன்கொடுமை வழக்கில், குற்றவாளி தீபக் வர்மா 24 மணி நேரத்திற்குள் கைது செய்யப்பட்டார். பின்னர், போலீசாருக்கும் குற்றவாளிக்கும் இடையே நடந்த சண்டையில், என்கவுன்டரில் குற்றவாளி சுட்டுக் கொல்லப்பட்டார்.
2025, ஜூன் 5 ஆம் தேதி, உத்தரபிரதேச தலைநகர் லக்னோவின் ஆலம்பாக் காவல் நிலையப் பகுதியில் 3 வயது மாற்றுத்திறனாளி சிறுமி வன்கொடுமை செய்யப்பட்டார். இந்தக் குற்றத்தைச் செய்த 24 மணி நேரத்திற்குள் குற்றவாளி தீபக் வர்மா போலீசாரால் கண்டுபிடிக்கப்பட்டார். இந்நிலையில் ஜூன் 5ம் தேதியான வியாழக்கிழமை இரவு கான்ட்-ஆலம்பாக் எல்லைக்கு அருகிலுள்ள தேவிகேதா சாலையில் போலீசாருக்கும் குற்றம் சாட்டப்பட்டவருக்கும் இடையே நடந்த மோதலில் தீபக் வர்மா சுட்டுக் கொல்லப்பட்டார்.
வன்கொடுமை
இந்த பாலியல் வன்கொடுமை சம்பவம் ஜூன் 5, 2025 அன்று ஆலம்பாக்கில் உள்ள சந்தன் நகர் மெட்ரோ நிலையம் அருகே நடந்தது, அங்கு 3 வயது ஊனமுற்ற சிறுமி பாலியல் வன்கொடுமை செய்யப்பட்டார். சிறுமியின் மோசமான நிலையைக் கண்டதும், உடனடியாக லோக்பந்து மருத்துவமனையில் அனுமதிக்கப்பட்டு, அங்கிருந்து கேஜிஎம்யு மருத்துவமனைக்கு கொண்டு செல்லப்பட்டார். தற்போது, சிறுமி சிகிச்சை பெற்று வருகிறார், மேலும் அவரது நிலைமை மிகவும் மோசமாக இருப்பதாகக் கூறப்படுகிறது.
குற்றவாளியை தேடிய போலீசார்
சம்பவம் குறித்த தகவல் கிடைத்தவுடன், துணை காவல் ஆணையர் (DCP) மத்திய ஆஷிஷ் குமார் ஸ்ரீவஸ்தவா உடனடி நடவடிக்கைக்கு உத்தரவிட்டார். குற்றம் சாட்டப்பட்டவர்களைத் தேட 5 தனிப்படைகள் அமைக்கப்பட்டன, இது சிசிடிவி காட்சிகள் மற்றும் உள்ளூர் ஆதாரங்களின் உதவியுடன் தீபக் வர்மாவை போலீசார் கண்டுபிடித்தனர்.
போலீஸ் குழு மீது துப்பாக்கிச் சூடு
வியாழக்கிழமை இரவு, டி.சி.பி சென்ட்ரல் மற்றும் ஆலம்பாக் காவல் நிலைய குற்றப்பிரிவு குழுவினர் தீபக் வர்மாவை தேவிகேதா சாலையில் சுற்றி வளைத்தனர். காவல்துறையினரின் தகவலின்படி, அவரைத் தடுக்க முயன்றபோது, அவர் காவல்துறையினரை நோக்கிச் சுடத் தொடங்கினார் என்றும்பதிலடி கொடுக்கும் விதமாக, காவல்துறையினர் துப்பாக்கிச் சூடு நடத்தினர், இதில் தீபக் வர்மா பலத்த காயமடைந்தார். அவர் உடனடியாக மருத்துவமனைக்கு கொண்டு செல்லப்பட்டார், ஆனால் மருத்துவர்கள் அவர் இறந்துவிட்டதாக அறிவித்தனர் எனவும் போலீசார் குறிப்பிட்டுள்ளனர்.
டி.ஜி.பி என்ன சொன்னார்?
“குற்றம் சாட்டப்பட்ட தீபக் வர்மா மீது தொடர்புடைய பிரிவுகளின் கீழ் வழக்குப் பதிவு செய்யப்பட்டுள்ளது. எங்கள் குழுக்கள் 24 மணி நேரமாக அவரைத் தேடி வந்தன. என்கவுன்டரின் போது, தற்காப்புக்காக போலீசார் துப்பாக்கிச் சூடு நடத்த வேண்டியிருந்தது, அதில் குற்றம் சாட்டப்பட்டவர் இறந்தார்” என்று மத்திய துணை ஆணையர் ஆஷிஷ் ஸ்ரீவஸ்தவா தெரிவித்தார்.
வீடியோ
थाना आलमबाग क्षेत्रान्तर्गत हुयी मुठभेड़ के सम्बन्ध में पुलिस उपायुक्त, मध्य द्वारा दी गयी बाइट।@Uppolice pic.twitter.com/YyocHmxlnw
— LUCKNOW POLICE (@lkopolice) June 5, 2025
முன்னதாக, இந்த முழு வழக்கிலும், சிறுமியின் குடும்பத்தினரும் உள்ளூர் மக்களும் காவல்துறையினரிடமிருந்து கடுமையான நடவடிக்கையை எதிர்பார்த்து கோரிக்கை விடுத்தனர். சிறுமியின் வன்கொடுமை, சமூக ஊடகங்களிலும் கொந்தளிப்பை ஏற்படுத்தியது. இந்த விவகாரம் முழுமையாக விசாரிக்கப்படும் என்று காவல்துறை உறுதியளித்திருந்த நிலையில் இந்த என்கவுண்டர் நடந்துள்ளது
