திமுக கூட்டணியில் தேமுதிகவுக்கு 10 சட்டமன்ற தொகுதிகள் ஒதுக்கீடு!

சென்னை, மார்ச் 24 : 2026 தமிழக சட்டமன்ற தேர்தலில் (2026 Tamil Nadu Assembly Election) போட்டியிட திராவிட முன்னேற்ற கழக (DMK – Dravida Munnetra Kazhagam) கூட்டணியில் இணைந்துள்ள தேசிய முற்போக்கு திராவிட முன்னேற்ற கழகத்துக்கு (DMDK – Desiya Murpokku Dravida Kazhagam) 10 சட்டமன்ற தொகுதிகள் ஒதுக்கீடு செய்யப்பட்டுள்ளன. இன்று தேமுதிக தலைவர் பிரேமலதா விஜயகாந்த் மற்றும் திமுக தலைவர் மு.க.ஸ்டாலின் இடையே நடந்த பேச்சுவார்த்தையில் இந்த தொகுதி பங்கீடு உறுதியாகியுள்ளது.

சட்டமன்ற தேர்தலை திமுகவுடன் இணைந்து களம் காணும் தேமுதிக

தமிழகத்தில் ஏப்ரல் 23, 2026 அன்று சட்டமன்ற தேர்தல் வாக்குப்பதிவு நடைபெறும் என இந்திய தேர்தல் ஆணையம் அறிவித்துள்ளது. இந்த நிலையில், பிரசாரம், கூட்டணி, தொகுதி பங்கீடு என கட்சிகள் தீவிர பணிகளை மேற்கொண்டு வருகின்றனர். இந்த தேர்தலை முதல் முறையாக தேமுதிக, திமுக உடன் இணைந்து களம் காண உள்ளது. திமுக தனது கூட்டணியில் உள்ள கட்சிகளுடன் தொகுதி பங்கீடு செய்து வருகிறது. அந்த வகையில், இன்று தேமுதிக உடனான தொகுதி பங்கீட்டை உறுதி செய்துள்ளது.

இதையும் படிங்க : Natham R. Viswanathan Tamil Nadu Election: நத்தம் தொகுதியில் மீண்டும் களம் காண்பாரா ஆர்.விஸ்வநாதன்!

திமுக கூட்டணியில் 10 தொகுதிகளில் போட்டியிடும் தேமுதிக

திமுக கூட்டணியில் தேமுதிகவுக்கு தொகுதிகள் உறுதி செய்வது தொடர்பான தொடர் பேச்சுவார்த்தைகள் மேற்கொள்ளப்பட்டு வந்தன. அந்த வகையில், தேமுதிக தலைவர் பிரேமலதா விஜயகாந்த் மற்றும் திமுக தலைவர் மு.க.ஸ்டாலின் இடையே தொகுதி பங்கீடு குறித்து இன்று பேச்சுவார்த்தை நடைபெற்றது. இந்த நிலையில் திமுக கூட்டணியில், 2026 சட்டமன்ற தேர்தலில், தேமுதிக 10 சட்டமன்ற தொகுதிகளில் போட்டியிடுவது உறுதி செய்யப்பட்டுள்ளது.

இதையும் படிங்க : நீண்ட இழுபறிக்கு பின் தீர்வு… திமுக கூட்டணியில் விசிகவுக்கு 8 தொகுதிகள் ஒதுக்கீடு.. உத்தேச பட்டியலும் வெளியீடு!

திமுக கூட்டணியில் எந்த எந்த கட்சிகளுக்கு எத்தனை இடங்கள்

திமுக கூட்டணியில் மொத்தம் 21 கட்சிகள் உள்ளன. அவற்றில் ஒருசில கட்சிகளுக்கான தொகுதி பங்கீடு உறுதி செய்யப்பட்டுள்ளது.

• காங்கிரஸ் – 28 தொகுதிகள்
• மதிமுக – 4 தொகுதிகள்
• மமக – 2 தொகுதிகள்
• ஐயூஎம்எல் – 2 தொகுதிகள்
• கொமதேக – 2 தொகுதிகள்
• கம்யூனிட்ஸ் – 5 தொகுதிகள்
• மார்க்சிஸ்ட் கம்யூனிஸ்ட் – 5 தொகுதிகள்

மற்ற கட்சிகளை தொகுதி பங்கீடு பேச்சுவார்த்தைக்கு அழைக்கும் திமுக தங்களை தொகுதி பங்கீட்டு பேச்சுவார்த்தைக்கு அழைக்கவில்லை என கூறி, திமுக கூட்டணியில் இருந்து தமிழக வாழ்வுரிமை கட்சி வெளியேறியுள்ளது குறிப்பிடத்தக்கது.