Gold Price: அதிரடியாக குறைந்த தங்கம் விலை.. சென்னையில் இன்று ஒரு சவரன் எவ்வளவு தெரியுமா?!!
கடந்த 2025-ஆம் ஆண்டு இதே மே 28 நிலவரப்படி, ஒரு சவரன் தங்கம் வெறும் ரூ.71,480க்கு விற்பனையானது. அதனுடன் ஒப்பிடுகையில், நடப்பு 2026-ஆம் ஆண்டில் தங்கம் விலை சவரனுக்கு ₹44,520 (சுமார் 62.2%) வரை அசுர வேகத்தில் உயர்ந்து, தற்போது ₹1.16 லட்சம் என்ற நிலையை எட்டியுள்ளது குறிப்பிடத்தக்கது.
கடந்த சில நாட்களாக கண்ணாமூச்சி காட்டி, ஏற்ற இறக்கங்களுடன் காணப்பட்ட தங்கம் விலை, இன்று (மே 28, 2026) வியாழக்கிழமை ஒரே நாளில் சவரனுக்கு ₹1,200 வரை அதிரடியாகக் குறைந்து பலத்த சரிவைச் சந்தித்துள்ளது. இந்த திடீர் விலை வீழ்ச்சி, நகை வாங்கத் திட்டமிட்டிருக்கும் நடுத்தரக் குடும்பங்கள் மற்றும் பொதுமக்களிடையே பெரும் மகிழ்ச்சியை ஏற்படுத்தியுள்ளது.
இதையும் படிக்க: பிஎஃப் கணக்கு லாக் ஆகிவிட்டதா?.. கவலை வேண்டாம்.. இதை செய்தால் மட்டும் போதும்!
ஆபரணத் தங்கம் ஒரே நாளில் சரிவு:
சென்னையில் நேற்று வரை ஒரு சவரன் ஆபரணத் தங்கம் ரூ.1,17,200க்கு விற்பனையான நிலையில், இன்று காலை வர்த்தகத் தொடக்கத்திலேயே சவரனுக்கு ரூ.1,200 மளமளவெனக் குறைந்துள்ளது. அதன்படி, இன்று ஒரு சவரன் தங்கம் நேற்றைய விலையிலிருந்து சரிந்து, ₹1,16,000 ஆக விற்பனை செய்யப்படுகிறது. அதேபோல், ஒரு கிராம் தங்கம் கிராமுக்கு ₹150 குறைந்து, இன்று ₹14,500க்கு விற்கப்படுகிறது.
தூய தங்கம் விலை நிலவரம்:
அதேசமயம், முதலீட்டாளர்களுக்கான 100% தூய்மையான 24 கேரட் தங்கத்தின் விலையிலும் இன்று சரிவுப் போக்கு நீடிக்கிறது. அதன்படி, 1 கிராம் தூய தங்கம் ₹15,981க்கும், 10 கிராம் தங்கம் (ஒரு துலாம்) ₹1,59,810க்கும் விற்பனை செய்யப்படுகிறது.
வெள்ளி விலையும் வீழ்ச்சி:
தங்கத்தின் விலையைப் பின்பற்றி இன்று வெள்ளியின் விலையும் கணிசமாகக் குறைந்துள்ளது. அந்தவகையில் வெள்ளி இன்று கிராமுக்கு ₹5 வரை சரிந்துள்ளது. அதன்படி, இன்று ஒரு கிராம் வெள்ளி ரூ.290 ஆக இருந்த நிலையில், இன்று ரூ.285ஆகவும், ஒரு கிலோ பார் வெள்ளி ஒரே நாளில் ரூ.5,000 குறைந்து, ரூ.2,85,000க்கும் விற்பனை செய்யப்படுகிறது.
கடந்த ஆண்டுடன் ஓர் ஒப்பீடு:
கடந்த 2025-ஆம் ஆண்டு இதே மே 28 நிலவரப்படி, ஒரு சவரன் தங்கம் வெறும் ரூ.71,480க்கு விற்பனையானது. அதனுடன் ஒப்பிடுகையில், நடப்பு 2026-ஆம் ஆண்டில் தங்கம் விலை சவரனுக்கு ₹44,520 (சுமார் 62.2%) வரை அசுர வேகத்தில் உயர்ந்து, தற்போது ₹1.16 லட்சம் என்ற நிலையை எட்டியுள்ளது குறிப்பிடத்தக்கது.
இதையும் படிக்க: “டாஸ்மாக் பணியாளர்கள் பணிக்கு திரும்ப அழைப்பு”.. ஜூன் மாத இறுதிக்குள் மாற்றம்.. அமைச்சர் கொடுத்த உறுதி!!
விலை வீழ்ச்சிக்கான காரணம் என்ன?
சர்வதேச பொருளாதாரச் சூழலில் ஏற்பட்டுள்ள மாற்றங்கள், உலகச் சந்தையில் அமெரிக்க டாலரின் மதிப்பு வலுவடைந்தது மற்றும் சர்வதேச முதலீட்டாளர்கள் தங்கத்தின் மீதான முதலீடுகளை மாற்றி அமைப்பது போன்ற உலகளாவிய காரணிகளாலேயே உள்நாட்டுச் சந்தையிலும் தங்கம் மற்றும் வெள்ளி விலை இந்த அளவுக்கு அதிரடியாகச் சரிந்துள்ளதாகப் பொருளாதார வல்லுநர்கள் தெரிவிக்கின்றனர்.
