தொடர்ந்து இரண்டாவது நாளாக கடும் சரிவில் தங்கம்.. ஒரு சவரனுக்கு ரூ. 640 குறைந்து விற்பனை..

தங்கம் விலை, மே 27, 2026: தங்கத்தின் விலை தொடர்ந்து இரண்டாவது நாளாக கடும் சரிவை சந்தித்துள்ளது. அந்த வகையில், ஒரு கிராம் தங்கத்தின் விலை ரூ.80 குறைந்து விற்பனை செய்யப்பட்டு வருகிறது. ஒரு சவரன் தங்கத்தின் விலை ரூ.640 குறைந்து விற்பனை செய்யப்படுகிறது. வெள்ளி விலையைப் பொருத்தவரையில், ஒரு கிராமுக்கு ரூ.5 குறைந்து விற்பனை செய்யப்படுகிறது. தொடர்ந்து இரண்டாவது நாளாக தங்கத்தின் விலை சரிவைக் கண்டுள்ள சூழலில், மக்கள் சற்றே நிம்மதி பெருமூச்சு விட்டுள்ளனர்.

தங்கம் விலை உயர காரணம் என்ன?

இந்திய கலாச்சாரத்தைப் பொருத்தவரையில், தங்கம் என்பது மிகவும் முக்கியமான அம்சமாக பார்க்கப்படுகிறது. எந்த ஒரு சுப நிகழ்ச்சியாக இருந்தாலும் அதில் தங்கத்திற்கு தனி இடம் உண்டு.

சமீப காலமாக தங்கத்தின் விலை கடும் உயர்வை சந்தித்து வந்த நிலையில், கடந்த ஆண்டு, அதாவது 2025ஆம் ஆண்டு டிசம்பர் மாதத்தில், ஒரு சவரன் தங்கத்தின் விலை ரூ.1 லட்சத்தை கடந்து விற்பனை செய்யப்பட்டது. அதனைத் தொடர்ந்து தற்போது வரை தங்கத்தின் விலை ஏற்ற இறக்கத்துடன் இருந்து வருகிறது.

மேலும் படிக்க: 2026 டிசம்பர் மாதத்தில் தங்கம் விலை எவ்வளவு இருக்கும்.. ஐசிஐசிஐ கணிப்பு!

சர்வதேச சந்தையில் நிலவும் பொருளாதார மாற்றங்கள் மற்றும் பணவீக்கத்திற்கு எதிரான பாதுகாப்பான முதலீடாக தங்கத்தை முதலீட்டாளர்கள் தேர்வு செய்து வருவதால்தான் தங்கத்தின் விலையில் தொடர்ந்து உயர்வு காணப்படுவதாக வல்லுநர்கள் தெரிவிக்கின்றனர்.

உலகளவில் நிலவி வரும் புவிசார் அரசியல் பதற்றங்கள் மற்றும் பணவீக்க அச்சம் காரணமாக, உலக முதலீட்டாளர்கள் தங்களது பணத்தை பாதுகாப்பாக வைத்திருக்க தங்கத்தை முதன்மை தேர்வாக கருதி அதில் அதிக அளவில் முதலீடு செய்து வருகின்றனர். முதலீடுகள் அதிகரித்து வரும் நிலையில், ஆபரண தங்கத்தின் விலை எட்டாத உயரத்தை நோக்கி சென்று வருகிறது.

கடும் சரிவில் தங்கம் விலை:

நேற்றைய தினம் சென்னையில் ஒரு கிராம் ஆபரண தங்கம் ரூ.14,730க்கு விற்பனை செய்யப்பட்ட நிலையில், இன்று, அதாவது மே 27ஆம் தேதி, ரூ.80 குறைந்து ஒரு கிராம் ஆபரண தங்கம் ரூ.14,650க்கு விற்பனை செய்யப்படுகிறது.

அதேபோல், ஒரு சவரன் ஆபரண தங்கம் ரூ.1,17,200க்கு விற்பனை செய்யப்படுகிறது. 24 காரட் தங்கம் ஒரு கிராம் ரூ.15,982க்கும், ஒரு சவரன் ரூ.1,27,856க்கும் விற்பனை செய்யப்படுகிறது.

வெள்ளி விலையைப் பொருத்தவரையில், ஒரு கிராம் ரூ.5 குறைந்து ரூ.290க்கும், ஒரு கிலோ வெள்ளி ரூ.2 லட்சத்து 90 ஆயிரத்துக்கும் விற்பனை செய்யப்பட்டு வருகிறது.