இரண்டு நாட்களில் ரூ. 5,600 குறைந்த தங்கம் விலை.. ஒரு சவரன் எவ்வளவு தெரியுமா?

ஜூன் 11, 2026: ஜூன் மாதம் தொடங்கியதிலிருந்து தங்கம் விலை கடுமையான சரிவை சந்தித்து வருகிறது. அந்த வகையில், ஜூன் 11ஆம் தேதியான இன்று ஒரு கிராம் தங்கம் ரூ.300 குறைந்து விற்பனை செய்யப்படுகிறது. கடந்த இரண்டு நாட்களில் மட்டும் ஒரு சவரன் தங்கத்தின் விலை சுமார் ரூ.5,600 வரை குறைந்துள்ளது. இதன் காரணமாக நகை வாங்க திட்டமிட்டிருந்த பொதுமக்கள் மகிழ்ச்சி அடைந்துள்ளனர். வெள்ளி விலையும் கடந்த சில நாட்களாக தொடர்ந்து குறைந்து வந்த நிலையில், இன்று எந்த மாற்றமும் இல்லாமல் நேற்றைய விலையிலேயே விற்பனை செய்யப்படுகிறது.

தொடர்ந்து குறையும் தங்கம் விலை:

ஜூன் 10ஆம் தேதி ஒரு சவரன் தங்கம் ரூ.3,200 குறைந்து விற்பனையான நிலையில், இன்று மேலும் ரூ.2,400 குறைந்துள்ளது. இன்றைய நிலவரப்படி, ஆபரண தங்கத்தின் விலை ஒரு கிராம் ரூ.13,500க்கும், ஒரு சவரன் ரூ.1,08,000க்கும் விற்பனை செய்யப்படுகிறது.

மேலும் படிக்க: காகித ரூபாய் நோட்டுகளுக்கு முற்றுப்புள்ளி?.. அறிமுகமாகும் பிளாஸ்டிக் நோட்டுகள்?.. மத்திய அரசு கொடுத்த விளக்கம்!!

அதேபோல், 24 காரட் தூய தங்கத்தின் விலை ஒரு கிராம் ரூ.14,727க்கும், ஒரு சவரன் ரூ.1,17,816க்கும் விற்பனை செய்யப்படுகிறது.

வெள்ளி விலையைப் பொறுத்தவரையில், நேற்றைய தினம் ஒரு கிராமுக்கு ரூ.10 குறைந்த நிலையில், ஜூன் 11ஆம் தேதியான இன்று எந்த மாற்றமும் இல்லாமல் ஒரு கிராம் வெள்ளி ரூ.260க்கும், ஒரு கிலோ வெள்ளி ரூ.2,60,000க்கும் விற்பனை செய்யப்படுகிறது.

தங்கம் விலை சீரற்ற நிலமைக்கு என்ன காரணம்?

இந்த ஆண்டு தொடங்கியதிலிருந்தே தங்கம் மற்றும் வெள்ளி விலை சீரற்ற நிலையிலேயே இருந்து வருகிறது. சர்வதேச சந்தை நிலவரம், அமெரிக்க டாலர் மதிப்பில் ஏற்படும் மாற்றம், கச்சா எண்ணெய் விலை உயர்வு மற்றும் உலக பொருளாதார சூழல் உள்ளிட்ட பல்வேறு காரணங்களால் தங்கம், வெள்ளி விலையில் தொடர்ந்து ஏற்ற இறக்கங்கள் ஏற்பட்டுவருவதாக வல்லுநர்கள் தெரிவித்து வருகின்றனர்.

மேலும் படிக்க: கார் விலை உயர்வு – பழைய விலையிலேயே கார் வாங்க வேண்டுமா? மாருதி சுசூகியின் புதிய திட்டம்

வரும் நாட்களிலும் தங்கம் விலை இதேபோல் ஏற்ற இறக்கத்துடனே இருக்கும் என்றும், பெரிய அளவிலான மாற்றம் ஏற்படும் வாய்ப்பு குறைவாகவே உள்ளதாகவும் நிபுணர்கள் கருத்து தெரிவித்து வருகின்றனர்.

கடந்த 2025ஆம் ஆண்டு டிசம்பர் மாதத்தில் ஒரு சவரன் தங்கம் ரூ.1 லட்சத்தை கடந்தது குறிப்பிடத்தக்கது.