காதலர் தினம்

காதலர் தினம் ஒவ்வொரு ஆண்டும் பிப்ரவரி 14ம் தேதி கொண்டாடப்படுகிறது. காதலர் தினம் முதன்முதலில் அமெரிக்காவில் கொண்டாடப்பட்டது, பின்னர் இங்கிலாந்தில் கொண்டாடத் தொடங்கியது. இதன் பிறகு, படிப்படியாக உலகம் முழுவதும் பரவியது. காதலர் தினம் சில நாடுகளில் வெவ்வேறு பெயர்களில் கொண்டாடப்பட்டு வருகிறது. உதாரணத்திற்கு சீனாவில் ‘செவன் நைட்ஸ்’ என்றும், ஜப்பான் மற்றும் கொரியாவில் இது ‘ஒயிட் டே’ என்றும் அழைக்கப்படுகிறது.இந்தியாவில், காதலர் தின கொண்டாட்டங்கள் 1992ம் ஆண்டு வாக்கில் தொடங்கின. அதன் பிறகு இங்கும் பிரபலமடைந்தது. காதலர் தினம் பிப்ரவரி 14ம் தேதி கொண்டாடப்பட்டாலும், அதற்கான உற்சாகம் இளைஞர்களிடையே மாதத் தொடக்கத்திலிருந்தே இருந்து வருகிறது. காதலர் தினத்திற்கு ஒரு வாரத்திற்கு முன்பு, பிப்ரவரி 7ம் தேதி காதலர் வாரம் தொடங்குகிறது. இதன் தொடர்ச்சியாக, ஒவ்வொரு நாளும் காதலைக் குறிக்கும் மற்றும் ஒவ்வொரு கருப்பொருளை அடிப்படையாக கொண்டு காதலர்கள் தங்களது அன்பை வெளிப்படுத்துகின்றனர்.