WI vs PAK: கடைசி இடத்திற்கு சரிந்த பாகிஸ்தான்.. புள்ளிகள் பட்டியலில் இந்தியா எத்தனையாவது இடம்?
World Test Championship Final: உலக டெஸ்ட் சாம்பியன்ஷிப் 2025-27 புள்ளிப் பட்டியலில் இந்திய அணி வங்கதேசத்தை விடவும் பின்தங்கியுள்ளது. இந்தியா 5வது இடத்திலும், வங்கதேசம் 4வது இடத்திலும், நியூசிலாந்து 3வது இடத்திலும் உள்ளன. 5வது இடத்திலிருந்து முதல் இரண்டு அணிகளுக்குள் முன்னேறி, உலக டெஸ்ட் சாம்பியன்ஷிப் 2025-27 இறுதிப் போட்டியில் விளையாட சுப்மன் கில் தலைமையிலான இந்திய அணிக்கு ஒரே ஒரு வழிதான் உள்ளது.
வெஸ்ட் இண்டீஸ் மற்றும் பாகிஸ்தான் (WI vs PAk) இடையிலான முதல் டெஸ்ட் போட்டியில் வெஸ்ட் இண்டீஸ் அணி வெறும் 4 நாட்களில் பாகிஸ்தானை வீழ்த்தியது. சொந்த மண்ணில் விளையாடிய வெஸ்ட் இண்டீஸ், முதல் டெஸ்ட் போட்டியை 90 ரன்கள் வித்தியாசத்தில் வென்றது. இந்த டெஸ்ட் போட்டியின் முடிவு, ஐசிசி உலக டெஸ்ட் சாம்பியன்ஷிப் (WTC 2025-27) புள்ளி அட்டவணையில் முக்கிய மாற்றத்தை கொடுத்துள்ளது. அதன்படி, இதில் பாகிஸ்தான் இப்போது மிகவும் இக்கட்டான நிலையில் உள்ளது. அதேநேரத்தில், வெஸ்ட் இண்டீஸ் அணி கடைசி இடத்தில் இருந்து ஒரு படி முன்னேற்றம் கண்டுள்ளது.
ALSO READ: 5 ஓவர்கள்.. 5 விக்கெட்கள்.. 0 ரன்கள்.. பாகிஸ்தானை பந்தாடிய வெஸ்ட் இண்டீஸ் பவுலர்!
கடைசி இடத்தில் பாகிஸ்தான்:
பாகிஸ்தானுக்கு எதிரான சொந்த மண்ணில் நடந்த டெஸ்ட் தொடரில் விளையாடுவதற்கு முன்பு, வெஸ்ட் இண்டீஸ் ஐசிசி உலக டெஸ்ட் சாம்பியன்ஷிப் புள்ளி அட்டவணையில் கடைசி இடத்தில் இருந்தது. இருப்பினும், இந்த டெஸ்ட் போட்டிக்குப் பிறகு, நிலைமை மாறியுள்ளது. இப்போது, உலக டெஸ்ட் சாம்பியன்ஷிப் பட்டியலில் உள்ள 9 அணிகளில், வெஸ்ட் இண்டீஸ் கடைசி இடத்தில் இல்லாமல், 8வது இடத்திற்கு முன்னேறியுள்ளது. மறுபுறம், பாகிஸ்தான் மிகக் கடைசி இடமான 9வது இடத்திற்குச் சரிந்துள்ளது. இந்த உலக டெஸ்ட் சாம்பியன்ஷிப் கட்டத்தில் இதுவரை விளையாடிய 11 டெஸ்ட் போட்டிகளில் 2 வெற்றிகள், 7 தோல்விகள் மற்றும் 2 சமன்களுக்குப் பிறகு, வெஸ்ட் இண்டீஸ் அணியின் வெற்றி-தோல்வி சதவீதம் (PCT) 22.73% ஆக உள்ளது. அதேநேரத்தில், பாகிஸ்தானின் PCT வெறும் 6.66% மட்டுமே. இதுவரை விளையாடிய 5 டெஸ்ட் போட்டிகளில் பாகிஸ்தான் 1 போட்டியில் வெற்றி பெற்று 4 போட்டிகளில் தோல்வியடைந்துள்ளது.
உலக டெஸ்ட் சாம்பியன்ஷிப் அட்டவணையில் ஆஸ்திரேலியா முதலிடம்
உலக டெஸ்ட் சாம்பியன்ஷிப் அட்டவணையில் இதுவரை நடைபெற்ற எட்டு டெஸ்ட் போட்டிகளில் 7ல் வெற்றி பெற்றதன் மூலம், ஆஸ்திரேலியா WTC 2025-27 புள்ளிப் பட்டியலில் தனது முதலிடத்தைத் தக்கவைத்துக் கொண்டுள்ளது. தென்னாப்பிரிக்கா இரண்டாம் இடத்தில் உள்ளது. ஆஸ்திரேலியாவின் வெற்றி விகிதம் (PCT) 87.50% ஆகவும், 4 டெஸ்ட் போட்டிகளில் 3ல் வெற்றி பெற்ற தென்னாப்பிரிக்காவின் PCT 75.00% ஆகவும் உள்ளது.
ALSO READ: முதலிடத்தில் தடம் பதித்த சுப்மன் கில்.. தரவரிசையில் டாப் 10க்குள் ரோஹித்-கோலி!
2025-27 உலக சாம்பியன்ஷிப் இறுதிப் போட்டியில் இந்தியா எப்படி விளையாடும்?
உலக டெஸ்ட் சாம்பியன்ஷிப் 2025-27 புள்ளிப் பட்டியலில் இந்திய அணி வங்கதேசத்தை விடவும் பின்தங்கியுள்ளது. இந்தியா 5வது இடத்திலும், வங்கதேசம் 4வது இடத்திலும், நியூசிலாந்து 3வது இடத்திலும் உள்ளன. 5வது இடத்திலிருந்து முதல் இரண்டு அணிகளுக்குள் முன்னேறி, உலக டெஸ்ட் சாம்பியன்ஷிப் 2025-27 இறுதிப் போட்டியில் விளையாட சுப்மன் கில் தலைமையிலான இந்திய அணிக்கு ஒரே ஒரு வழிதான் உள்ளது. இந்தச் சுற்றில் மீதமுள்ள 9 டெஸ்ட் போட்டிகளிலும் வெற்றி பெறுவது மட்டும்தான்.
