IND W vs SL W: தொடர்ந்து 3வது முறையாக பைனலில் மோதல்.. இந்தியாவா? இலங்கையா? யாருக்கு சாதகம்?
Women's Asia Cup 2026 Final: இலங்கையின் வெற்றியின் மூலம், இந்தியாவும் இலங்கையும் தொடர்ச்சியாக 3வது முறையாக மகளிர் ஆசியக் கோப்பை இறுதிப் போட்டியில் சந்திக்கின்றன. இவ்விரு அணிகளும் இதற்கு முன்னர் 2022 மற்றும் 2024-ஆம் ஆண்டுகளில் நடைபெற்ற இறுதிப் போட்டிகளில் மோதியுள்ளன.
2026 மகளிர் ஆசியக் கோப்பையை (2026 Womens Asia Cup) எந்த அணி சாம்பியன் பட்டத்தை வெல்லும் என்பதை அறிய ஆவல் எழுந்துள்ளது. இந்தியாவும் (Indian Womens Cricket Team) இலங்கையும் பட்டத்திற்காக மீண்டும் ஒருமுறை மோதுகின்றன. இதில் சிறப்பான விஷயம் என்னவென்றால், இரு அணிகளும் தொடர்ச்சியாக 3வது முறையாக ஆசியக் கோப்பை இறுதிப் போட்டியில் மோதுகின்றன. இதற்கு முன்னர் நடைபெற்ற 2 பைனல்களிலும் இரு அணிகளும் தலா ஒரு முறை வென்றுள்ளன. தற்போது, இலங்கைக்கு எதிரான தங்களின் முந்தைய தோல்விக்குப் பழிவாங்க இந்திய அணிக்கு ஒரு சிறந்த வாய்ப்பு கிடைத்துள்ளது.
ALSO READ: ஆசிய கோப்பை 2026: அபார பந்துவீச்சு – 40 ரன்கள் வித்தியாசத்தில் இந்திய மகளிர் அபார வெற்றி
அரையிறுதியில் இலங்கை அணியின் ஆதிக்கம்:
நேற்று அதாவது 2026 செப்டம்பர் 11ம் தேதி துபாய் சர்வதேச மைதானத்தில் நடைபெற்ற இரண்டாவது அரையிறுதிப் போட்டியில், இலங்கை அணி பாகிஸ்தானை 4 விக்கெட் வித்தியாசத்தில் வீழ்த்தியது. முதலில் பேட்டிங் செய்த பாகிஸ்தான், 20 ஓவர்களில் 130 ரன்கள் எடுத்தது. இந்த போட்டியில் பாகிஸ்தான் கேப்டன் பாத்திமா சனா வெறும் 36 பந்துகளில் 47 ரன்கள் எடுத்து, பாகிஸ்தானை ஒரு சவாலான ஸ்கோரை எட்டச் செய்தார். இலங்கை தரப்பில், கேப்டன் சம்ரி அட்டபட்டு மற்றும் சாமுடி பிரபோதா தலா 2 விக்கெட்டுகளை வீழ்த்தினர். இந்த இலக்கை இலங்கை அணி 18.4 ஓவர்களில் துரத்தி வெற்றி பெற்றது.
மீண்டும் ஒரு இறுதிப்போட்டி..
இலங்கையின் வெற்றியின் மூலம், இந்தியாவும் இலங்கையும் தொடர்ச்சியாக 3வது முறையாக மகளிர் ஆசியக் கோப்பை இறுதிப் போட்டியில் சந்திக்கின்றன. இவ்விரு அணிகளும் இதற்கு முன்னர் 2022 மற்றும் 2024-ஆம் ஆண்டுகளில் நடைபெற்ற இறுதிப் போட்டிகளில் மோதியுள்ளன.
2022-ஆம் ஆண்டு இறுதிப் போட்டியில் இந்திய அணி இலங்கையை வீழ்த்தி கோப்பையை வென்றது. இருப்பினும், 2024-ல் நிலைமை தலைகீழாக மாறியது. தம்புள்ளையில் நடைபெற்ற ஆசியக் கோப்பை இறுதிப் போட்டியில், இலங்கை அணி இந்தியாவை 8 விக்கெட் வித்தியாசத்தில் வீழ்த்தி பட்டத்தை வென்றது.
தற்போது, 2026 இறுதிப் போட்டியில் அந்தத் தோல்விக்குப் பழிவாங்க ஹர்மன்ப்ரீத் கவுர் தலைமையிலான இந்திய அணிக்கு ஒரு வாய்ப்பு கிடைத்துள்ளது. மறுபுறம், தொடர்ச்சியாக 3வது முறையாக இறுதிப் போட்டிக்கு முன்னேறியுள்ள இலங்கை அணியும், மீண்டும் பட்டத்தை வெல்லும் முனைப்பில் உள்ளது.
துபாயில் பழிதீர்க்குமா இந்திய அணி..?
இந்தியாவைப் பொறுத்தவரை, இந்த இறுதிப் போட்டி என்பது மற்றுமொரு சாதாரண ஆட்டம் அல்ல. 2024-ல் தம்புள்ளாவில் அடைந்த தோல்வியின் நினைவு இன்னும் பசுமையாக உள்ளது. இப்போது, 2 ஆண்டுகளுக்குப் பிறகு, இரு அணிகளும் மீண்டும் பட்டத்திற்காக மோதுகின்றன. இம்முறை போட்டி நடைபெறும் இடம் துபாய்.
ALSO READ: பறந்த சிக்ஸர்ஸ்.. 7 டீம் சேர்ந்தாலும் முடியாது.. தெறிக்கவிடும் இந்திய மகளிர் கிரிக்கெட் அணி
டி20 வடிவத்தில் நான்காவது முறையாகவும், ஒட்டுமொத்தமாக 8வது முறையாகவும் ஆசியக் கோப்பையை வெல்ல இந்திய அணிக்கு வாய்ப்பு உள்ளது. மறுபுறம், இலங்கையும் தங்களது வலுவான ஆட்டத்திறனைத் தக்கவைத்துக்கொண்டு பட்டத்தைக் கைப்பற்ற விரும்பும். எனவே, இந்தியாவுக்கும் இலங்கைக்கும் இடையிலான இந்த இறுதிப் போட்டியில் விறுவிறுப்புக்குக் குறை இருக்காது.
