IND vs NZ Final: இந்தியர்களின் இதயங்களை உடைப்போம்.. கம்மின்ஸ் பாணியை கையில் எடுத்த சாண்ட்னர்!
New Zealand Captain Mitchell Santner: நியூசிலாந்து அணி குரூப் ஸ்டேஜில் 4 போட்டிகளில் 3ல் வென்று சூப்பர் 8 சுற்றுக்கு முன்னேறியது. தென்னாப்பிரிக்காவுக்கு எதிரான ஒரு போட்டியில் மட்டும் நியூசிலாந்து அணி தோல்வியை சந்தித்தது. இதன் பிறகு, சூப்பர் 8ல் நியூசிலாந்து அணி ஒரே ஒரு வெற்றியுடன் ரன் ரேட் அடிப்படையில் அரையிறுதிக்கு முன்னேறியது.
2026 டி20 உலகக் கோப்பை (2026 T20 World Cup) இறுதிப் போட்டியானது நாளை அதாவது 2026 மார்ச் 8ம் தேதி அகமதாபாத்தில் உள்ள நரேந்திர மோடி மைதானத்தில் இந்தியா மற்றும் நியூசிலாந்து அணிகளுக்கு (IND vs NZ) இடையே நடைபெறும். இந்த போட்டிக்கு மாலை 6.30 மணிக்கு டாஸ் போடப்பட்டு இரவு 7 மணிக்கு போட்டி தொடங்கும். இறுதிப் போட்டி தொடங்குவதற்கு ஒருநாள் முன்பாக 2026 மார்ச் 7ம் தேதி நியூசிலாந்து கேப்டன் மிட்செல் சாண்ட்னர் செய்தியாளர்களை சந்தித்தார். அப்போது செய்தியாளர்களிடம் பேசிய அவர், 1.4 பில்லியன் இந்தியர்களின் இதயங்களை சோகத்தில் ஆழ்த்துவோம் என்று தெரிவித்தார். முன்னதாக, கடந்த 2023 ஒருநாள் உலகக் கோப்பை இறுதிப்போட்டியிலும் ஆஸ்திரேலிய கேப்டன் பாட் கம்மின்ஸ் இதே கூற்றை தெரிவித்து, அதை நடத்தியும் காட்டினார்.
ALSO READ: சறுக்கும் நம்பர் 1 வீரர்கள்.. வெளியேற்றப்படுவார்களா அபிஷேக், வருண் சக்கரவர்த்தி?
கடந்த 2023ம் ஆண்டு ஒருநாள் உலகக் கோப்பையின் இறுதிப் போட்டியும் இந்தியாவில் உள்ள அகமதாபாத் நரேந்திர மோடி ஸ்டேடியத்தில் நடைபெற்றது. இந்த போட்டியில் ரோஹித் சர்மா தலைமையிலான இந்திய அணி, பாட் கம்மின்ஸ் தலைமையிலான ஆஸ்திரேலியாவிடம் தோற்றது. இப்போது, 2026 டி20 உலகக் கோப்பையின் இறுதிப் போட்டியும் அதே மைதானத்தில் நடைபெறவுள்ளது. இந்த போட்டிக்கு முன், இந்திய ரசிகர்களை சோகத்தில் ஆழ்த்த இருப்பதாக நியூசிலாந்து கேப்டன் சாண்ட்னர் கூறியுள்ளார். இந்தியாவிற்கு எதிரான இறுதிப்போட்டி குறித்த கேள்விகளுக்கு செய்தியாளர் சந்திப்பில் பதிலளித்த நியூசிலாந்து கேப்டன் மிட்செல் சாண்ட்னர், ”டி20 உலகக் கோப்பையை வெல்ல சில இதயங்களை உடைக்க நாங்கள் தயங்க மாட்டோம்” என்றார்.
இறுதிப் போட்டியை நோக்கி நியூசிலாந்து பயணம்:
நியூசிலாந்து அணி குரூப் ஸ்டேஜில் 4 போட்டிகளில் 3ல் வென்று சூப்பர் 8 சுற்றுக்கு முன்னேறியது. தென்னாப்பிரிக்காவுக்கு எதிரான ஒரு போட்டியில் மட்டும் நியூசிலாந்து அணி தோல்வியை சந்தித்தது. இதன் பிறகு, சூப்பர் 8ல் நியூசிலாந்து அணி ஒரே ஒரு வெற்றியுடன் ரன் ரேட் அடிப்படையில் அரையிறுதிக்கு முன்னேறியது. பாகிஸ்தானுக்கு எதிரான நியூசிலாந்து அணியின் முதல் சூப்பர் 8 போட்டி மழையால் ரத்து செய்யப்பட்டது. பின்னர் நியூசிலாந்து அணி இலங்கைக்கு எதிரான அடுத்த போட்டியில் 61 ரன்கள் வித்தியாசத்தில் வெற்றி பெற்றது. இருப்பினும், இங்கிலாந்துக்கு எதிரான கடைசி சூப்பர் 8 போட்டியில் 4 விக்கெட் வித்தியாசத்தில் தோல்வியடைந்தது.
ALSO READ: டி20 உலகக் கோப்பை நிறைவு விழா.. 3 முக்கிய பாடகர்கள் பங்கேற்பு!
அரையிறுதியில் நியூசிலாந்து தென்னாப்பிரிக்காவை எதிர்கொண்டது. அப்போது, நியூசிலாந்து அணி 9 விக்கெட் வித்தியாசத்தில் வெற்றிபெற்று இறுதிப் போட்டிக்கு முன்னேறியது. அந்தவகையில், இறுதிப் போட்டியில் இந்தியாவுக்கு எதிராக நியூசிலாந்து எவ்வாறு செயல்படுகிறது என்பதைப் பார்ப்பது சுவாரஸ்யமாக இருக்கும்.
