AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுஇந்தியாபொழுதுபோக்குஷார்ட் வீடியோஸ்ஆன்மீகம்லைஃப்ஸ்டைல்வணிகம்விளையாட்டுடெக்னாலஜிஉலகம்ஹெஃல்த்வைரல்போட்டோ கேலரிவெப் ஸ்டோரிஸ்

IND vs NZ Final: டி20 உலகக் கோப்பை நிறைவு விழா.. 3 முக்கிய பாடகர்கள் பங்கேற்பு!

T20 World Cup 2026 Closing Ceremony: 2026 டி20 உலகக் கோப்பை நிறைவு விழாவில் நிகழ்த்தவுள்ள கலைஞர்களின் பட்டியலை சர்வதேச கிரிக்கெட் கவுன்சில் (ICC) வெளியிட்டுள்ளது, இதில் சர்வதேச பாப் பாடகர் ரிக்கி மார்ட்டினின் பெயரும் அடங்கும். 2026 உலகக் கோப்பை அரையிறுதி போட்டியில் நியூசிலாந்து அணி தென்னாப்பிரிக்காவை வீழ்த்தி, இங்கிலாந்து அணியை இந்திய அணி வீழ்த்தி சாம்பியன் பட்டத்தை வென்றது. 

IND vs NZ Final: டி20 உலகக் கோப்பை நிறைவு விழா.. 3 முக்கிய பாடகர்கள் பங்கேற்பு!
டி20 உலகக் கோப்பை நிறைவு விழாImage Source: Twitter
Mukesh Kannan
Mukesh Kannan | Published: 07 Mar 2026 17:39 PM IST

2026 டி20 உலகக் கோப்பையின் (2026 T20 World Cup) இறுதிப் போட்டி நாளை அதாவது 2026 மார்ச் 8ம் தேதி அகமதாபாத்தில் உள்ள நரேந்திர மோடி ஸ்டேடியத்தில் இந்தியா மற்றும் நியூசிலாந்து அணிகளுக்கு இடையே இரவு 7 மணிக்கு நடைபெறும். போட்டிக்கு முன், போட்டியின் நிறைவு விழா நடைபெறும், அங்கு சர்வதேச நட்சத்திரங்களும் நிகழ்ச்சி நடத்த இருக்கின்றனர். நிறைவு விழாவில் நிகழ்த்தவுள்ள கலைஞர்களின் பட்டியலை சர்வதேச கிரிக்கெட் கவுன்சில் (ICC) வெளியிட்டுள்ளது, இதில் சர்வதேச பாப் பாடகர் ரிக்கி மார்ட்டினின் பெயரும் அடங்கும். 2026 உலகக் கோப்பை அரையிறுதி போட்டியில் நியூசிலாந்து அணி தென்னாப்பிரிக்காவை வீழ்த்தி, இங்கிலாந்து அணியை இந்திய அணி வீழ்த்தி சாம்பியன் பட்டத்தை வென்றது.

ALSO READ: சறுக்கும் நம்பர் 1 வீரர்கள்.. வெளியேற்றப்படுவார்களா அபிஷேக், வருண் சக்கரவர்த்தி?

ஐசிசி வழங்கிய அப்டேட்:


ஐசிசி வழங்கிய அப்டேட்டில் ரிக்கி மார்ட்டின் உட்பட 3 பாடகர்களின் பெயர்கள் உள்ளன. அதன்படி, இந்திய பாடகர்கள் சுக்பீர் மற்றும் ஃபால்குனி பதக்கும் பாட இருக்கின்றனர். இதுகுறித்து ஐசிசி வெளியிட்ட பதிவில், ”மேடை இன்னும் பெரிதாகி வருகிறது! டி20 உலகக் கோப்பை இறுதிப் போட்டிக்கு முந்தைய நிறைவு விழாவில் உலகளாவிய சூப்பர் ஸ்டார் ரிக்கி மார்ட்டினுடன் இசை ஜாம்பவான்கள் சுக்பீர் மற்றும் ஃபால்குனி பதக் ஆகியோர் இணைவார்கள்! இந்த புகழ்பெற்ற கலைஞர்கள் கிரிக்கெட்டின் மிகப்பெரிய இறுதிப்போட்டி இரவில் நிகழ்ச்சி நடத்துவார்கள், எனவே உலகளாவிய வெற்றிகள் மற்றும் தேசி பாடல்களுக்கு தயாராகுங்கள்” என்று தலைப்பு இட்டுள்ளது.

நிறைவு விழா எத்தனை மணிக்குத் தொடங்கும்?

இந்தியா – நியூசிலாந்து இடையிலான இறுதிப் போட்டி அகமதாபாத்தில் உள்ள நரேந்திர மோடி ஸ்டேடியத்தில் இரவு 7 மணிக்குத் தொடங்கும் . இதற்கு முன், நிறைவு விழா மாலை 5:30 மணிக்குத் தொடங்கும். இதில் 3 பாடகர்களின் நிகழ்ச்சிகளும் இடம்பெறும்.

ALSO READ: டி20 உலகக் கோப்பையை தூக்கும் அணிக்கு அடிக்கும் லக்.. பரிசுத் தொகையாக பல கோடி.. வாரி வழங்கும் ஐசிசி!

இங்கிலாந்தை வீழ்த்தி இறுதிப் போட்டிக்கு முன்னேறிய இந்தியா:

சூர்யகுமார் யாதவ் தலைமையிலான இந்திய அணி, அரையிறுதியில் இங்கிலாந்தை 7 ரன்கள் வித்தியாசத்தில் தோற்கடித்தது குறிப்பிடத்தக்கது. மும்பையின் வான்கடே ஸ்டேடியத்தில் நடைபெற்ற போட்டியில் இங்கிலாந்து அணி இந்திய அணிக்கு பயம் காட்டி கடைசி நேரத்தில் தோல்வியை சந்தித்தது. 2026 டி20 உலகக் கோப்பை இறுதிப்போட்டியில் இந்தியாவும் நியூசிலாந்தும் மோதுகின்றன. இந்தியாவுக்கு இது தொடர்ச்சியான இரண்டாவது டி20 உலகக் கோப்பை இறுதிப் போட்டியாகும். 2024 டி20 உலகக் கோப்பையில் ரோஹித் சர்மா தலைமையில் இந்திய அணி பட்டத்தை வென்றது. இந்த முறை இந்திய அணி எவ்வாறு செயல்படுகிறது என்பதைப் பார்ப்பது சுவாரஸ்யமாக இருக்கும்.

Follow Us