IPL 2027: வேறு அணிக்கு செல்கிறாரா ஹர்திக் பாண்ட்யா..? விளக்கிய மும்பை இந்தியன்ஸ்!
Hardik Pandya Trade: ஹர்திக் பாண்டியா 2024 முதல் மும்பை இந்தியன்ஸ் அணிக்கு கேப்டனாக தலைமை தாங்கி வருகிறார். இதற்கு முன்பு, 2022-ல் குஜராத் டைட்டன்ஸ் அணிக்குத் தலைமை தாங்கி ஹர்திக் பாண்ட்யா பட்டத்தை வென்று கொடுத்தார். மும்பை இந்தியன்ஸ் அணி 2023-ல் இறுதிப் போட்டிக்கு முன்னேறியது.
மும்பை இந்தியன்ஸ் அணி (Mumbai Indians) கடந்த 2024ம் ஆண்டு ஹர்திக் பாண்ட்யா மீது மிகுந்த நம்பிக்கை வைத்திருந்தது. அதனால்தான் மும்பை அணி, ரோஹித் ஷர்மாவை கேப்டன் பதவியிலிருந்து நீக்கி, இந்த ஹர்திக் பாண்ட்யாவை (Hardik Pandya) கேப்டனாக நியமித்தது. ரோஹித்தின் கேப்டன்சியின் கீழ், மும்பை இந்தியன்ஸ் அணி 5 முறை சாம்பியன் பட்டத்தை வென்றது. ஆனால் பின்னர் ஹர்திக் பாண்ட்யா திடீரென நீக்கப்பட்டு, ஹர்திக்கிடம் கேப்டன் பொறுப்பு ஒப்படைக்கப்பட்டது. அவரது கேப்டன்சியின் கீழ் மும்பை அணி எதிர்பார்த்தபடி செயல்படவில்லை. கடந்த 3 சீசன்களில் இரண்டில் பிளேஆஃப் சுற்றுக்குத் தகுதி பெறத் தவறியது.
ALSO READ: சென்னைக்கு வரும் ஹர்திக்.. மும்பைக்கு யார்? சிஎஸ்கே – மும்பை இடையே பரிமாற்றமா?
வரவிருக்கும் சீசனுக்கான ஏலத்திற்கு முன்பு, ஹர்திக் வர்த்தகம் மூலம் மும்பை இந்தியன்ஸ் அணியை விட்டு வெளியேறக்கூடும் என்று செய்திகள் வெளியாகியுள்ளன. மேலும், ஹர்திக் சிஎஸ்கே அணிக்குச் செல்லக்கூடும் என்றும், கேகேஆர் மற்றும் டிசி அணிகளும் அவரை வாங்க ஆர்வமாக உள்ளன என்றும் சில செய்திகள் கூறுகின்றன. தற்போது, முதல் முறையாக, மும்பை இந்தியன்ஸ் இந்த விவகாரம் குறித்து ஒரு அறிக்கையை வெளியிட்டுள்ளது.
ஹர்திக் பாண்ட்யா பரிமாற்றம் தொடர்பாக எந்தவொரு ஃபிரான்சைஸுடனும் தாங்கள் பேச்சுவார்த்தை நடத்தவில்லை என்று மும்பை இந்தியன்ஸ் செய்தித் தொடர்பாளர் கூறியதாக ஸ்போர்ட்ஸ்டார் செய்தி வெளியிட்டுள்ளது. கடந்த 2026 ஐபிஎல் சீசனுக்குப் பிறகு தற்போது ஒரு மீளாய்வு நடைபெற்று வருவதாகவும், மீளாய்வு முடிந்த பின்னரே ஒரு பரிமாற்றம் சாத்தியமாகும் என்று கூறப்படுகிறது. பல்வேறு வழிகள் விவாதிக்கப்பட்டு வருவதால், எந்தவொரு முடிவும் எடுக்கப்பட நேரம் எடுக்கும்.
2024ம் முதல் மும்பை கேப்டனாக ஹர்திக் பாண்ட்யா:
ஹர்திக் பாண்டியா 2024 முதல் மும்பை இந்தியன்ஸ் அணிக்கு கேப்டனாக தலைமை தாங்கி வருகிறார். இதற்கு முன்பு, 2022-ல் குஜராத் டைட்டன்ஸ் அணிக்குத் தலைமை தாங்கி ஹர்திக் பாண்ட்யா பட்டத்தை வென்று கொடுத்தார். மும்பை இந்தியன்ஸ் அணி 2023-ல் இறுதிப் போட்டிக்கு முன்னேறியது. அதன் பிறகு, ஹர்திக் பாண்ட்யா தனது ஐபிஎல் பயணத்தைத் தொடங்கிய மும்பை இந்தியன்ஸ் அணிக்குத் திரும்பினார். ரோஹித் மாற்றப்பட்ட பிறகு ஹர்திக் கேப்டனாக நியமிக்கப்பட்டார். அந்த நேரத்தில், இது கடுமையாக விமர்சிக்கப்பட்டது.
ALSO READ: ரஹானே ஓய்வு.. கேகேஆர் அணியின் அடுத்த கேப்டன் யார்..? டிரேடில் தேட வாய்ப்பு!
மும்பை இந்தியன்ஸ் அணி 2020-க்குப் பிறகு எந்தக் கோப்பையையும் வெல்லவில்லை; இதற்கு முன்பு ரோஹித் சர்மா தலைமையில் கீழ் மும்பை அணி 5 முறை சாம்பியன் பட்டத்தை வென்றது. ஹர்திக் பாண்ட்யா வேறு அணிக்குச் சென்றாலும், ரோஹித்திடம் மீண்டும் கேப்டன் பதவி ஒப்படைக்கப்படுவது சாத்தியமில்லை. எனவே, புதிய கேப்டனாக திலக் வர்மா நியமிக்கப்படலாம் என்று கூறப்படுகிறது.
