IND W vs BAN W: இந்தியாவிற்கு எதிராக இயங்காமல் போன வங்கதேசம்.. இறுதிப்போட்டிக்குள் நுழைந்த ஹர்மன் படை!
India W vs Bangladesh W: 2026 ஆசிய விளையாட்டு போட்டியில் இன்று அதாவது 2026 செப்டம்பர் 20ம் தேதி இந்திய மகளிர் அணியும், வங்கதேச மகளிர் அணியும் அரையிறுதி போட்டியில் மோதியது. இந்த போட்டியில் வெற்றிபெறும் அணி இறுதிப்போட்டிக்கு முன்னேறும். டாஸ் வென்று முதலில் பேட்டிங் செய்த இந்திய மகளிர் அணி 20 ஓவர்களில் 4 விக்கெட்கள் இழப்பிற்கு 195 ரன்கள் எடுத்தது. 196 ரன்கள் எடுத்தால் பைனல் என்ற நிலையில் களமிறங்கிய வங்கதேச மகளிர் அணி 81 ரன்களுக்குள் சுருண்டது.
2026 ஆசிய விளையாட்டு போட்டியில் (Asian Games 2026) இன்று அதாவது 2026 செப்டம்பர் 20ம் தேதி இந்திய மகளிர் அணியும், வங்கதேச மகளிர் அணியும் அரையிறுதி போட்டியில் மோதியது. இந்த போட்டியில் வெற்றிபெறும் அணி இறுதிப்போட்டிக்கு முன்னேறும். டாஸ் வென்று முதலில் பேட்டிங் செய்த இந்திய மகளிர் அணி (Indian Womens Cricket Team) 20 ஓவர்களில் 4 விக்கெட்கள் இழப்பிற்கு 195 ரன்கள் எடுத்தது. 196 ரன்கள் எடுத்தால் பைனல் என்ற நிலையில் களமிறங்கிய வங்கதேச மகளிர் அணி 81 ரன்களுக்குள் சுருண்டது. இந்திய அணிக்காக ஷஃபாலி வர்மா 100 ரன்கள் எடுத்து ஒரு வரலாற்றுச் சிறப்புமிக்க இன்னிங்ஸை விளையாடினார்.
ALSO READ: ஆசியக் கோப்பை சண்டே ஸ்பெஷல்.. இந்திய அணியினரின் இன்றைய அட்டவணை!
81 ரன்களில் ஆட்டமிழந்த வங்கதேச மகளிர்:
196 ரன்கள் என்ற இலக்கைத் துரத்திய வங்கதேசம் வெறும் 81 ரன்களுக்கு ஆட்டமிழந்தது. இப்போட்டியில் இந்தியா 119 ரன்கள் வித்தியாசத்தில் வெற்றி பெற்றது. முதல் அரையிறுதிப் போட்டியில் பாகிஸ்தானை 8 விக்கெட் வித்தியாசத்தில் வீழ்த்திய இலங்கையை, 2026 ஆசிய விளையாட்டுப் போட்டிகளின் இறுதிப் போட்டியில் இந்தியா இப்போது எதிர்கொள்ளும்.
இறுதிப் போட்டிக்கு முன்னேறிய இந்தியா:
இந்தியா நடப்பு சாம்பியன் என்ற அந்தஸ்துடன் களமிறங்கியது. இந்திய மகளிர் கிரிக்கெட் அணி ஆசிய விளையாட்டுப் போட்டிகளின் இறுதிப் போட்டிக்கு தகுதி பெறுவது இது இரண்டாவது முறையாகும். நான்கு ஆண்டுகளுக்கு முன்பு, 2022 ஆசிய விளையாட்டுப் போட்டிகளின் இறுதிப் போட்டியில் இந்தியா, இலங்கையை 19 ரன்கள் வித்தியாசத்தில் தோற்கடித்து தங்கப் பதக்கத்தை வென்றது. இப்போது, அதே இறுதிப் போட்டி 2026 ஆசிய விளையாட்டுப் போட்டிகளிலும் மீண்டும் நடைபெற உள்ளது. இந்த இறுதிப் போட்டியானது வருகின்ற 2026 செப்டம்பர் 22 ஆம் தேதி நடைபெறும்.
தீப்தி-நந்தினி சிறப்பான பந்துவீச்சு:
வங்கதேசம் 196 ரன்கள் என்ற பிரம்மாண்டமான இலக்கை எதிர்கொண்டது, ஆனால் அவர்களின் பேட்ஸ்மேன்களால் தாக்குப்பிடிக்க முடியவில்லை. இந்திய பந்துவீச்சாளர்கள் இரண்டாவது ஓவரிலிருந்தே விக்கெட்டுகளை வீழ்த்தத் தொடங்கி, 15.4 ஓவர்களில் அனைத்து வங்கதேச பேட்ஸ்மேன்களையும் ஆட்டமிழக்கச் செய்தனர். தீப்தி ஷர்மா மற்றும் நந்தினி ஷர்மா தலா 3 விக்கெட்டுகளை வீழ்த்தினர். தீப்தி 2.4 ஓவர்கள் பந்துவீசி, வெறும் 7 ரன்களை மட்டுமே விட்டுக்கொடுத்தார். ஸ்ரீ சரணியும் தனது அபாயகரமான பந்துவீச்சை நிரூபித்து, 3 ஓவர்களில் வெறும் 7 ரன்களுக்கு 2 விக்கெட்டுகளை வீழ்த்தினார்.
ALSO READ: வங்கதேசத்திற்கு எதிராக ரன் வேட்டையில் ஷஃபாலி வர்மா.. சதம் அடித்து அபாரம்
இலங்கையுடனான இறுதிப்போட்டி
2026 ஆசிய விளையாட்டுப் போட்டிகளின் மகளிர் கிரிக்கெட் பிரிவில் தங்கப் பதக்கத்திற்கான ஆட்டம், இந்தியா மற்றும் இலங்கை அணிகளுக்கிடையே வருகின்ற 2026 செப்டம்பர் 22ம் தேதி நடைபெற உள்ளது. அரையிறுதியில் தோல்வியடைந்த பாகிஸ்தான் மற்றும் வங்கதேச அணிகளுக்கு பதக்கம் வெல்ல இன்னும் வாய்ப்புள்ளது. வெண்கலப் பதக்கத்திற்காகவும் பாகிஸ்தான் மற்றும் வங்கதேச அணிகள் வருகின்ற 2026 செப்டம்பர் 22 ஆம் தேதி மோதவுள்ளன.
