IPL 2026: சில ஆண்டுகளாக ரன் அடிக்கவில்லை.. ரோஹித் சர்மாவை எச்சரித்தாரா ஹர்திக் பாண்ட்யா?
Hardik Pandya Warning Rohit Sharma: ஐபிஎல் 2026 சீசனில் ரோஹித் சர்மாவின் பேட்டிங் சரியாக நடக்கவில்லை என்றால், அதை பொறுத்துக்கொள்ள முடியாது என்று ஹார்திக் பாண்ட்யா கூறியதாக சமூக ஊடகங்களில் ஒரு பதிவு கூறுகிறது. அதன்படி, விளையாடும் பதினொன்றில் ரோஹித்தின் இடம் கேள்விக்குறியாகலாம் என்று கூறப்படுகிறது.
இந்தியன் பிரீமியர் லீக் 2026 (IPL 2026) சீசனுக்கான கவுண்ட்டவுன் தொடங்கிவிட்டது. மிகப்பெரிய எதிர்பார்ப்புக்கு மத்தியில் 19வது சீசன் வருகின்ற 2026 மார்ச் 28ம் தேதி முதல் தொடங்குகிறது. இதற்கு தயாராகும் வகையில் அனைத்து அணிகளும் தீவிர பயிற்சியை மேற்கொண்டு வருகின்றனர். இதற்கிடையில், ஐபிஎல் வரலாற்றில் 5 முறை சாம்பியன் பட்டத்தை வென்ற மும்பை இந்தியன்ஸ் அணியின் முகாமில் இருந்து ஒரு அதிர்ச்சியூட்டும் செய்தி சமூக ஊடகங்களில் வைரலாகியது. ஐபிஎல் 2026 சீசன் தொடங்குவதற்கு முன்பு, கேப்டன் ஹர்திக் பாண்ட்யா முன்னாள் கேப்டன் ரோஹித் சர்மாவை (Rohit Sharma) எச்சரித்ததாக கூறப்படுகிறது. இதுகுறித்து மும்பை இந்தியன்ஸ் இதுவரை எந்தவொரு மறுப்பு செய்தியை வெளியிட்டுள்ளது.
ALSO READ: பயிற்சி அமர்வுகளில் இனி இது கிடையாது.. ஐபிஎல் அணிகளுக்கு வழிகாட்டுதல்களை வெளியிட்ட பிசிசிஐ!
சமூக ஊடகங்களில் வைரலாகும் பதிவு:
ஐபிஎல் 2026 சீசனில் ரோஹித் சர்மாவின் பேட்டிங் சரியாக நடக்கவில்லை என்றால், அதை பொறுத்துக்கொள்ள முடியாது என்று ஹார்திக் பாண்ட்யா கூறியதாக சமூக ஊடகங்களில் ஒரு பதிவு கூறுகிறது. அதன்படி, விளையாடும் பதினொன்றில் ரோஹித்தின் இடம் கேள்விக்குறியாகலாம் என்று கூறப்படுகிறது. அதாவது, இந்த ஐபிஎல் 2026 சீசனில் ரோஹித் சர்மா சிறப்பாக செயல்படவில்லை என்றால், அவரை ஒருபோதும் பொறுத்துக்கொள்ள முடியாது என்று ஹர்திக் பாண்ட்யா அணி நிர்வாகத்திடம் கூறியுள்ளார் என்றும் அந்தப் பதிவில் கூறப்பட்டுள்ளது. கடந்த 5-6 ஆண்டுகளில் ரோஹித் சர்மாவின் செயல்திறனில் நிர்வாகம் அதிருப்தி அடைந்துள்ளதாகவும், அதிக சம்பளம் வாங்கும் வீரர்களில் ஒருவராக இருந்தபோதிலும், பல சீசன்களில் ரோஹித் 200-300 ரன்கள் மட்டுமே எடுத்ததாகவும், அவரது ஸ்ட்ரைக் ரேட் 120 ஆக இருந்ததாகவும் கூறப்பட்டுள்ளது.
மும்பை இந்தியன்ஸ் பதில்:
Kuch bhi! 😂 https://t.co/lEiFBgaEoh pic.twitter.com/SYw1im5Mfi
— Mumbai Indians (@mipaltan) March 13, 2026
இருப்பினும், இந்த கூற்று வைரலானவுடன், மும்பை இந்தியன்ஸ் அணியின் அதிகாரப்பூர்வ கணக்கு இந்த செய்தியை மறுத்து பதிலளித்தது. இந்த பதிவில் கருத்து தெரிவித்த மும்பை இந்தியன்ஸ் அணி, “ஒன்றுமில்லை!” என ஒரு வார்த்தைகளில் மட்டுமே பதிலளித்து, இந்த செய்தி முற்றிலும் தவறானது என்பதை தெளிவுபடுத்தியது. இதற்கிடையில், ரோஹித் சர்மாவின் பேட்டிங் ஃபார்ம் பற்றி நிறைய பேச்சுக்கள் இருந்தாலும், அவர் தனது பெயருக்கு ஒரு சிறந்த கேப்டன்சி சாதனையைப் படைத்துள்ளார். ரோஹித்தின் தலைமையில், மும்பை இந்தியன்ஸ் அணி 5 முறை ஐபிஎல் கோப்பையை வென்றுள்ளது. கடந்த இரண்டு சீசன்களாக ஹர்திக் பாண்ட்யா அணியை வழிநடத்தி வந்தாலும், அவரால் இன்னும் அணியை இறுதிப் போட்டி வரை கூட கொண்டு செல்ல முடியவில்லை.
ALSO READ: ஐபிஎல் வரலாற்றில் அதிக முறை டக் அவுட்.. பட்டியலில் ரோஹித் சர்மா..!
பேட்டிங்கில் சொதப்புகிறாரா ரோஹித் சர்மா..?
மும்பை இந்தியன்ஸ் அணிக்காக ரோஹித் சர்மா கடந்த 2013ம் ஆண்டு முதல் ஒரு சீசனில் 500 ரன்களை கடந்தது கிடையாது. இருப்பினும், கடந்த ஐபிஎல் 2025 சீசனில், ரோஹித் சர்மா 15 போட்டிகளில் 4 அரைசதங்கள் உள்பட 29.86 சராசரியாக 418 ரன்கள் எடுத்தார். எனவே, வரும் ஐபிஎல் 2026 சீசனில் ரோஹித் சர்மா அதிக ரன்களை குவிப்பார் என்று எதிர்பார்க்கப்படுகிறது.
