IPL 2026: சிக்கலில் ஐபிஎல் 2026ன் முதல் போட்டி.. RCB – SRH போட்டி மாற்றமா?
RCB vs SRH: முதல் கட்ட அட்டவணை அறிவிக்கப்பட்டபோது, பெங்களூருவில் நடைபெறும் போட்டிகள் ஒரு சிறப்புக் குழுவின் ஒப்புதலுக்கு உட்பட்டதாக இருக்கும் என்று தெரிவிக்கப்பட்டது. அதன்படி, ஏதேனும் காரணத்தால் பெங்களூருவில் நடைபெறும் போட்டிகள் அங்கீகரிக்கப்படாவிட்டால், இடத்தை மாற்றுவது குறித்தும் உடனடியாக பரிசீலிக்கப்படலாம்.
2026 ஐபிஎல் (IPL 2026) சீசனானது வருகின்ற 2026 மார்ச் 28ம் தேதி முதல் தொடங்குகிறது. போட்டியின் வரவிருக்கும் சீசனுக்கான அட்டவணையை பிசிசிஐ நேற்று அதாவது 2026 மார்ச் 11ம் தேதி வெளியிட்டது. தற்போது, முதல் கட்ட 20 போட்டிகளுக்கான அட்டவணை வெளியான நிலையில், முதல் போட்டியில் நடப்பு சாம்பியனான ராயல் சேலஞ்சர்ஸ் பெங்களூரு அணியும் (Royal Challengers Bengaluru), சன்ரைசர்ஸ் ஹைதராபாத் அணியும் வருகின்ற 2026 மார்ச் 28ம் தேதி பெங்களூருவில் உள்ள எம் சின்னசாமி ஸ்டேடியத்தில் நடைபெற உள்ளது. இருப்பினும், முதல் போட்டி நடைபெறும் இடம் என அறிவிக்கப்பட்ட எம் சின்னசாமி ஸ்டேடியத்தில் இருந்து வேறு இடத்திற்கு மாற்றப்படலாம் என கூறப்படுகிறது.
முதல் கட்ட அட்டவணை அறிவிக்கப்பட்டபோது, பெங்களூருவில் நடைபெறும் போட்டிகள் ஒரு சிறப்புக் குழுவின் ஒப்புதலுக்கு உட்பட்டதாக இருக்கும் என்று தெரிவிக்கப்பட்டது. அதன்படி, ஏதேனும் காரணத்தால் பெங்களூருவில் நடைபெறும் போட்டிகள் அங்கீகரிக்கப்படாவிட்டால், இடத்தை மாற்றுவது குறித்தும் உடனடியாக பரிசீலிக்கப்படலாம்.
ALSO READ: ஐபிஎல் 2026 டிக்கெட்டுகளை எங்கே, எப்படி முன்பதிவு செய்யலாம்? விவரங்களை தெரிந்து கொள்வோம்!
பெங்களூரில் நடைபெறவிருந்த போட்டி மாற்றுவதற்கான காரணம் என்ன?
இதுகுறித்து அளிக்கப்பட்ட அறிக்கையில், “பெங்களூரில் நடைபெறும் போட்டிகள் கர்நாடக அரசால் அமைக்கப்பட்ட நிபுணர் குழுவின் ஒப்புதலுக்கு உட்பட்டவை. இந்தக் குழு நாளை அதாவது 2026 மார்ச் 13ம் தேதி எம். சின்னசாமி ஸ்டேடியத்தில் ஆய்வு செய்து கூடும். இதன் போது, ஐபிஎல் போட்டிகளை நடத்த மைதானத்தின் தயார்நிலையை மதிப்பிடுவதற்காக, போட்டி நாள் ஏற்பாடுகள் குறித்த முழு அளவிலான மாதிரி ஆர்ப்பாட்டம் நடத்தப்படும்” என்று அட்டவணை வெளியீட்டில் குறிப்பிடப்பட்டுள்ளது.
இப்போது, கூட்டத்தில் முடிவு மைதானத்திற்கு சாதகமாக இல்லாவிட்டால், இடத்தை மாற்றுவது குறித்து பரிசீலிக்கப்படலாம். இந்த சீசனில், ராயல் சேலஞ்சர்ஸ் பெங்களூரு அணி தனது 5 உள்ளூர் போட்டிகளை பெங்களூருவிலும், மீதமுள்ள 2 போட்டிகளை ராய்ப்பூரிலும் விளையாடும் என்றும் அறிக்கையில் கூறப்பட்டுள்ளது. பெங்களூருவில் நடைபெறும் போட்டிகள் குறித்து என்ன முடிவு எடுக்கப்படுகிறது என்பதை பார்ப்பது சுவாரஸ்யமாக இருக்கும்.
ALSO READ: ஆர்சிபி தொடக்க போட்டியில் இதுவரை எப்படி? எத்தனை போட்டிகளில் வெற்றி?
நெரிசல் காரணமாக 11 பேர் உயிரிழப்பு:
கடந்த 2025 ஐபிஎல் போட்டியில் ராயல் சேலஞ்சர்ஸ் பெங்களூரு அணி சாம்பியன் பட்டம் வென்றது. இது பெங்களூருவின் முதல் ஐபிஎல் கோப்பை என்பது குறிப்பிடத்தக்கது. அதைத் தொடர்ந்து, ராயல் சேலஞ்சர்ஸ் பெங்களூரு அணியானது பெங்களூருவில் வெற்றி அணிவகுப்பு நடைபெற்றது. இந்த அணிவகுப்பின் போது, ஸ்டேடியத்திற்கு வெளியே ஏற்பட்ட கூட்ட நெரிசலில் 11 பேர் உயிரிழந்தனர். மேலும், பலர் காயமடைந்தனர். இது ஐபிஎல் போட்டிகள் பெங்களூருவில் நடைபெறுவது குறித்து கேள்விகளை எழுப்பியுள்ளது. முன்னதாக, 2026 டி20 உலகக் கோப்பைக்கான போட்டிகளும் பெங்களூருவிலிருந்து மாற்றப்பட்டன.
