IND vs PAK: கைகுலுக்காத ஷ்ரேயாஸ் – ஃபர்ஹான்.. பைனலில் சுழற்பந்தை நம்பி இறங்கியுள்ள இந்தியா!
India Playing XI: ஆசிய விளையாட்டு போட்டி இறுதிப்போட்டி டாஸின் போது கூட, இந்திய கேப்டன் ஷ்ரேயாஸ் ஐயரும் பாகிஸ்தான் கேப்டன் சாஹிப்சாதா ஃபர்ஹானும் ஒருவருக்கொருவர் கைகுலுக்கவில்லை. அதன்படி, போட்டியின் போது இரு அணிகளுக்கும் இடையே கைகுலுக்கல் இருக்காது என்று கூறப்படுகிறது.
ஆசிய விளையாட்டுப் போட்டிகள் 2026-ல் (2026 Asian Games) இந்தியாவுக்கும் பாகிஸ்தானுக்கும் (IND vs PAK) இடையிலான தங்கப் பதக்கத்திற்கான கிரிக்கெட் போட்டி இன்று அதாவது 2026 அக்டோபர் 3ம் தேதி நடைபெறுகிறது. ஜப்பானில் நடைபெறும் இந்த விறுவிறுப்பான போட்டியில், இந்திய கேப்டன் ஷ்ரேயாஸ் ஐயர் தலைமையிலான இந்திய அணி டாஸ் வென்று முதலில் பேட் செய்ய முடிவு செய்துள்ளது. எனவே, பாகிஸ்தான் கேப்டன் சாஹிப்சாதா ஃபர்ஹான் தலைமையிலான அணி முதலில் பந்துவீச வேண்டியிருக்கும்.
ALSO READ: ஆசிய விளையாட்டு போட்டி: மகளிர் ரீகர்வ் அணிப் பிரிவில் இந்தியாவுக்கு வரலாற்று தங்கம்
டாஸின் போதும் கை குலுக்காத இரு அணி கேப்டன்கள்:
இந்தியா-பாகிஸ்தான் போட்டியின் போது இரு நாட்டு ரசிகர்களும் எதிர்பார்த்த ஒரு விஷயம் கைகுலுக்குவதுதான். அதேபோல், இரு அணி வீரர்களுக்கும் இடையே கைகுலுக்கல் இல்லாததுதான். அந்தவகையில், ஆசிய விளையாட்டு போட்டி இறுதிப்போட்டி டாஸின் போது கூட, இந்திய கேப்டன் ஷ்ரேயாஸ் ஐயரும் பாகிஸ்தான் கேப்டன் சாஹிப்சாதா ஃபர்ஹானும் ஒருவருக்கொருவர் கைகுலுக்கவில்லை. அதன்படி, போட்டியின் போது இரு அணிகளுக்கும் இடையே கைகுலுக்கல் இருக்காது என்று கூறப்படுகிறது.
தங்கப் பதக்கத்திற்காக மோதல்:
ஆசிய விளையாட்டுப் போட்டிகளில் கிரிக்கெட்டின் போட்டித்தன்மை, முன்னணி சர்வதேசப் போட்டிகளிலிருந்து வேறுபட்டிருந்தாலும், இது ஒரு இந்தியா-பாகிஸ்தான் போட்டி என்பதாலும், குறிப்பாக ஒரு தங்கப் பதக்கப் போட்டி என்பதாலும் இப்போட்டி ஒரு சிறப்பு முக்கியத்துவத்தைப் பெற்றுள்ளது. தொடர் மழையின் காரணமாகப் போட்டியின் காரணமாக பல போட்டிகளின் முடிவுகள் பாதிக்கப்பட்டது. இருப்பினும், அரையிறுதிப் போட்டிகளில், இந்திய மற்றும் பாகிஸ்தான் அணிகள் தத்தமது ஆட்டங்களில் பெரும் வித்தியாசத்தில் வெற்றி பெற்று இறுதிப் போட்டிக்கு முன்னேறின. எனவே, தற்போது இரு அணிகளும் தங்கப் பதக்கத்தை வெல்ல கடுமையாக போராடும்.
ஷ்ரேயாஸ் ஐயர் மீது மிகப்பெரிய எதிர்பார்ப்பு:
இந்தப் போட்டி, இந்தியாவின் இடைக்கால தலைமைப் பயிற்சியாளர் வி.வி.எஸ். லக்ஷ்மன் மற்றும் டி20 கேப்டன் ஷ்ரேயாஸ் ஐயர் ஆகியோருக்கும் முக்கியமானதாகும். ஐயரின் தலைமையில், பாகிஸ்தானுக்கு எதிராக தங்கப் பதக்கம் வெல்ல இந்திய அணிக்கு வாய்ப்புள்ளது. பாகிஸ்தான் அணிக்கு சாஹிப்சாதா ஃபர்ஹான் தலைமை தாங்குகிறார். அவரது அணியில், பாகிஸ்தான் சூப்பர் லீக்கில் சிறப்பாகச் செயல்பட்ட பல வீரர்கள் உள்ளனர். இருப்பினும், இந்தியா இந்தத் தொடருக்காக தனது மிக வலிமையான அணியைக் களமிறக்கியுள்ளது. அந்த அணியில் ஜஸ்பிரித் பும்ரா போன்ற அனுபவம் வாய்ந்த சர்வதேச வீரர்களும் இடம்பெற்றுள்ளனர்.
ALSO READ: இந்தியா – பாகிஸ்தான் போட்டி – மழையால் கைவிடப்பட்டால் யாருக்குத் தங்கப் பதக்கம்?
இந்திய அணி விளையாடும் 11:
வைபவ் சூர்யவன்ஷி, அபிஷேக் சர்மா, சஞ்சு சாம்சன் (விக்கெட் கீப்பர்), ஷ்ரேயாஸ் ஐயர் (கேப்டன்), இஷான் கிஷன், திலக் வர்மா, சிவம் துபே, அக்சர் படேல், வாஷிங்டன், ரவி பிஷ்னோய், ஜஸ்பிரிட் பும்ரா.
