IND vs ENG: லார்ட்ஸ் ஸ்டேடியத்தின் பிட்ச் எப்படி..? இந்திய அணிக்கு சாதகமா? முழு விவரம்!
Lord's Cricket Stadium Pitch Report: லார்ட்ஸ் கிரிக்கெட் ஸ்டேடியம் பொதுவாக வேகப்பந்து வீச்சாளர்களுக்கு சாதகமாக இருக்கும். இங்குள்ள 2.5 மீட்டர் சரிவு, பந்து வீச்சாளர்களுக்கு வேகம் மற்றும் கூடுதல் ஸ்விங்கை கொடுத்து, பேட்ஸ்மேன்களுக்கு சிரமங்களை ஏற்படுத்துகிறது. பெவிலியன் முனை பந்து வீச்சாளர்களுக்கு மேலும் உதவிகரமாக இருக்கும் அதே வேளையில், பேட்ஸ்மேன்கள் சவால்களை எதிர்கொள்கின்றனர்.
இந்தியா – இங்கிலாந்து ஒருநாள் (IND vs ENG 3rd ODI) தொடரை யார் வெல்வார்கள் என்ற கேள்விக்கு இன்று அதாவது 2026 ஜூலை 19ம் தேதி தெரிந்துவிடும். இந்தத் தொடரின் 3வது மற்றும் கடைசி போட்டி லார்ட்ஸ் கிரிக்கெட் ஸ்டேடியத்தில் நடைபெறுகிறது. ரோஹித் சர்மாவுக்கு ரன்கள் குவிப்பது மிகவும் முக்கியம், ஏனெனில் அவர் சில காலமாகத் தடுமாறி வருகிறார். அதன்படி, இந்தத் தொடரின் முதல் இரண்டு போட்டிகளிலும் சொதப்பினார். ரோஹித் சர்மா (Rohit Sharma) இந்திய அணியிலிருந்து நீக்கப்படலாம் என்ற பேச்சுக்கள் அடிபடுவதால், அவர் தனது விமர்சகர்களுக்கு பேட்டிங் மூலம் பதிலடி கொடுக்க விரும்புவார். இந்தச் சூழ்நிலையில், பிட்ச் ஒரு முக்கியப் பங்கு வகிக்கும். லார்ட்ஸ் ஸ்டேடியம் பேட்ஸ்மேன்களுக்கு உதவுமா அல்லது பந்துவீச்சாளர்களுக்கு உதவுமா என்பதை தெரிந்து கொள்வோம்.
ALSO READ: லார்ட்ஸ் மைதானத்தில் விராட் கோலியின் மோசமான சாதனை – இந்த முறை சாதிப்பாரா?
லார்ட்ஸ் ஸ்டேடியத்தில் இந்திய அணி இதுவரை எப்படி?
இந்திய கிரிக்கெட் அணி லார்ட்ஸ் கிரிக்கெட் ஸ்டேடியத்தில் 9 ஒருநாள் போட்டிகளில் விளையாடி, அவற்றில் 4ல் வெற்றி பெற்றுள்ளது. இந்தியா கடைசியாக 2004-ஆம் ஆண்டு இந்த ஸ்டேடியத்தில் ஒருநாள் போட்டியில் வெற்றி பெற்றது. அதன் பிறகு விளையாடிய 4 போட்டிகளில், 3ல் தோல்வியும் ஒன்றில் சமனும் கண்டுள்ளது. இங்கு விளையாடப்பட்ட கடைசி 11 ஒருநாள் போட்டிகளிலும், முதலில் பேட் செய்த அணியே வெற்றி பெற்றுள்ளது. தென்னாப்பிரிக்கா கடைசியாக 2017-ஆம் ஆண்டு இலக்கை விரட்டிப் பிடித்தபோது வெற்றி பெற்றது.
லார்ட்ஸ் கிரிக்கெட் ஸ்டேடியத்தில் பிட்ச் ரிப்போர்ட்:
லார்ட்ஸ் கிரிக்கெட் ஸ்டேடியம் பொதுவாக வேகப்பந்து வீச்சாளர்களுக்கு சாதகமாக இருக்கும். இங்குள்ள 2.5 மீட்டர் சரிவு, பந்து வீச்சாளர்களுக்கு வேகம் மற்றும் கூடுதல் ஸ்விங்கை கொடுத்து, பேட்ஸ்மேன்களுக்கு சிரமங்களை ஏற்படுத்துகிறது. பெவிலியன் முனை பந்து வீச்சாளர்களுக்கு மேலும் உதவிகரமாக இருக்கும் அதே வேளையில், பேட்ஸ்மேன்கள் சவால்களை எதிர்கொள்கின்றனர். இருப்பினும், ஒரு பேட்ஸ்மேன் பவுன்ஸ் ஆகும் பந்துகளை நன்றாக விளையாடினால், அவரால் இங்கு பெரிய அளவில் ரன்கள் குவிக்க முடியும். ரோஹித் சர்மாவுக்கு வேகம் ஒரு பொருட்டல்ல, எனவே அவரால் இன்று இந்த ஸ்டேடியத்தில் சிறப்பாக ரன்கள் குவிக்க முடியும். ஜோஃப்ரா ஆர்ச்சர் தனது வேகத்தைக் கலந்து வீசுவதால், அவரால் பெரும் சேதத்தை ஏற்படுத்த முடியும். இங்கு டாஸ் வென்று முதலில் பேட் செய்யத் தீர்மானிப்பது ஒரு புத்திசாலித்தனமான முடிவாக இருக்கும்.
இந்திய அணி
சுப்மன் கில் (கேப்டன்), ஷ்ரேயாஸ் ஐயர் (துணை கேப்டன்), விராட் கோலி , ரோஹித் சர்மா, இஷான் கிஷன் (விக்கெட் கீப்பர்), கே.எல். ராகுல் (விக்கெட் கீப்பர்), பிரசித் கிருஷ்ணா, வாஷிங்டன் சுந்தர், சிவம் துபே, பிரின்ஸ் யாதவ், அக்சர் படேல், குல்தீப் யாதவ், குனூர் பிரார்.
இங்கிலாந்து அணி
ஹாரி புரூக் (கேப்டன்), ஜோஸ் பட்லர் (விக்கெட் கீப்பர்), டாம் பேன்டன் (விக்கெட் கீப்பர்), ஜோ ரூட், பென் டக்கெட், லியாம் டாசன், ஆதில் ரஷித், ஜோஷ் டங், வில் ஜாக்ஸ், கஸ் அட்கின்சன், ஜேம்ஸ் கோல்ஸ், ஜேக்கப் பெத்தேல், சாகிப் மஹ்மூத், பிரைடன் கார்ஸ், சாம் கரண், ரேஹான் அகமது, ஜோஃப்ரா ஆர்ச்சர்.
ALSO READ: தொடர் சொதப்பல்.. ரோஹித் சர்மா முடிவு என்ன? பிசிசிஐ சொன்ன பாசிட்டிவ் செய்தி!
இந்தியா – இங்கிலாந்து 3வது ஒருநாள் போட்டியை நேரலையில் எங்கே பார்ப்பது..?
இந்தியா – இங்கிலாந்து அணிகளுக்கு இடையேயான 3வது ஒருநாள் போட்டி 2026 ஜூலை 19ம் தேதியான இன்று இந்திய நேரப்படி மாலை 3:30 மணிக்குத் தொடங்கும். இந்தப் போட்டி சோனி ஸ்போர்ட்ஸ் நெட்வொர்க்கில் நேரலையாக ஒளிபரப்பப்படும். ஜியோஹாட்ஸ்டார் ஆப் மற்றும் இணையதளத்திலும் நேரலையில் ஒளிபரப்பு செய்யப்படுகிறது.
