ICC ODI Rankings: ஒரு புள்ளியில் முதலிடத்தை மிஸ் செய்த கில்.. வெளியான ஐசிசி ஒருநாள் தரவரிசை!
ICC ODI Batsman Rankings: இங்கிலாந்துக்கு எதிரான 2வது ஒருநாள் போட்டியில், கில் 80 ரன்களில் காயம் காரணமாக வெளியேறினார். அந்தப் போட்டியில் கில் ஒரு சதம் அடித்து, நீண்ட நேரம் ஆடியிருந்தால், கில் இன்று உலகின் நம்பர் ஒன் பேட்ஸ்மேனாக இருந்திருக்கலாம்.
இந்தியா மற்றும் இங்கிலாந்து அணிகளுக்கு (IND vs ENG) இடையேயான 3 போட்டிகள் கொண்ட ஒருநாள் தொடரைத் தொடர்ந்து, சர்வதேச கிரிக்கெட் கவுன்சில் (ICC) சமீபத்திய ஒருநாள் பேட்டிங் தரவரிசையை வெளியிட்டது. இங்கிலாந்துக்கு எதிரான 3வது ஒருநாள் போட்டிக்குப் பிறகு, இந்திய கேப்டன் சுப்மன் கில் உலகின் நம்பர் 1 பேட்ஸ்மேன் ஆவார் என்று எதிர்பார்க்கப்பட்டது. 3வது ஒருநாள் போட்டியில் 77 ரன்கள் எடுத்த கில், இங்கிலாந்துக்கு எதிரான 3 போட்டிகள் கொண்ட தொடரில் தனது மொத்த ரன்களை 188 ஆக உயர்த்தினார். இருப்பினும், இந்த சிறப்பான ஆட்டத்தை வெளிப்படுத்திய போதிலும், ஒருநாள் போட்டிகளில் உலகின் நம்பர் 1 பேட்ஸ்மேன் ஆகும் வாய்ப்பை கில் தவறவிட்டார். சுவாரஸ்யமாக, கில் நம்பர் 1 இடத்தில் உள்ள டேரில் மிட்செலை விட ஒரு ரேட்டிங் புள்ளி மட்டுமே பின்தங்கியுள்ளார்.
ALSO READ: 9 மாதங்களில் 3 ஒருநாள் தொடர் இழப்பு.. சிக்கலில் கில் கேப்டன்ஷி!
சமீபத்திய ஐசிசி தரவரிசையில், சுப்மன் கில் 801 மதிப்பீட்டுப் புள்ளிகளுடன் 2ம் இடத்தில் உள்ளார். முதலிடத்தில் உள்ள நியூசிலாந்தின் டேரில் மிட்செல் 802 புள்ளிகளைப் பெற்றுள்ளார். இது கில்லை முதலிடத்திற்கு மிக அருகில் கொண்டுவந்தது, ஆனால் அவரால் அதை அடைய முடியவில்லை. இங்கிலாந்துக்கு எதிரான 2வது ஒருநாள் போட்டியில், கில் 80 ரன்களில் காயம் காரணமாக வெளியேறினார். அந்தப் போட்டியில் கில் ஒரு சதம் அடித்து, நீண்ட நேரம் ஆடியிருந்தால், கில் இன்று உலகின் நம்பர் ஒன் பேட்ஸ்மேனாக இருந்திருக்கலாம்.
ஐசிசி தரவரிசையில் ஜொலிக்கும் ரோஹித் – விராட்:
கடந்த 2026 ஜூலை 19 அன்று இங்கிலாந்துக்கு எதிரான 3வது ஒருநாள் போட்டியில், வரலாற்றுச் சிறப்புமிக்க லார்ட்ஸ் மைதானத்தில் 138 ரன்கள் எடுத்த ரோஹித் சர்மா, சமீபத்திய தரவரிசையில் 4வது இடத்தில் உள்ளார். ரோஹித் சர்மா 758 மதிப்பீட்டுப் புள்ளிகளைப் பெற்றுள்ளார். இங்கிலாந்து தொடரில் 2 அரைசதங்கள் அடித்த விராட் கோலி 3வது இடத்தில் உள்ளார். முதல் 4 இடங்களில் 3 இந்திய பேட்ஸ்மேன்கள் உள்ளனர். 2வது இடத்தில் சுப்மன் கில், 3வது இடத்தில் விராட் கோலி மற்றும் 4வது இடத்தில் ரோஹித் சர்மா உள்ளனர்.
ALSO READ: என் வாழ்க்கையை மாற்றிய ரோஹித் சர்மா வார்த்தைகள்.. மனம் திறந்த சஞ்சு சாம்சன்..!
6 ஆண்டுகளுக்குப் பிறகு..
இந்தியாவுக்கு எதிரான 3 போட்டிகள் கொண்ட தொடரின் அனைத்துப் போட்டிகளிலும் ஆட்டமிழக்காமல் 249 ரன்கள் எடுத்த ஜோ ரூட், 6 ஆண்டுகளுக்குப் பிறகு ஒருநாள் போட்டி பேட்டிங் தரவரிசையில் முதல் 10 இடங்களுக்குள் நுழைந்துள்ளார். 2020-ஆம் ஆண்டுக்குப் பிறகு ஜோ ரூட் முதல் 10 இடங்களுக்குள் நுழைவது இதுவே முதல் முறையாகும். சமீபத்திய தரவரிசையில், ஜோ ரூட் 674 புள்ளிகளுடன் 8வது இடத்தில் உள்ளார்.
