IPL 2027: பயிற்சி முகாமில் தீவிரம் காட்டிய தோனி.. சிஎஸ்கே வீரர் கொடுத்த சூப்பர் அப்டேட்!
MS Dhoni IPL 2027: ஐபிஎல் 2027ல் தோனி விளையாடுவாரா என்ற கேள்விக்கு அணி நிர்வாகத்தின் சார்பிலோ அல்லது தோனி தரப்போ இன்னும் அதிகாரப்பூர்வமாக பதிலளிக்கவில்லை. இருப்பினும், அவரது தொடர்ச்சியான பயிற்சி மற்றும் உடற்தகுதியைக் கருத்தில் கொண்டு, அவர் ஐபிஎல் 2027-ல் மீண்டும் வருவார் என்று தெரிகிறது.
எம்.எஸ். தோனியின் ஐபிஎல் வாழ்க்கை குறித்த கேள்விகள் மீண்டும் மீண்டும் சமூக வலைதளங்களில் எழுந்துள்ளன. 2027 ஐபிஎல் (IPL 2027) சீசனில் தோனி சென்னை சூப்பர் கிங்ஸ் அணிக்காக தொடர்ந்து விளையாடுவாரா என்பதை ரசிகர்கள் அறிய ஆவலுடன் காத்திருக்கின்றனர். மகேந்திர சிங் தோனி இதுவரை விளையாடுவது குறித்தோ அல்லது விலகுவது குறித்தோ எதையும் உறுதிப்படுத்தாத நிலையில், சென்னை சூப்பர் கிங்ஸ் (Chennai Super Kings) வேகப்பந்து வீச்சாளர் ஆகாஷ் மத்வால், அடுத்த சீசனில் அவரது திறமை குறித்து நம்பிக்கையுடன் பேசியதை தொடர்ந்து, அடுத்த ஐபிஎல் சீசனில் பங்கேற்பதா வேண்டாமா என்பதை தோனிதான் முடிவு செய்வார் என கூறினார். மேலும், தோனி பாய் பயிற்சி செய்யும் விதத்தைப் பார்த்ததன் அடிப்படையில், அடுத்த சீசனில் தோனி விளையாடுவார் என்று அவர் நம்புகிறார்.
ALSO READ: தடுமாறும் சிஎஸ்கே.. சஞ்சு சாம்சனை கேப்டனாக்குங்கள்! முன்னாள் இந்திய வீரர் கோரிக்கை!
ஆகாஷ் மத்வால் கூறியது என்ன..?
‘Will MS Dhoni play IPL 2027?’ CSK teammate Akash Madhwal shares his opinion
Akash Madhwal said:
“It is his call whether he plays or not. But as much as I have seen him, he is seriously very fit. Since I joined CSK, he hasn’t missed a single practice session. In every practice… pic.twitter.com/9BfJmrl4KS
— Cricket Hub (@Anurag9793) September 9, 2026
தோனியின் உடற்தகுதி குறித்து பேசிய பந்துவீச்சாளர் ஆகாஷ் மத்வால், “சென்னை சூப்பர் கிங்ஸ் பயிற்சி முகாமுக்கு வந்ததிலிருந்து மகேந்திர சிங் தோனி ஒரு பயிற்சி அமர்வைக் கூட தவறவிடவில்லை. தோனி பயிற்சியின் போது இடைவிடாமல் பேட்டிங் செய்து, மிகுந்த முயற்சியையும் வெளிப்படுத்தி வருகிறார். தோனியின் உடற்தகுதியில் எனக்கு நம்பிக்கை உள்ளது. ஐபிஎல் 2027-ல் தோனி நிச்சயம் விளையாடுவார் என்று நினைக்கிறேன். தோனி மிகவும் அமைதியானவர். எந்த வீரர்களும் அவரிடம் எளிதாகப் பேச முடியும். யாருக்கேனும் ஏதேனும் பிரச்சனையோ கேள்வியோ இருந்தால், அவர்கள் அவரிடம் ஆலோசனை கேட்கலாம். தோனியுடன் டிரெஸ்ஸிங் ரூம் பகிர்ந்துகொள்வது இளம் வீரர்களுக்கு ஒரு சிறப்பான அனுபவமாகும். அவரது இருப்பு அணிக்கும் பெரிதும் பயனளிக்கிறது.” என்று தெரிவித்தார். இருப்பினும், இது ஆகாஷ் மத்வால் கருத்து மட்டுமே. ஐபிஎல் 2027-ல் தோனியின் பங்கேற்பு இன்னும் அதிகாரப்பூர்வமாக உறுதி செய்யப்படவில்லை.
ஐபிஎல் 2027 சீசனில் தோனியின் பங்கேற்பு குறித்த இறுதி முடிவு இன்னும் நிலுவையில் உள்ளது. அதேநேரத்தில், தோனி இப்போதைக்கு ஐபிஎல்-லிருந்து ஓய்வு பெறும் மனநிலையில் இல்லை என்பதும் தெரிகிறது.
ALSO READ: கேகேஆர் அணிக்கு ரிங்குவை ட்ரை பண்ணுங்க.. சுரேஷ் ரெய்னா சூப்பர் அட்வைஸ்!
ஐபிஎல் 2027ல் தோனி விளையாடுவாரா?
ஐபிஎல் 2027ல் தோனி விளையாடுவாரா என்ற கேள்விக்கு அணி நிர்வாகத்தின் சார்பிலோ அல்லது தோனி தரப்போ இன்னும் அதிகாரப்பூர்வமாக பதிலளிக்கவில்லை. இருப்பினும், அவரது தொடர்ச்சியான பயிற்சி மற்றும் உடற்தகுதியைக் கருத்தில் கொண்டு, அவர் ஐபிஎல் 2027-ல் மீண்டும் வருவார் என்று தெரிகிறது. தற்போது, ரசிகர்கள் தோனியின் முடிவுக்காகக் காத்திருக்கின்றனர்.
