Water Bottle Tips: எவ்வளவு காலத்திற்குப் பிறகு தண்ணீர் பாட்டிலை மாற்ற வேண்டும்?

தண்ணீரின் சேமிப்புக் காலம் நீண்ட காலமாக விவாதப் பொருளாக இருந்து வருகிறது. இன்று, சேமித்து வைக்கப்பட்ட தண்ணீரை (Water Bottle) எவ்வளவு காலம் பயன்படுத்தலாம் என்பது குறித்த சில உண்மைகளைப் பார்ப்போம். மேலும், காலாவதியான தண்ணீரைக் குடிப்பதால் ஏற்படும் அபாயங்களையும் ஆராய்வோம். ஒரு குறிப்பிட்ட இடத்தில் தண்ணீரை அடைத்து வைக்கும்போது அதற்கும், காலாவதி தேதியும் உள்ளது. அதாவது, உணவுப் பொருட்களுக்குக் காலாவதித் தேதி இருப்பது போலவே, காற்றுப் புகாத மூடியுடன் கூடிய பாட்டில்களுக்கும் காலாவதித் தேதி உண்டு. அந்தவகையில், பாட்டிலுக்குள் பிடித்து வைக்கும் நீரை எத்தனை நாட்களுக்குள் குடிக்கலாம்..? எத்தனை நாட்கள் வரை பிளாஸ்டிக் பாட்டில்களை பயன்படுத்தலாம் என்று அறிவோம்.

ALSO READ: சமையல் எண்ணெய்: உங்கள் ஆரோக்கியத்திற்கு எது சிறந்தது?

வாட்டர் பாட்டிலில் தண்ணீர்:

நாம் ரயில், பேருந்து அல்லது காரில் பயணம் செய்யும்போது கடைகள், ரயில் நிலையங்கள் மற்றும் பேருந்து நிறுத்தங்களில் அடிக்கடி வாங்கும் தண்ணீர் பாட்டில்களும் கெட்டுப்போகுமா என்ற கேள்வி எழுகிறது.  லைவ் சயின்ஸ் (Live Science) அறிக்கையின்படி, தண்ணீர் அதன் அசல் வடிவத்தில் கெட்டுப்போவதில்லை. காலாவதி தேதி, அதாவது கெட்டுப்போதல், மூடப்பட்ட பாட்டிலின் பிளாஸ்டிக்கைச் சார்ந்தது. உண்மையில், ஒரு குறிப்பிட்ட காலத்திற்குப் பிறகு அந்த பிளாஸ்டிக் கரையத் தொடங்குகிறது. இது பல வகையான நோய்களை ஏற்படுத்தக்கூடும். எனவே, மூடப்பட்ட பாட்டிலில் எழுதப்பட்டிருக்கும் காலாவதி தேதி தண்ணீருக்கானது அல்ல, மாறாக அந்த பிளாஸ்டிக் பாட்டிலுக்கானது.

இதையும் படியுங்கள்

வெயில் காலத்தில் குளிர்ச்சியான உணவுகள் உண்மையிலேயே உடலுக்கு நன்மையா?

Health Tips: அதிகரிக்கும் வெயில் சூடு.. குடிக்க குளிர்ந்த நீர்..? உடலில் இந்த பிரச்சனை ஏற்படலாம்!

Summer Health Tips: கோடையில் வெப்பத்தாக்க அபாயம்.. எப்போது கவனமாக இருப்பது முக்கியம்?

சோர்வுக்கும் தலைவலிக்கும் காரணம் தண்ணீர் குறைவா?

காலாவதியான பிளாஸ்டிக் பாட்டிலில் இருந்து தண்ணீர் குடிப்பதால், உடலில் நச்சுகள் சேர்கின்றன .இந்த நச்சுகள் இரத்த ஓட்டத்தில் கலந்து, அனைத்து உறுப்புகளையும் மோசமாகப் பாதிக்கின்றன. விஷத்தைப் போலவே, இதுவும் மெதுவாகச் செயல்படுகிறது. நீங்கள் தவறுதலாக காலாவதியான தண்ணீரை 1-2 முறை குடித்தால், அது உங்கள் உடலில் என்ன பாதிப்பை ஏற்படுத்தும் என்ற கேள்வியும் எழுகிறது. அதனால் பெரிய தீங்கு எதுவும் ஏற்படாது. அப்படிப்பட்ட சூழ்நிலையில், மிகச் சிறிய அளவிலான நச்சுக்கள், பிளாஸ்டிக்குகள் மற்றும் இரசாயனங்கள் மட்டுமே உங்கள் உடலுக்குள் நுழையும். இருப்பினும், நீங்கள் அத்தகைய தண்ணீரைத் தொடர்ச்சியாகவோ அல்லது மீண்டும் மீண்டும் குடித்தால், உடல்நலம் தொடர்பான பல பிரச்சனைகளை நீங்கள் சந்திக்க நேரிடலாம்.

ALSO READ: இரவில் தூக்கமின்மையால் அவதியா? இந்த 4 விஷயங்கள் காரணமாக இருக்கலாம்

வாட்டர் பாட்டில்களை எத்தனை நாட்களுக்குள் மாற்ற வேண்டும்?

• கடைகளில் குடிக்க வாங்கும் பிளாஸ்டிக் வாட்டர் பாட்டில்களை ஒருமுறை பயன்படுத்தி, மீண்டும் பயன்படுத்துவதைத் தவிர்க்க வேண்டும்.
• தொடர்ந்து பயன்படுத்தும்போது, ​​பிளாஸ்டிக் பாட்டில்களை 1 முதல் 2 மாதங்களுக்கு ஒருமுறை மாற்ற வேண்டும்.
• உங்கள் பாட்டிலில் விரிசலோ கீறலோ இருந்தால், அதை உடனடியாக மாற்றிவிட்டு ஒரு புதிய பாட்டிலை வாங்க வேண்டும்.
• பிளாஸ்டிக் பாட்டிலின் நிறம் மாறினால், அது உடல் நலத்திற்குத் தீங்கு விளைவிக்கும்.
• வெப்பம் கடத்தாத பாட்டிலில் உள்ள ரப்பர் சீல் சேதமடைந்தால், மூடியை அல்லது பாட்டிலை கூடிய விரைவில் மாற்றிவிடவும்.
• உங்கள் தண்ணீர் பாட்டில் சுத்தமாக இருப்பதையும், அதைத் தவறாமல் மாற்றுவதையும் உறுதிப்படுத்திக் கொள்ளுங்கள். நல்ல ஆரோக்கியம் சுத்தமான நீரிலிருந்து தொடங்குகிறது.