ஏற்கனவே பயன்படுத்திய சமையல் எண்ணெய்யை மீண்டும் பயன்படுத்தலாமா? மருத்துவர்கள் சொல்வது என்ன?
Kitchen Safety Tips : ஒருமுறை சமைத்த எண்ணெய்யை மீண்டும் சூடுபடுத்தி பயன்படுத்தி பயன்படுத்துவதனால் உடலுக்கு இதய நோய், புற்று நோய் போன்ற ஆபத்தை ஏற்படுத்தும் என மருத்துவர்கள் எச்சரிக்கின்றனர். சமையல் எண்ணெய்யை மீண்டும் பயன்படுத்துவதனால் ஏற்படும் பாதிப்புகள் குறித்து இந்த கட்டுரையில் விரிவாக பார்க்கலாம்.
பஜ்ஜி, சிப்ஸ், சமோசாக்கள் மற்றும் சில காய்கறிகளை பொறிக்க நிறைய எண்ணெய் (Oil) தேவைப்படுகிறது. இதுபோன்ற சூழ்நிலைகளில், பலர் மீதமுள்ள எண்ணெயைச் சேமித்து வைக்கிறார்கள். பின்னர் அதை மீண்டும் சூடாக்கி சமையலுக்கு (Cooking) பயன்படுத்துகிறார்கள். ஆனால் எண்ணெயை மீண்டும் மீண்டும் சூடுபடுத்தி பயன்படுத்துவது உங்கள் ஆரோக்கியத்திற்கு தீங்கு விளைவிக்கும். இதுதொடர்பாக டெல்லியை (Delhi) உள்ள ஸ்ரீ பாலாஜி மருத்துவமனையின் பிரபல மருத்துவர் அரவிந்த் அகர்வால், சமையல் எண்ணெயை மீண்டும் மீண்டும் சூடுபடுத்தி பயன்படுத்துவது ஆரோக்கியத்திற்கு தீங்கு விளைவிக்கும் என்கிறார். எண்ணெயை மீண்டும் மீண்டும் சூடாக்கும் போது, அது டிரான்ஸ் கொழுப்புகள் மற்றும் ஃப்ரீ ரேடிக்கல்கள் போன்ற தீங்கு விளைவிக்கும் இரசாயனங்களை உருவாக்குகிறது.
இவை உடலில் இதய நோய், உயர் இரத்த அழுத்தம் மற்றும் புற்றுநோய் போன்ற கடுமையான பிரச்னைகளின் அபாயத்தை அதிகரிக்கின்றன. இது தவிர, மீண்டும் சூடாக்கப்பட்ட எண்ணெய் செரிமான பிரச்னைகளையும் ஏற்படுத்தி, வயிற்று வலி, வாயு, அமிலத்தன்மை போன்ற பிரச்னைகளுக்கு வழிவகுக்கும். பழைய எண்ணெயின் சுவை, நிறம் மற்றும் மணம் கூட மோசமடைந்து, உணவை ஆரோக்கியமற்றதாக ஆக்குகிறது. பயன்படுத்திய எண்ணெயை மீண்டும் பயன்படுத்த வேண்டாம். ஏனெனில் அதில் கிருமிகளும் நச்சுப் பொருட்களும் வளரக்கூடும். எனவே, எப்போதும் புதிய எண்ணெயில் உணவை சமைப்பதும், பயன்படுத்திய பிறகு எண்ணெயை மீண்டும் சூடுபடுத்துவதைத் தவிர்ப்பதும் நல்லது.
1. கெட்ட கொழுப்பை அதிகரிக்கிறது
எண்ணெயை மீண்டும் சூடுபடுத்துவது உடலில் எல்டிஎல் என்ற கெட்ட கொழுப்பின் அளவை அதிகரிக்கும். அதிக அளவு எல்டிஎல் கொழுப்பு இதய நோய், பக்கவாதம் ஏற்படும் அபாயத்தை அதிகரிக்கும். எனவே கொலஸ்ட்ரால் தொடர்பான பிரச்னைகளைத் தவிர்க்க சமையல் எண்ணெய்யை மீண்டும் சூடுபடுத்துவதைத் தவிர்க்கவும்.
2. அமிலத்தன்மை அதிகரிக்கிறது
எண்ணெயை மீண்டும் மீண்டும் சூடாக்கும் போது, அதன் அமிலத்தன்மை அதிகரிக்கும். உங்கள் வயிறு மற்றும் தொண்டையில் எரிச்சல் உணர்வை நீங்கள் அனுபவித்தால், சமையல் எண்ணெயும் அதற்குக் காரணமாக இருக்கலாம். வழக்கத்தை விட அதிக அமிலத்தன்மையை உணர்ந்தால், ஜங்க் ஃபுட் மற்றும் வறுத்த உணவுகளை சாப்பிடுவதைத் தவிர்க்கவும். இது தொண்டை மற்றும் வயிற்றில் எரிச்சலை ஏற்படுத்தும்.
3. நச்சுப் பொருட்களின் அளவை அதிகரிக்கிறது.
சூரியகாந்தி அல்லது சோள எண்ணெய் போன்ற சில தாவர எண்ணெய்களை மீண்டும் சூடுபடுத்துவது, அவற்றில் உள்ள நச்சுக்களின் அளவை அதிகரிக்கிறது, இது இதய நோய், அல்சைமர், டிமென்ஷியா மற்றும் பார்கின்சன் உள்ளிட்ட பல நோய்களை ஏற்படுத்தும். தாவர எண்ணெய்யை மீண்டும் சூடாக்குவது 4-ஹைட்ராக்ஸி-டிரான்ஸ்-2-நோமினல் (HNE) எனப்படும் மற்றொரு நச்சுப்பொருளை வெளியிடுகிறது, இது உடலில் DNA, RNA மற்றும் புரதங்கள் சரியாகச் செயல்படுவதைத் தடுக்கிறது.
4. டிரான்ஸ் கொழுப்பை அதிகரிக்கிறது
சமையல் எண்ணெயில் டிரான்ஸ் கொழுப்பு அமிலங்கள் உள்ளன, அவை மீண்டும் சூடுபடுத்தும்போது அதிகரிக்கும். டிரான்ஸ் கொழுப்புகள் நிறைவுற்ற கொழுப்புகளை விட மோசமானவை, ஏனெனில் அவை கெட்ட கொழுப்பின் அளவை அதிகரிப்பது மட்டுமல்லாமல் நல்ல கொழுப்பின் அளவையும் குறைக்கின்றன. இது பார்கின்சன் நோய், இதய நோய், பக்கவாதம், புற்றுநோய் மற்றும் பல்வேறு கல்லீரல் பிரச்சினைகளுக்கு வழிவகுக்கும்.
5. புற்றுநோய் அபாயத்தை அதிகரிக்கிறது
எண்ணெயை மீண்டும் சூடுபடுத்துவது புற்றுநோயை உண்டாக்கும். மேலும் அது புற்றுநோயை உண்டாக்கும் ஒரு காரணியாகும். ஆராய்ச்சியின் படி, எண்ணெயை மீண்டும் மீண்டும் சூடாக்கும் போது, அதில் ஆல்டிஹைடுகள் (நச்சு கூறுகள்) உருவாகின்றன. பின்னர் யாராவது அந்த எண்ணெயில் சமைத்த உணவை சாப்பிட்டால், நச்சுப் பொருட்கள் உடலை அடைகின்றன, இது உடலுக்கு தீங்கு விளைவிக்கும். அதே நேரத்தில், அத்தகைய எண்ணெயை அதிக அளவில் உட்கொள்வது புற்றுநோய் அபாயத்தையும் அதிகரிக்கும். உடலில் நச்சுகளின் அளவு அதிகரிப்பதால் உடல் பருமன், இதய நோய், நீரிழிவு உள்ளிட்ட பல நோய்கள் ஏற்படுகின்றன.
