தி கேர்ள்ஃபிரண்ட் படத்தின் சக்ஸஸ் மீட்.. ராஷ்மிகாவிற்கு முத்தம் கொடுத்த விஜய் தேவரகொண்டா!
Rashmika Mandanna - Vijay Deverakonda: இந்திய சினிமாவில் முன்னணி நாயகிகளில் ஒருவராக இருந்துவருபவர் ராஷ்மிகா மந்தனா. இவரின் நடிப்பில் இறுதியாக தி கேர்ள்ஃபிரண்ட் என்ற படமானது வெளியானது. இந்த படத்தின் வெற்றிவிழா சமீபத்தில் நடைபெற்ற நிலையில், அதில் விஜய் தேவரகொண்டா கலந்துகொண்டார். அந்த நிகழ்ச்சியின்போது ராஷ்மிகாவை முத்தமிட்டுள்ள வீடியோ இணையத்தில் வைரலாகிவருகிறது.
தமிழ், தெலுங்கு மற்றும் தற்போது பாலிவுட் போன்ற மொழி படங்களில் மிகவும் பிசியாக இருந்துவருபவர் நடிகை ராஷ்மிகா மந்தனா (Rashmika Mandanna). இவரின் நடிப்பில் தொடர்ந்து மாறுபட்ட கதைக்களத்தில் படங்கள் வெளியாகி நல்ல வரவேற்பை பெற்றுவருகிறது. அந்த வகையில் இவரின் நடிப்பில் மிக பிரம்மாண்ட கதைக்களத்தில் இறுதியாக வெளியான படம்தான் தி கேர்ள்ஃபிரண்ட் (The Girlfriend). இந்த படத்தை இயக்குநர் ராகுல் ரவீந்திரன் (Rahul Ravindran) இயக்க, ராஷ்மிகா மந்தனா கதாநாயகியாக நடித்திருந்தார். இப்படம் கடந்த 2025 நவம்பர் 7-ம் தேதியில் திரையரங்குகளில் வெளியாகியிருந்தது. மக்களிடையே பாசிட்டிவ் விமர்சனங்களை பெற்று திரையரங்குகளில் வெற்றிகரமாக ஓடிவருகிறது. இந்நிலையில் இந்த படத்தின் வெற்றிவிழா நேற்று 2025 நவம்பர் 12ம் தேதியில் நடைபெற்றிருந்த நிலையில், அதில் சிறப்பு விருந்தினராக விஜய் தேவரகொண்டா (Vijay Deverakonda) கலந்துகொண்டார்.
அந்த நிகழ்ச்சியில் கலந்துகொண்ட விஜய் தேவரகொண்டா பெரிதாக ராஷ்மிகா மந்தனாவை கண்டுகொள்ளாதது போலவே இருந்தார். மேலும் இந்த நிகழ்ச்சியில் இறுதியில் நடிகை ராஷ்மிகா மந்தனாவை பார்த்த விஜய் தேவரகொண்டா, அவரின் கைகளில் முத்தமிட்டார். இது தொடர்பான வீடியோ இணையத்தில் வைரலாகிவருகிறது. மேலும் இந்த விஷயமானது இவர்களின் திருமணம் தொடர்பான தகவலை உறுதிப்படுத்திவருகிறது என்பது குறிப்பிடத்தக்கது.
இதையும் படிங்க: இயக்குநர் மகிழ் திருமேனி அடுத்து இயக்க போவது இவரா? வைரலாகும் தகவல்
ராஷ்மிகா மந்தனாவிற்கு விஜய் தேவரகொண்டா முத்தமிட்டது தொடர்பாக வெளியான வீடியோ பதிவு :
VijayDeverakonda pouring his love to Rashmika at #TheGirlFriend success celebration😍🫶pic.twitter.com/kguz50naVJ
— AmuthaBharathi (@CinemaWithAB) November 13, 2025
விஜய் தேவரகொண்டா மற்றும் ராஷ்மிகா மந்தனாவின் திருமணம் எப்போது :
நடிகர்கள் விஜய் தேவரகொண்டா மற்றும் ராஷ்மிகா மந்தனா இருவரும் கிட்டத்தட்ட 2 படங்களில் இணைந்து ஜோடியாக நடித்திருக்கிறார்கள். கீதா கோவிந்தம் மற்றும் டியர் காம்ப்ரேட் போன்ற படங்களில் இணைந்து நெருக்கமான ஜோடியாக நடித்திருக்கின்றனர். அந்த வகையில் இவர்கள் இருவரின் நட்பு இப்படங்களின் மூலமாகவே ஆரம்பமானது. இவர்கள் இருவரும் அடிக்கடி சந்திப்பது, வெளியே சொல்வது போன்றும் இருந்துள்ளனர். நாள் போக்கில் இவர்களின் நட்பும் காதலாகி மாற தொடங்கியது.
இதையும் படிங்க: ரஜினிகாந்தின் தலைவர்173 படத்திலிருந்து விலகிய சுந்தர் சி? குஷ்புவால் குழம்பிய ரசிகர்கள்!
மேலும் இவர்கள் இருவரும் ஒரே இடத்திற்கு சுற்றுலா செல்வது, தங்களின் வீடுகளில் சந்திப்பது மற்றும் ஒரே மாதிரியான உடைகளை அணிவது போன்ற விஷயத்தின் மூலம் இவர்கள் இருவரும் காதலிப்பதாக ரசிகர்கள் உறுதி செய்திருந்தனர். மேலும் இந்த ஜோடி கடந்த சில வாரங்களுக்கு முன் தங்களின் இல்லத்தில் ரகசியமாக நிச்சயம் செய்ததாகவும் கூறப்படுகிறது. மேலும் இவர்களின் திருமணம் வரும் 2026ம் ஆனது பிப்ரவரி 23ம் தேதியில் உதய்ப்பூர் அரண்மனையில் நடப்பதாக கூறப்படுகிறது. ஆனால் இந்த தகவல்கள் குறித்து விஜய் தேவரகொண்டாவும் சரி, ராஷ்மிகாவும் சரி எந்தவித அறிவிப்புகளையும் வெளியிடவில்லை என்பது குறிப்பிடத்தக்கது.
