Rashmika Mandanna: ராஷ்மிகா மந்தனாவின் திருமணம் எப்போது?.. அட அந்த இடத்தில்தான் நடக்கிறதா? வைரலாகும் தகவல்!
Rashmika Mandanna Wedding Date: பான் இந்திய பிரபல கதாநாயகியாக இருந்துவருபவர் நடிகை ராஷ்மிகா மந்தனா. இவர் ரசிகர்களால் அன்புடன் நேஷனல் க்ரஷ் என்றும் அழைக்கப்படுகிறார். இவருக்கும், நடிகர் விஜய் தேவரகொண்டாவிற்கும் நிச்சயம் முடிந்ததாக கூறப்படும் நிலையில், இவர்களின் திருமணம் எப்போது, எந்த இடத்தில் நடக்கிறது என்பது குறித்த தகவல்கள் இணையத்தில் வைரலாகிவருகிறது.
நடிகை ராஷ்மிகா மந்தனா (Rashmika Mandanna) பான் இந்திய சினிமாவில் மிகவும் பிரபலமான நடிகைகளில் ஒருவராக இருந்து வருகிறார். இவர் தமிழ், தெலுங்கு, இந்தி, கன்னடம் போன்ற மொழி திரைப்படங்களிலும் கதாநாயகியாக நடித்திருக்கிறார். அந்தவகையில் இவர் தமிழில் தளபதி விஜய்யுடனும் (Thalapathy Vijay), தெலுங்கில் அல்லு அர்ஜுன் (Allu Arjun) என முன்னணி நட்சத்திர நடிகர்களுடனும் இணைந்து நடித்திருக்கிறார். இந்நிலையில் இவரின் நடிப்பில் இன்று 2025 நவம்பர் 7ம் தேதி முதல் தி கேர்ள்ஃபிரண்ட் (The Girlfriend) என்ற படமானது வெளியாகியுள்ளது. இதில் ராஷ்மிகா மந்தனா முன்னணி கதாபாத்திரத்தில் நடித்துள்ளார். இப்படம் வெளியாவதற்கு முன்பே பாசிடிவ் விமர்சனங்களை பெற்று மக்களிடையே எதிர்பார்ப்பை பெற்றது. இந்நிலையில் கடந்த சில வாரங்களுக்கு முன் ராஷ்மிகா மந்தனாவிற்கும், நடிகர் விஜய் தேவரகொண்டாவிற்கும் (Vijay Deverakonda) சிம்பிளாக நிச்சயதார்த்தம் நடந்து முடிந்ததாக தகவல்கள் வெளியாகிவந்தன.
அதைத்தொடர்ந்து, இவர்கள் இருவரின் திருமணம் எப்போது என்பது பற்றிய தகவலும் இணையத்தில் வைரலாகி வருகிறது. அதன்படி இவர்கள் இருவரும் வரும் 2026ம் ஆண்டு பிப்ரவரி 26ம் தேதியில் திருமணம் செய்யவுள்ளதாக தகவல்கள் வைரலாகி வருகிறது.
இதையும் படிங்க: நடிப்பு சக்கரவர்த்தி துல்கர் சல்மான்.. நான் அவரின் ரசிகனாகிவிட்டேன் – ராணா!
இணையத்தில் வைரலாகும் ராஷ்மிகா மற்றும் விஜய் தேவரகொண்டாவின் திருமணம் குறித்தான பதிவு :
🚨 Breaking: Rashmika Mandanna and Vijay Deverakonda are reportedly set to tie the knot on February 26 in Udaipur, marking one of the most awaited celeb weddings of 2025. 💍✨ pic.twitter.com/kkaz9vJoBj
— OneVision Media (@onevision_media) November 7, 2025
ராஷ்மிகா மந்தனா மற்றும் விஜய் தேவரகொண்டாவின் திருமணம் நடைபெறும் இடம்:
இந்த ஜோடி வரும் 2026ம் ஆண்டு பிப்ரவரி 26ம் தேதியில் அனைவரின் முன்னிலையிலும் திருமணம் செய்யவுள்ளார்களாம். இவர்களின் திருமணமானது உதய்பூரில் உள்ள அரண்மனையில் மிக பிரமாண்டமாக நடைபெறவுள்ளதாம். இந்த திருமணத்தில் பல்வேறு பிரபலங்கள், அரசியல்வாதிகள் போன்றவர்கள் கலந்துகொள்ளவுள்ளதாகவும் கூறப்படுகிறது. இவர்கள் நிச்சயதார்த்தம் தொடர்பான தகவல்கள் சமீபத்தில் இணையத்தில் வைரலான நிலையில், அதைத் தொடர்ந்து தற்போது திருமணம் குறித்த தகவலும் வைரலாகி வருகிறது.
இதையும் படிங்க: ‘சர்ச்சை கேள்வி’.. தனியாளாக சண்டை செய்து யூடியூபரை வெளுத்து வாங்கிய நடிகை கெளரி கிஷன்!!
இந்த தகவலுக்கு விஜய் தேவரகொண்டா மற்றும் ராஷ்மிகா மந்தனா என இருவரின் தரப்பிலும் எந்தவித மறுப்புகளும் வெளியாகவில்லை என்பது குறிப்பிடத்தக்கது. ஒருவேளை இது உண்மையாக இருக்கும்பட்சத்தில், விரைவில் இருவரும் அதிகாரப்பூர்வமாக அறிவிப்பார்கள் என எதிர்பார்க்கப்படுகிறது.
நிச்சயம் குறித்து ராஷ்மிகா மந்தனா கூறிய விஷயம் :
சமீபத்தில் தி கேர்ள்ஃபிரண்ட் படத்தின் ப்ரோமோஷன் நிகழ்ச்சியில் ரசிகர் ஒருவர் ராஷ்மிகாவிடம் உங்களுக்கு நிச்சயம் முடிந்துவிட்டதாக தகவல்கள் வெளியாகி வருகிறது. அது உண்மையா? என கேள்வி கேட்டார். அதற்கு அவரும், “நீங்கள் என்ன நினைக்கீறிர்கள்?, எதுவாக இருந்தாலும் விரைவில் அறிவிக்கப்படும்” என அவர் தெரிவித்திருந்தார். இதன் மூலம் விஜய் தேவரகொண்டா மற்றும் ராஷ்மிகா மந்தனா நிச்சயம் செய்துகொண்டனர் என்பது உறுதியாகியுள்ளது குறிப்பிடத்தக்கது.
