சஞ்சய் தத்தின் பிறந்த நாளில் சிறப்பு போஸ்டரை வெளியிட்ட தி ராஜா சாப் படக்குழு!
பாலிவுட் சினிமாவில் மிரட்டும் நடிகராக இருப்பவர் நடிகர் சஞ்சய் தத். இவர் பாலிவுட் சினிமாவில் மட்டும் இன்றி தமிழ், தெலுங்கு மற்றும் என தொடர்ந்து தென்னிந்திய படங்களில் மிரட்டும் வில்லனாக நடித்து வருகிறார். முன்னதாக தென்னிந்திய மொழிகளில் வெளியான இவரது படங்கள் ஹிட் அடித்தது குறிப்பிடத்தக்கது.
நடிகர் சஞ்சய் தத் (Actor Sanjay Dutt) இந்தி சினிமாவின் பழம் பெரும் நடிகர் சுனில் தத்தின் மகன் ஆவார். இவர் 1959-ம் ஆண்டு ஜூலை மாதம் 29-ம் தேதி பிறந்தார். இன்று இவர் தனது 66-வது பிறந்த நாளை கொண்டாடி வருகிறார். நடிகர் சஞ்சய் தத் இந்தி சினிமாவில் 1971-ம் ஆண்டு குழந்தை நட்சத்திரமாக அறிமுகம் ஆனார். அதனைத் தொடர்ந்து கடந்த 1981-ம் ஆண்டு இவரது தந்தை சுனில் தத்தின் இயக்கத்தில் வெளியான ராக்கி என்ற படத்தின் மூலம் இந்தி சினிமாவில் நாயகனாக அறிமுகம் ஆனார் நடிகர் சஞ்சய் தத். தொடர்ந்து பல வெற்றிப் படங்களை கொடுத்துள்ளார் சஞ்சய் தத். இவர் இந்தி சினிமாவில் அதிக அளவில் படங்களில் நடித்து இருந்தாலும் தமிழ், தெலுங்கு, கன்னடா மற்றும் பஞ்சாபி ஆகிய மொழிகளிலும் தனது நடிப்புத் திறமையை வெளிப்படுத்தியுள்ளார். தொடர்ந்து 1981-ம் ஆண்டில் இருந்து 2012-ம் ஆண்டு வரை 30 ஆண்டுகளுக்கு மேலாக இந்தியில் நடித்து வந்த இவர் கடந்த 2013-ம் ஆண்டு ராம் சரண் படத்தின் மூலம் தெலுங்கு சினிமாவில் நடிக்கத் தொடங்கினார்.
அதனைத் தொடர்ந்து 2022-ம் ஆண்டு இயக்குநர் பிரசாந்த் நீல் இயக்கத்தில் நடிகர் யாஷ் நடிப்பில் சூப்பர் ஹிட் அடித்த கேஜிஎஃப் பார்ட் 2 படத்தில் மிரட்டும் வில்லனாக நடிகர் சஞ்சய் தத் கலக்கி இருப்பார். இந்தப் படத்தின் மூலம் கன்னட சினிமா ரசிகர்கள் மட்டும் இன்றி தென்னிந்தியா முழுவதும் ரசிகர்களின் கவனத்தைப் பெற்றார் நடிகர் சஞ்சய் தத். இதனைத் தொடர்ந்து கடந்த 2023-ம் ஆண்டு இயக்குநர் லோகேஷ் கனகராஜ் இயக்கத்தில் நடிகர் விஜய் நாயகனாக நடித்து வெளியான லியோ படத்தின் மூலம் தமிழ் சினிமா ரசிகர்களிடையே நன்கு பரிச்சையமானார். லியோ தாஸின் தந்தை ஆண்டனி தாஸாக நடிகர் சஞ்சய் தத் இந்தப் படத்தில் நடித்து இருந்தது குறிப்பிடத்தக்கது.
பிரபாஸின் ராஜா சாப் படத்தில் நடித்து வரும் சஞ்சய் தத்:
இந்த நிலையில் நடிகர் சஞ்சய் தத் தற்போது 6 படங்களில் நடிக்க ஒப்பந்தமாகி நடித்து வருகிறார். அதில் ஒன்று தான் பிரபாஸ் நாயகனாக நடித்து வரும் தி ராஜா சாப். காதல் நகைச்சுவை திகில் படமாக உருவாகி வரும் இந்தப் படத்தை இயக்குநர் மாருதி எழுதி இயக்கி வருகிறார்.
இந்தப் படத்தில் இவர்களுடன் இணைந்து நடிகர்கள் மாளவிகா மோகனன், நிதி அகர்வால், ரித்தி குமார், முரளி ஷர்மா, அனுபம் கெர் என பலர் நடித்துள்ளனர். படம் வருகின்ற டிசம்பர் மாதம் 5-ம் தேதி 2025-ம் ஆண்டு திரையரங்குகளில் வெளியாகும் என்று தெரிவிக்கப்பட்டுள்ள நிலையில் இன்று சஞ்சய் தத்தின் பிறந்த நாளை முன்னிட்டு சிறப்பு போஸ்டர் ஒன்றை வெளியிட்டுள்ளது. அது தற்போது ரசிகர்களிடையே கவனத்தை ஈர்த்து வருகின்றது.
தி ராஜா சாப் படக்குழு வெளியிட்ட சிறப்பு போஸ்டர்:
Team #TheRajaSaab wishes the Powerhouse and versatile Sanju Baba – @DuttSanjay a very Happy Birthday 💥💥
Get ready to witness a terrifying presence that will shake you to the core this Dec 5th in cinemas 🔥🔥#TheRajaSaabOnDec5th#Prabhas @DirectorMaruthi @AgerwalNidhhi… pic.twitter.com/PFgPzOnqea
— The RajaSaab (@rajasaabmovie) July 29, 2025
Also Read… டூரிஸ்ட் ஃபேமிலி படத்தின் ஷூட்டிங்கின் போது ஏற்பட்ட பிரச்னை – இயக்குநர் சொன்ன சுவாரஸ்ய சம்பவம்
