“அதிமுக, பாஜகவுக்கு ஆதரவாக செயல்படும் விஜய்”.. திருமாவளவன் பகிரங்கக் குற்றச்சாட்டு!!
Tamilnadu Assembly Election: திமுகவை ஆட்சியில் இருந்து அகற்ற விரும்புகிறார் என்பது அவரின் சொந்த நிலைப்பாடு. திமுகவை ஆட்சியில் இருந்து அகற்றிவிட்டு, அந்த இடத்தில் யாரை அமர்த்த பார்க்கிறார்?. அவரே அந்த இடத்தில் அமர விரும்புகிறார் என்றால், இந்த தேர்தலில் அது சாத்தியமா? என்பது அவருக்கே தெரியும்.
Tamilnadu polls 2026: திமுகவை எதிர்க்கிறோம் என்ற பெயரில் அதிமுக, பாஜகவுக்கு சாதகமாக செயல்படுகிறார் என விசிக தலைவர் திருமாவளவன் குற்றம்சாட்டியுள்ளார். சென்னையில் உள்ள விடுதலை சிறுத்தைகள் கட்சி தலைமை அலுவலகத்தில் அக்கட்சியின் தலைவர் திருமாவளவன் தேர்தல் அறிக்கையை வெளியிட்டு செய்தியாளர்களுக்கு பேட்டி அளித்தார். அப்போது அவர் கூறியதாவது, தேர்தல் ஆணையம் சுதந்திரமாக செயல்படவில்லை. பாஜகவின் கட்டுப்பாட்டில் இயங்குகிறது. தேர்தல் அரசியல் வரலாற்றில் இதுவரை எந்த ஒரு மாநில தலைமைச் செயலாளரையும் தேர்தல் ஆணையம் மாற்றியது இல்லை. இது அப்பட்டமான பாசிச நடவடிக்கை ஆகும் என்று விமர்சித்தார்.
மேலும் படிக்க: வாக்குறுதிகளை கொடுத்து ஏமாற்ற மாட்டேன்.. விவசாயிகள், நெசவாளர்களுக்கான வாக்குறுதிகளை அறிவித்த விஜய்..
திமுக, அதிமுக இடையேதான் போட்டி:
மேலும், மத்திய அரசு தேசிய அளவில் மது விலக்கு மற்றும் போதைப்பொருள் ஒழிப்பதற்கான கொள்கைகளை வரையறுக்க வேண்டும். அதற்கான சட்டங்களை இயற்றி நடைமுறைப்படுத்த வேண்டும். தமிழகத்தில் திமுக, அதிமுக இடையேதான் போட்டி நிலவுகிறது. பாஜக – அதிமுக கூட்டணி செய்கிற மக்கள் விரோத அரசியலை நாங்கள் எதிர்க்கிறோம் என்றார். ஆனால், விஜய் திமுகவை எதிர்க்கிறோம் என்ற பெயரில் அதிமுக, பாஜகவுக்கு சாதகமாக செயல்படுகிறார்.
இந்த தேர்தலில் அது சாத்தியமா?
அவர் திமுகவை ஆட்சியில் இருந்து அகற்ற விரும்புகிறார் என்பது அவரின் சொந்த நிலைப்பாடு. திமுகவை ஆட்சியில் இருந்து அகற்றிவிட்டு, அந்த இடத்தில் யாரை அமர்த்த பார்க்கிறார்?. அவரே அந்த இடத்தில் அமர விரும்புகிறார் என்றால், இந்த தேர்தலில் அது சாத்தியமா? என்பது அவருக்கே தெரியும். திமுக ஆட்சியை அப்புறப்படுத்திவிட்டு, அவருடைய தலைமையில் ஆட்சி அமைக்க முடியாது என தெரிந்தும், பாஜக – அதிமுக கைகள்தான் ஓங்கும் என தெரிந்தும், அவர் இந்த நிலைப்பாட்டை எடுத்திருக்கிறார்.
விஜய்யின் அரசியலை அடையாளம் காட்டுகிறோம்:
எனவே, அவருடைய தேர்தல் வியூகம் அதிமுக-பாஜகவிற்கு வலு சேர்ப்பதாக இருக்கிறது. எனவே, நண்பர் விஜய்யின் அரசியலை நாங்கள் அடையாளம் காட்டுகிறோம். திமுகவை அப்புறப்படுத்திவிட்டு பாஜக, அதிமுகவை அமர வைப்பது தான் என் வேலை என்பதை விஜய் மறைமுகமாக சொல்கிறார்.
மேலும் படிக்க: பிரதமரை மிரட்டும் தொனியில் பேசுவதா? முதல்வர் ஸ்டாலினுக்கு அண்ணாமலை கண்டனம்..
பிரேமலதா மீது அதிருப்தி இல்லை:
தேமுதிக பொதுச்செயலாளர் பிரேமலதா செயலில் எந்த அதிருப்தியும் இல்லை. பொதுக்கூட்டத்தில் கூட்டணி கட்சி தலைவர் என்ற முறையில் முதலமைச்சர் மு.க.ஸ்டாலின்தான் வேட்பாளர்களை அறிவிக்க வேண்டும். ஆனால், நான் கூட்டத்தில் பேசும்போது, எங்கள் கட்சி வேட்பாளர்கள் பெயரை மட்டும் சொன்னால் சரியாக இருக்காது என அனைத்து வேட்பாளர்களின் பெயர்களையும் சொன்னேன். இதை திரித்து கூட்டணிக்குள் குழப்பம் ஏற்படுத்த முயற்சிக்கிறார்கள். அது ஒருபோதும் நடக்காது. இவ்வாறு அவர் கூறினார்.
