வாக்குறுதிகளை கொடுத்து ஏமாற்ற மாட்டேன்.. விவசாயிகள், நெசவாளர்களுக்கான வாக்குறுதிகளை அறிவித்த விஜய்..

TVK Vijay Campaign: பெருமாநல்லூரில் பேசிய அவர், “என் நெஞ்சில் குடியிருக்கும் கொங்கு மண்டல தங்கங்களே, திருப்பூர் பகுதி மக்களே” என உரையை தொடங்கினார். “நாளை மறுநாள் தேர்தல் வாக்குறுதிகளை புத்தகமாக வெளியிடுகிறோம்; அதற்கு முன் சில முக்கிய அறிவிப்புகளை பகிர்கிறேன்” என்றார்.

கோப்பு புகைப்படம்

Aarthi Govindaraman | Published: 14 Apr 2026 18:22 PM IST

திருப்பூர், ஏப்ரல் 14, 2026: தமிழக வெற்றிக்கழக தலைவர் விஜய், திருப்பூர் மாவட்டத்தில் பிரச்சாரம் மேற்கொண்ட போது நெசவாளர்கள், சிறு-நடுத்தர தொழில்கள், விவசாயிகள் மற்றும் அரசு ஊழியர்கள் தொடர்பான பல முக்கிய வாக்குறுதிகளை அறிவித்தார். பெருமாநல்லூரில் பேசிய அவர், “என் நெஞ்சில் குடியிருக்கும் கொங்கு மண்டல தங்கங்களே, திருப்பூர் பகுதி மக்களே” என உரையை தொடங்கினார். “நாளை மறுநாள் தேர்தல் வாக்குறுதிகளை புத்தகமாக வெளியிடுகிறோம்; அதற்கு முன் சில முக்கிய அறிவிப்புகளை பகிர்கிறேன்” என்றார்.

நெசவாளர்களுக்கான அறிவிப்புகள்:

நெசவாளர்களின் தயாரிப்புகளை சர்வதேச சந்தையில் விற்க அரசு சார்ந்த உலகளாவிய இ-காமர்ஸ் பிராண்ட் உருவாக்கப்படும்
முக்கிய நகரங்களில் “வெற்றி தறி” விற்பனை நிலையங்கள் அமைக்கப்படும்
கைத்தறி, விசைத்தறி நெசவாளர் குடும்பங்களுக்கு ஆண்டுக்கு ₹30,000 நேரடி வங்கி பரிமாற்றம்
கைத்தறிக்கு 500 யூனிட், விசைத்தறிக்கு 1500 யூனிட் இலவச மின்சாரம்
நூல், சாயம், ரசாயனங்களுக்கு 50% மானியம்
அனைத்து நெசவாளர்களுக்கும் ₹10 லட்சம் ஆயுள் காப்பீடு
முதியோர் ஓய்வூதியம் மாதம் ₹3,000 ஆக உயர்வு

மேலும் படிக்க: பிரதமரை மிரட்டும் தொனியில் பேசுவதா? முதல்வர் ஸ்டாலினுக்கு அண்ணாமலை கண்டனம்..