வாரத்தின் முதல் நாளில் தங்கம் விலை.. நகைப்பிரியர்களுக்கு சர்ப்ரைஸ்.. சென்னையில் ஒரு சவரன் எவ்வளவு தெரியுமா?

Gold Rate Today: சென்னையில் கடந்த சில நாட்களாக ஏற்ற இறக்கங்களுடன் காணப்பட்ட ஆபரணத் தங்கத்தின் விலை, வாரத்தின் முதல் நாளான இன்று (திங்கட்கிழமை) மாற்றமில்லாமல் நேற்றைய விலைக்கே விற்பனையாகிறது. இது நகைப்பிரியர்கள் மற்றும் முதலீட்டாளர்கள் மத்தியில் கவனத்தைப் பெற்றுள்ளது. கடந்த வாரத்தில் மட்டும் ஒட்டுமொத்தமாக தங்கத்தின் விலை ரூ.2,080 வரை குறைந்தது. தொடர்ந்து, இந்த வாரமும் தங்கம் விலை குறைய வாய்ப்பு உள்ளதா என்ற எதிர்பார்ப்பும் நிலவி வருகிறது.

இதையும் படிக்க : பிஎம் கிசான் 23வது தவணை.. நாளை விவசாயிகளின் வங்கி கணக்கில் வரவுள்ள ரூ.2,000!

ஆபரணத் தங்கம் விலை நிலவரம்:

நேற்று (ஜூன் 21) ஞாயிற்றுக்கிழமை என்பதால், தங்கம் மற்றும் வெள்ளி விலையில் மாற்றமில்லாமல் விற்பனையானது. இதன்படி நேற்று 22 காரட் ஒரு சவரன் ஆபரணத் தங்கத்தின் விலை ரூ.1,08,800-க்கும், ஒரு கிராம் ரூ.13,600-க்கும் விற்பனையானது. 1 கிலோ வெள்ளியின் விலை ரூ.2,55,000-க்கு விற்பனையானது. தொடர்ந்து, இன்று (ஜூன் 22) தங்கத்தின் விலையில் மாற்றமில்லாமல் நேற்றைய விலைக்கே விற்பனையாகிறது. அதன்படி ஒரு சவரன் 22 காரட் ஆபரணத் தங்கத்தின் விலை ரூ.1,08,800-க்கு விற்பனையாகிறது. ஒரு கிராம் தங்கம் ரூ.13,600-க்கு விற்பனையாகிறது.

சொக்கத் தங்கம் விலை நிலவரம்:

தூய தங்கமான 24 கேரட் தங்கத்தின் விலையும் இன்று கிராமுக்கு ரூ.22 வரை உயர்ந்து, ஒரு கிராம் தங்கம் ரூ.14,618க்கும், 10 கிராம் தங்கம் ரூ.1,46,180க்கும் விற்கப்படுகிறது. அதேபோல், குறைந்த எடையிலான ஆபரணத் தயாரிப்புகளுக்குப் பயன்படும் 18 கேரட் தங்கத்தின் விலை இன்று மாற்றமின்றி ஒரு கிராம் ரூ.11,370க்கும், ஒரு சவரன் ரூ.90,960க்கும் விற்பனையாகிறது.

வெள்ளி விலை நிலவரம்:

தங்கத்தின் விலையைப் பின்பற்றி வெள்ளியின் விலையிலும் மாற்றமின்றி காணப்படுகிறது. சென்னையில் ஒரு கிராம் வெள்ளி ரூ.255 என்ற அளவில் வர்த்தகம் செய்யப்படுகிறது. ஒரு கிலோ வெள்ளி ரூ.2,55,000-க்கு விற்பனையாகிறது. (கடந்த வார இறுதி வீழ்ச்சிக்கு பின் இன்று சந்தை நிலைபெற்றுள்ளது).

இதையும் படிங்க : வெறும் ரூ.75-க்கு பிவிசி ஆதார் கார்டு.. வீட்டில் இருந்தே சுலபமாக பெற்றுக்கொள்ளலாம்!

விலை மாற்றத்திற்கான காரணங்கள்:

சர்வதேச சந்தையில் நிலவும் பொருளாதார மாற்றங்கள், அமெரிக்க டாலரின் மதிப்பு, உலகளாவிய முதலீட்டாளர்களின் தேவை மற்றும் மத்திய வங்கியின் வட்டி விகிதக் கொள்கைகள் ஆகியவற்றின் அடிப்படையிலேயே இந்தத் தினசரி விலை மாற்றங்கள் ஏற்படுவதாகப் பொருளாதார வல்லுநர்கள் தெரிவிக்கின்றனர்.