இரண்டாவது நாளாக உயர்ந்த தங்கம் விலை.. ஒரு சவரனுக்கு ரூ. 480 அதிகரிப்பு..

ஜூன் 13, 2026: தமிழகத்தில் தங்கம் மற்றும் வெள்ளி விலையின் நிலவரம் கடந்த சில நாட்களாக ஏற்ற இறக்கத்துடன் இருந்து வருகிறது. ஜூன் மாதம் தொடங்கியதுமுதல் தங்கம் விலை குறைந்து வந்த சூழலில், நடுவில் இரண்டு நாட்கள் மட்டும் சற்று உயர்வைக் கண்டது. நேற்றைய தினம் தங்கத்தின் விலை கிராமுக்கு 300 ரூபாய் உயர்ந்து 13 ஆயிரத்து 800 ரூபாய்க்கு விற்பனை செய்யப்பட்டது. அதேபோல், ஒரு சவரனுக்கு 2,000 ரூபாய் அதிகரித்து ஒரு லட்சத்து 10 ஆயிரத்து 400 ரூபாய்க்கு விற்பனை செய்யப்பட்டது.

ஜூன் 13ஆம் தேதியான இன்று மீண்டும் தங்கம் விலை அதிரடியாக உயர்ந்துள்ளது. ஒரு கிராம் தங்கம் 60 ரூபாய் உயர்ந்து விற்பனை செய்யப்படுகிறது. அதே சமயத்தில், ஒரு சவரன் 480 ரூபாய் உயர்ந்துள்ளது. வெள்ளி விலையைப் பொறுத்தவரையிலும் சற்று உயர்வைக் கண்டுள்ளது. ஒரு கிராம் வெள்ளி 5 ரூபாய் அதிகரித்து விற்பனை செய்யப்படுகிறது.

மேலும் படிக்க: ஈரான் போரால் சரிவை சந்திக்கும் தங்கம் விலை.. காரணம் என்ன?

இன்றைய தங்கம் வெள்ளி விலை நிலவரம்:

ஜூன் 13ஆம் தேதி நிலவரப்படி, ஒரு கிராம் ஆபரணத் தங்கத்தின் விலை 13 ஆயிரத்து 860 ரூபாய்க்கும், ஒரு சவரன் ஒரு லட்சத்து 10 ஆயிரத்து 880 ரூபாய்க்கும் விற்பனை செய்யப்படுகிறது. அதேபோல், 24 கேரட் தங்கம் ஒரு கிராம் 15 ஆயிரத்து 120 ரூபாய்க்கும், ஒரு சவரன் ஒரு லட்சத்து 20 ஆயிரத்து 960 ரூபாய்க்கும் விற்பனை செய்யப்படுகிறது.

வெள்ளி விலையைப் பொறுத்தவரையில், ஒரு கிராம் 270 ரூபாய்க்கும், ஒரு கிலோ இரண்டு லட்சத்து 70 ஆயிரம் ரூபாய்க்கும் விற்பனை செய்யப்படுகிறது.

மேலும் படிக்க: ரூ.3,500 முதலீட்டில் ரூ.2.5 லட்சம் பெறலாம்.. இந்த சூப்பரான திட்டத்தை மிஸ் பண்ணிடாதீங்க!

விலை ஏற்ற இறக்கத்திற்கு என்ன காரணம்?

தங்கம் மற்றும் வெள்ளி விலையைப் பொறுத்தவரையில் கடந்த சில மாதங்களாகவே ஏற்ற இறக்கத்தில் இருந்து வருகிறது. ஈரானில் நடைபெற்று வரும் போர், மத்திய கிழக்கில் நிலவும் பதற்றம், உலக பொருளாதார சீரற்ற நிலைமை உள்ளிட்ட பல்வேறு காரணங்களால் அதன் தாக்கம் தங்கத்தின் மீது இருந்து வருகிறது.

மேலும், முதலீட்டாளர்களின் கவனம் தங்கத்தின் மீது இருந்து வரும் சூழலில், தங்கம் விலை சீரற்ற நிலையில் காணப்படுகிறது. வரும் நாட்களிலும் இதே நிலை தொடரக்கூடும் என வல்லுநர்கள் குறிப்பிடுகின்றனர்.