Dhanush

இயக்குநர் கஸ்தூரி ராஜாவின் இளைய மகனான தனுஷ் கடந்த 2002 ஆம் ஆண்டு வெளியான துள்ளுவதோ இளமை படத்தின் மூலம் நடிகராக அறிமுகமானார். தொடக்கத்தில் இவர் தோற்றம் குறித்து பல்வேறு விமர்சனங்கள் எழுந்த போதும் அதனை முறியடித்து தனது அசாத்தியமான நடிப்பாற்றலால் தமிழ் சினிமாவின் அசைக்க முடியாத சக்தியாக வளர்ந்து நிற்கிறார். நடிகர், பாடகர், பாடலாசிரியர், இயக்குநர், என பன்முகம் கொண்டவர் தனுஷ். தான் தடம் பதித்த எல்லா துறைகளிலும் திறம்பட செயல்பட்டு தனது முத்திரையை பதித்திருக்கிறார் தனுஷ். தனது நடிப்பு திறமையால் தமிழ் மட்டுமல்லாமல் தெலுங்கு, ஹிந்தி, ஆங்கிலம் ஆகிய மொழிகளிலும் கலக்கி வருகிறார். மேலும் தனது தயாரிப்பு நிறுவனம் மூலம் பல திறமைமிக்க கலைஞர்களை தமிழ் சினிமாவிற்கு அளித்திருக்கிறார். சிறந்த நடிகருக்கான தேசிய விருதை ஆடுகளம் மற்றும் அசுரன் ஆகிய படங்களுக்காக வாங்கியிருக்கிறார். மேலும் சிறந்த தயாரிப்பாளருக்கான தேசிய விருதை காக்கா முட்டை மற்றும் விசாரணை ஆகிய படங்களுக்காக வாங்கியிருக்கிறார்.