WhatsApp : இந்த தவறுகளை செய்தால் உங்கள் வாட்ஸ்அப் கணக்கு முடக்கப்படாலாம்!
Mistakes No One Should Do In WhatsApp | உலகம் முழுவதும் உள்ள கோடிக்கணக்கான மக்கள் மெட்டா நிறுவனத்தின் வாட்ஸ்அப் செயலியை பயன்படுத்தி வருகின்றனர். இந்த நிலையில், வாட்ஸ்அப் செயலியில் செய்யும் ஒருசில தவறுகள் காரணமாக வாட்ஸ்அப் கணக்கு நிரந்தரமாக முடக்கப்படும் வாய்ப்பு உள்ளது.
தற்போதைய காலக்கட்டத்தில் உலகம் முழுவதும் உள்ள கோடிக்கணக்கான மக்கள் மெட்டா (Meta) நிறுவனத்தின் வாட்ஸ்அப் (WhatsApp) செயலியை பயன்படுத்துகின்றனர். வாட்ஸ்அப் செயலியை பொருத்தவரை சில செயல்கள் மிகப்பெரிய குற்றமாக கருதப்படுகிறது. அந்த வகையில் இந்த நான்கு தவறுககளை நீங்கள் செய்யும் பட்சத்தில் உங்களது வாட்ஸ்அப் கணக்கு நிரந்தமாக ரத்து செய்யப்படுவதற்காக வாய்ப்புகள் உள்ளதாக கூறப்படுகிறது. இந்த நிலையில், வாட்ஸ்அப் செயலி ரத்துக்கு வழிவகுக்கும் தவறுகள் என்ன என்ன என்பது குறித்து விரிவாக பார்க்கலாம்.
மூன்றாம் தரப்பு வாட்ஸ்அப் செயலிகளை பயன்படுத்துவது
மெட்டா நிறுவனத்தின் அதிகாரப்பூர்வ வாட்ஸ்அப் செயலியை பயன்படுத்தாமல் ஜிபி வாட்ஸ்அப் (GB WhatsApp), யோ வாட்ஸ்அப் (Yo WhastApp) ஆகிய செயலிகளில் கூடுதலான சில சிறப்பு அம்சங்கள் இருந்தாலும் அவற்றை பயன்படுத்துவது வாட்ஸ்அப்பின் கொள்கை விதிகளை மீறும் நடவடிக்கையாக கருதப்படுகிறது. இத்தகைய மூன்றாம் தரப்பு செயலிகள் மூலம் மால்வேர் தாக்குதல்கள் ஏற்பட வாய்ப்பு உள்ளது. எனவே இத்தகைய மூன்றாம் தரப்பு செயலிகளை பயன்படுத்தும் நபர்களின் வாட்ஸ்அப் எண்ககளை வாட்ஸ்அப் நிரந்தரமாக ரத்து செய்ய வாய்ப்பு உள்ளது.
இதையும் படிங்க : பட்ஜெட் விலையில் அசத்தல் அம்சங்களுடன் அறிமுகமான நத்தின் போன் 3 ஏ லைட்.. முழு விவரம் இதோ!
அதிகப்படியான குறுஞ்செய்திகளை அனுப்புவது
நீங்கள் உங்கள் ஸ்மார்ட்போனின் பதிவு செய்யாத எண்களுக்கு குறுஞ்செய்தி அனுப்புவது, ஃபார்வேர்டு செய்திகளை அனுப்புவது, சம்மந்தம் இல்லாத நபர்களை குழுக்களில் இணைப்பது ஆகிய செயல்கள் உங்களை சந்தேக வலையத்திற்கு கீழ் வரவழைத்துவிடும். அது உங்களை ஸ்பேம் என அடையாளம் காட்டும். எனவே, நீங்கள் இத்தகைய செயல்களை செய்யும் பட்சத்தில் உங்களது வாட்ஸ்அப் கணக்கை மெட்டா நிரந்தரமாக நீக்கம் செய்யும் வாய்ப்பு உள்ளது.
இதையும் படிங்க : புதிய போன் வாங்கியிருக்கீங்களா? அப்போ இதை செய்ய மறக்காதீங்க!
மிரட்டல்கள் மற்றும் தொந்தரவுகள்
நீங்கள் உங்கள் வாட்ஸ்அப் செயலியின் மூலம் யாரேக்கேனும் மிரட்டல் அல்லது பாலியல் தொல்லை கொடுக்கும் பட்சத்தில் உங்களது கணக்கை மெட்டா நிரந்தரமாக முடக்கம் செய்யும். ஒருவரை இழிவுப்படுத்தும் வகையில் பேசுவது, பிளாக் மெயில் செய்வது, வெறுப்பு பேச்சு ஆகியவை உங்களது கணக்கை மெட்டா ரத்து செய்வதற்கு வழிவகை செய்யும்.
எச்சரிக்கைகளை மதிக்காமல் தொடர்ந்து அதே செயலை செய்வது
நீங்கள் விதிகளை மீறி செயல்படும்போது வாட்ஸ்அப் உங்களுக்கு முதலில் எச்சரிக்கை விடுக்கும். அந்த எச்சரிக்கைகளையும் மீறி நீங்கள் அதே தவறுகளை செய்யும் பட்சத்தில் உங்களது வாட்ஸ்அப் கணக்கு நிரந்தரமாக ரத்து செய்யப்படும்.
