Whatsapp

வாட்ஸ்அப் என்பது ஒரு பிரபலமான மெசேஜிங் செயலி. இது ஆண்ட்ராய்டு மற்றும் iOS இரண்டிலும் இலவசமாகக் கிடைக்கிறது. விரைவாகவும், எளிதாகவும் மேசேஜ் அனுப்ப, படங்கள், வீடியோக்கள், ஆடியோ, லொகேஷன் மற்றும் ஆடியோ/வீடியோ கால் செய்ய இந்த வாட்ஸ் அப் செயலி பெரிதும் கைகொடுத்திருக்கிறது. 2009ஆம் ஆண்டு ப்ரையன் ஆக்டன் மற்றும் ஜான் கோம் ஆகியோர் இதை உருவாக்கினர். 2014ல், ஃபேஸ்புக் நிறுவனமான Meta இந்த செயலியை வாங்கியது. வாட்ஸ்அப்பின் முக்கிய அம்சம் End-to-End Encryption. இதனால், உங்கள் மெசேஜ் நீங்கள் அனுப்பும் நபர் மட்டுமே படிக்கக்கூடியதாக இருக்கிறது . இந்த அம்சம் வாட்ஸ்அப்பை மிகவும் பாதுகாப்பான செயலியாக மாற்றியிருக்கிறது. மேலும் வாட்ஸ்அப் சேனல்கள் மூலம் நீங்கள் உங்கள் பிடித்த திரை பிரபலங்கள், விளையாட்டு வீரர்கள், செய்தி நிறுவனங்கள் ஆகியவற்றை பின்தொடரலாம். முக்கிய அறிவிப்புகள், அப்டேட்கள் வாட்ஸ்அப் மூலம் உடனுக்குடன் கிடைக்கும். மேலும் தற்போது வாட்ஸ்அப் மூலம் இணையதளத்திலும் வாட்ஸ்அப்பை பயன்படுத்த முடியும். இதன் மூலம் உங்கள் கணினியிலிருந்தே மெசேஜ் அனுப்ப முடியும். மேலும் இது தமிழ் உட்பட பல இந்திய மொழிகளில் கிடைக்கிறது. வாட்ஸ்அப் தொடர்பான அப்டேட் செய்திகளை நாம் இங்கு காணலாம்.