ஒன்பிளஸ் 16 ஸ்மார்ட்போன் சீனாவில் அறிமுகம்.. இந்தியாவுக்கு எப்போது வரும்?

ஒன்பிளஸ் (OnePlus) நிறுவனம் தொடர்ந்து தனது புதிய மாடல் ஸ்மார்ட்போன்களை அறிமுகம் செய்து வருகிறது. அந்த வகையில், ஒன்பிளஸ் 16 ஸ்மார்ட்போனை (OnePlus 16 Smartphone) இந்தியாவில் அறிமுகம் செய்துள்ளது. விரைவில் இந்த ஸ்மார்ட்போன் இந்தியாவில் அறிமுகம் செய்யப்பட உள்ளது. இந்த நிலையில், இந்த ஸ்மார்ட்போனின் விலை மற்றும் சிறப்பு அம்சங்கள் என்ன என்பது குறித்து விரிவாக பார்க்கலாம்.

ஒன்பிளஸ் 16 ஸ்மார்ட்போன் சீனாவில் அறிமுகம்

ஒன்பிளஸ் நிறுவனம் தனது ஒன்பிளஸ் 16 ஸ்மார்ட்போனை சீனாவில் அறிமுகம் செய்துள்ளது. இந்த ஸ்மார்ட்போன் பெரிய பேட்டரி, சிறந்த டிஸ்பிளே மற்றும் கேமரா அம்சங்களுடன் அறிமுகம் செய்யப்பட்டுள்ளது. இந்த ஸ்மார்ட்போன் OLED டிஸ்பிளே அம்சத்தை கொண்டுள்ளது. இது ஸ்னாப்டிராகன் 8 எலைட் எக்ஸ்ட்ரீம் ஜென் 6 சிப்செட் அம்சத்தை கொண்டுள்ளது.

இதையும் படிங்க : விரைவில் அறிமுகமாகும் ஜியோமி 18 ப்ரோ.. சிறப்பு அம்சங்கள் என்ன என்ன.. வெளியான முக்கிய தகவல்கள்!

இந்த ஸ்மார்ட்போன் 9,000 mAh பேட்டரி அம்சத்தை கொண்டுள்ளது. அதாவது, ஒன்பிளஸ் 15 ஸ்மார்ட்போனில் வெறும் 7,300 mAh பேட்டரி மட்டுமே கொடுக்கப்பட்டு இருந்தது. இந்த ஸ்மார்ட்போன் 100 வாட்ஸ் வயர்டு சார்ஜிங் மற்றும் 50 வயர்லஸ் சார்ஜிங் அம்சத்தை கொண்டுள்ளது.

ஒன்பிளஸ் 16 – சிறப்பு அம்சங்கள் என்ன என்ன?

OnePlus 16 launched in China https://t.co/gslAyUIKPV

— OPlus Club (@OnePlusClub) October 12, 2026

12ஜிபி ரேம் மற்றும் 256ஜிபி ஸ்டோரேஜ் கொண்ட இந்த ஸ்மார்ட்போன் 5,999 யுவானுக்கு அறிமுகம் செய்யப்பட்டுள்ளது. அதாவது, இந்திய மதிப்பில் ரூ.85,850 ஆகும். இந்த ஸ்மார்ட்போன் 12ஜிபி ரேம் மற்றும் 512ஜிபி ஸ்டோரேஜ் மற்றும் 16ஜிபி ரேம் மற்றும் 512ஜிபி ஸ்டோரேஜ் அம்சங்களை கொண்டுள்ளது. மேலும், 16ஜிபி ரேம் மற்றும் 1டிபி ஸ்டோரேஜ் அம்சத்தையும் கொண்டுள்ளது.

இதையும் படிங்க : ChatGPT-ல் Intelligent UI உடன் GPT-6 அறிமுகம் செய்த ஓபன் ஏஐ.. சிறப்பு அம்சங்கள் என்ன என்ன?

சீன ஸ்மார்ட்போன் சந்தையில் இந்த ஸ்மார்ட்போன் அறிமுகம் செய்யப்பட்டுள்ள நிலையில், இந்திய சந்தையில் எப்போது அறிமுகம் செய்யப்படும் என்பது குறித்து தகவல் வெளியே வராமல் உள்ளது குறிப்பிடத்தக்கது.