“செலவு ரூ.1.38 லட்சம் கோடி.. வருவாய் பற்றாக்குறை ரூ.20,340 கோடி!”.. வெளியான தமிழக அரசின் நிதி நிலை அறிக்கை!!

சென்னை, செப்.20: தமிழக அரசின் நிதி மேலாண்மை, வருவாய் ஈட்டல் மற்றும் திட்டங்களுக்கான நிதி ஒதுக்கீடுகள் குறித்த கண்காணிப்புத் தரவுகள் அவ்வப்போது நிதித்துறையால் மதிப்பீடு செய்யப்பட்டு வருகின்றன. அரசு செயல்படுத்தி வரும் பல்வேறு புதிய நலத்திட்டங்கள், உட்கட்டமைப்பு மேம்பாட்டுப் பணிகள், அரசு ஊழியர்களுக்கான ஊதியம் மற்றும் ஓய்வூதியப் பலன்கள் ஆகியவற்றிற்கான செலவினங்கள் தொடர்ந்து அதிகரித்து வருகின்றன. அதே நேரத்தில், மாநிலத்தின் சொந்த வரி வருவாய், வரியல்லாத வருவாய் மற்றும் மத்திய அரசிடமிருந்து வர வேண்டிய நிதிகளின் நிலவரம் மதிப்பீடு செய்யப்படுகின்றன. இச்சூழலில், நடப்பு நிதியாண்டின் முதல் 5 மாதங்களுக்கான (ஏப்ரல் முதல் ஆகஸ்ட் வரை) தமிழக அரசின் வருவாய் மற்றும் செலவினங்கள் குறித்த முக்கியப் புள்ளிவிவரங்கள் வெளியிடப்பட்டுள்ளன.

இதையும் படிக்க : ஸ்ரீரங்கம் கோயில் நில ஆக்கிரமிப்பு சேகர்பாபுக்கு தெரியாமல் நடந்திருக்காது.. யாரையும் சும்மா விடமாட்டோம்.. அமைச்சர் ரமேஷ்!

வருவாய் மற்றும் செலவின புள்ளிவிவரங்கள்:

வெளியிடப்பட்டுள்ள நிதிநிலை அறிக்கையின் தரவுகளின்படி, கடந்த ஏப்ரல் மாதம் முதல் ஆகஸ்ட் மாதம் வரையிலான 5 மாத காலகட்டத்தில் தமிழக அரசிற்குக் கிடைத்துள்ள மொத்த வருவாய் ரூ.1,17,791 கோடியாகும். இருப்பினும், இதே காலகட்டத்தில் அரசின் மொத்த செலவினம் ரூ.1,38,140 கோடியாக கணிசமாக அதிகரித்துள்ளது. அரசுத் துறைகளின் சீரான இயக்கம், நலத்திட்டச் செயலாக்கம் மற்றும் உள்கட்டமைப்பு பணிகளுக்காக நிதி அதிக அளவில் செலவிடப்பட்டதே செலவினம் உயர்ந்ததற்குக் காரணமாகக் கூறப்படுகிறது.

ரூ.20,349 கோடி வருவாய் பற்றாக்குறை:

வருவாயைக் காட்டிலும் செலவினம் கணிசமாக உயர்ந்துள்ளதன் காரணமாக, கடந்த 5 மாதங்களில் மட்டும் தமிழக அரசின் வருவாய் பற்றாக்குறை ரூ.20,349 கோடியாகக் கணக்கிடப்பட்டுள்ளது. மாநில ஜிஎஸ்டி வருவாய், முத்திரைத்தாள் மற்றும் பத்திரப்பதிவுத் துறை மூலமான கட்டணங்கள், மாநில ஆயத்தீர்வு வருவாய் மற்றும் மத்திய அரசின் நிதிப் பகிர்வு ஆகியவற்றின் மூலம் கிடைக்கப்பெற்ற வருவாயை விட, அரசு ஊழியர்களுக்கான ஊதியம், ஓய்வூதியத் தொகை மற்றும் புதிய மேம்பாட்டுத் திட்டங்களுக்கான செலவுகள் அதிகரித்ததே இந்தப் பற்றாக்குறைக்கு முதன்மை நிதிச் சவாலாக உருவெடுத்துள்ளது.

இதையும் படிக்க: அதிமுகவில் துணைப்பொதுச்செயலாளர் பதவி கேட்டார் – ஆதவ் அர்ஜுனா குறித்து இபிஎஸ் கருத்து

நிதிச் சமநிலையை சீரமைக்கும் முயற்சிகள்:

வருவாய் பற்றாக்குறையைக் குறைக்கும் நோக்கில், வரி வசூலைத் தீவிரப்படுத்துதல், வரி ஏய்ப்புகளைத் தடுத்தல் மற்றும் வரியல்லாத வருவாயைப் பெருக்குவதற்கான கூடுதல் நடவடிக்கைகளில் மாநில நிதித்துறை கவனம் செலுத்தி வருகிறது. வரவிருக்கும் மாதங்களில் முத்திரைத்தாள் பதிவு, வணிக வரி மற்றும் மத்திய அரசு அளிக்கும் நிதிப் பகிர்வுகளின் வரத்து அதிகரிக்கும் பட்சத்தில், இந்த வருவாய் பற்றாக்குறை குறைய வாய்ப்புள்ளதாகப் பொருளாதார நிபுணர்கள் கருதுகின்றனர். அதேவேளையில், மூலதனச் செலவினங்களைச் சரியாகத் திட்டமிட்டு நிதிச் சமநிலையைப் பேணுவது அரசுக்கு முக்கிய சவாலாக அமையும் என எதிர்பார்க்கப்படுகிறது.