முதல்வர் குறித்து அவதூறு பேச்சு – சேகர்பாபு மற்றும் ஆ.ராசா மீது வழக்குப்பதிவு
Case Filed Over Remarks Against CM Vijay: முதல்வர் விஜய் குறித்து அவதூறாக பேசியதாக திமுக முன்னாள் அமைச்சர் சேகர்பாபு மற்றும் திமுக எம்பி ஆ.ராசா ஆகியோர் மீது வழக்குப்பதிவு செய்யப்பட்டுள்ளது. கடந்த செப்டம்பர் 12, 2026 அன்று நடந்த திமுக ஆர்ப்பாட்டத்தில் முதல்வர் விஜய் குறித்து அவதூறாக பேசியதாக அளித்த புகாரில் 6 பிரிவுகளில் வழக்குப்பதிவு செய்யப்பட்டுள்ளது.
சென்னை, செப்டம்பர் 15 : முதல்வர் விஜய் குறித்து அவதூறாக பேசியதாக திமுக முன்னாள் அமைச்சர் சேகர்பாபு மீது வழக்குப்பதிவு செய்யப்பட்டுள்ளது. கடந்த செப்டம்பர் 12, 2026 அன்று நடந்த திமுக ஆர்ப்பாட்டத்தில் முதல்வர் விஜய் குறித்து அவதூறாக பேசியதாக அளித்த புகாரில் 6 பிரிவுகளில் வழக்குப்பதிவு செய்யப்பட்டுள்ளது. அதே போல முதல்வர் விஜய் பற்றி அவதூறு பேசியதாக திமுக எம்பி ஆ.ராசா மீது 7 பிரிவுகளின்கீழ் வழக்குப்பதிவு செய்யப்பட்டுள்ளது.
முதல்வர் குறித்து அவதூறாக பேசியதாக சேகர்பாபு மற்றும் ஆ.ராசா மீது வழக்குப்பதிவு
சட்டமன்ற காவல்துறை மானியக் கோரிக்கை மீதான விவாதத்தின்போது முதல்வர் விஜய் திமுக ஆட்சி மீது அடுக்கடுக்கான குற்றச்சாட்டுகளை முன்வைத்தார். குறிப்பாக சர்க்காரியா கமிஷன் அறிக்கை, வீராணம் திட்டம் மற்றும் அமலாக்கத்துறை ஆவணங்களைக் குறிப்பிட்டுத் திமுகவினர் மீது கடுமையாக விமர்சித்தார்.
இதையும் படிக்க : திருச்சிராப்பள்ளி – யாழ்ப்பாணம் இடையே மீண்டும் விமான சேவை – பயணிகள் மகிழ்ச்சி
மேலும் திமுக தலைவர் மு.க.ஸ்டாலின் மிசாவில் கைது செய்யப்பட்டது தொடர்பாகவும் கேள்வி எழுப்பினார். அப்போது முதல்வரின் உடல்மொழி பெரும் சர்ச்சையானது. இதனையடுத்து முதல்வர் விஜய் உடல்மொழி செய்ததாக திமுகவினர் கடும் கண்டனம் தெரிவித்தனர்.
இதற்கிடையில், தமிழக முதல்வர் ஜோசப் விஜய்யைக் கண்டித்து திமுக சார்பில் தமிழகம் முழுவதும் கடந்த செப்டம்பர் 12, 2026 அன்று கண்டன ஆர்ப்பாட்டம் நடைபெற்றது. சென்னை சைதாப்பேட்டையில் நடைபெற்ற ஆர்ப்பாட்டத்தில் திமுக எம்.பி. ஆ.ராசா, முதல்-அமைச்சர் விஜய்யை கடுமையாக விமர்சித்து பேசினார். ஆ.ராசாவின் பேச்சுக்கு தவெகவினர் கடும் கண்டனம் தெரிவித்து இருந்தனர்.
இந்த நிலையில், முதல்வர் விஜய் குறித்து ஒருமையில் பேசிய ஆ.ராசா மீது சைதாப்பேட்டை காவல்நிலையத்தில் வழக்குப்பதிவு செய்யப்பட்டுள்ளது. தவெக நிர்வாகி அளித்த புகாரின் அடிப்படையில் பொது இடத்தில் ஆபாசமாக பேசுதல், அமைதியை குலைக்க வேண்டும் என்ற நோக்கத்துடன் அவமதிப்பு உள்ளிட்ட 7 பிரிவுகளின் கீழ் ஆ.ராசா மீது சைதாப்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.
இதையும் படிக்க : விநாயகர் சிலை வைப்பதில் தகராறு.. விவசாயி கொடூர கொலை.. ஷாக் சம்பவம்!
சென்னையில் நடைபெற்ற ஆர்ப்பாட்டத்தில் கலந்துகொண்டு பேசிய முன்னாள் அறநிலையத்துறை அமைச்சர் சேகர்பாபு, முதல்வர் விஜய்யை கடுமையாக விமர்சித்து ஒருமையில் பேசியதாக கூறப்படுகிறது. இதனையடுத்து திமுக முன்னாள் அமைச்சர் சேகர்பாபு மீது வழக்குப்பதிவு செய்யப்பட்டுள்ளது. தவெக நிர்வாகி அளித்த புகாரின் அடிப்படையில் பொது இடத்தில் ஆபாசமாக பேசுதல், அமைதியை குலைக்க வேண்டும் என்ற நோக்கத்துடன் அவமதிப்பு உள்ளிட்ட 7 பிரிவுகளின் கீழ் சேகர்பாபு மீது வடக்கு கடற்கரை போலீசார் வழக்குப்பதிவு செய்து விசாரணை நடத்தி வருகின்றனர்.
