T20 World Cup 2026: 2007 T20 WC அரைசதம்.. 2026 T20 WC-ல் ஆதிக்கம்.. 12 ஆண்டுகளுக்கு பிறகு களம் காணும் அனுபவ வீரர்!
Zimbabwe Brendan Taylor: பிரெண்டன் டெய்லர் ஜிம்பாப்வே அணிக்காக கடந்த 2004ம் ஆண்டு சர்வதேச கிரிக்கெட்டில் அறிமுகமானார். பிரெண்டன் டெய்லர் 36 டெஸ்ட் போட்டிகளில் 2,403 ரன்களும், 207 ஒருநாள் போட்டிகளில் 6,704 ரன்களையும் எடுத்துள்ளார். இதுமட்டுமின்றி, 58 டி20 சர்வதேச போட்டிகளில் ஒரு சதம் உட்பட 1,185 ரன்கள் எடுத்துள்ளார்.
2026 ஐசிசி ஆண்கள் டி20 உலகக் கோப்பை (2026 T20 World Cup) போட்டியானது வருகின்ற 2026 பிப்ரவரி 7ம் தேதி முதல் பிரமாண்டமாக தொடங்க இருக்கிறது. டி20 உலகக் கோப்பையின் முதல் பதிப்பு கடந்த 2007ம் ஆண்டு தென்னாப்பிரிக்காவில் நடைபெற்றது. இந்த பதிப்பில் எம்.எஸ்.தோனி தலைமையிலான இந்திய அணி வென்றது. 2007ம் ஆண்டு நடைபெற்ற முதல் டி20 உலகக் கோப்பையில் 12 அணிகள் பங்கேற்றன. 19 ஆண்டுகளுக்குப் பிறகு, 10வது டி20 உலகக் கோப்பை தற்போது இந்தியா மற்றும் இலங்கையில் விளையாடப்பட உள்ளது. இந்த முறை, முதல் 9 டி20 உலகக் கோப்பைகளில் விளையாடிய ரோஹித் சர்மா (Rohit Sharma) மற்றும் ஷாகிப் அல் ஹசன் விளையாடவில்லை. இருப்பினும், இப்படிப்பட்ட ஒரு வீரர் 2026 டி20 உலகக் கோப்பையில் விளையாடவுள்ளார். அந்த வீரர் 2007 டி20 உலகக் கோப்பையிலும் விளையாடினார் என்பது குறிப்பிடத்தக்கது.
ALSO READ: வீரர் முதல் பிராண்ட் தூதர் வரை.. டி20 உலகக் கோப்பையில் ரோஹித் சர்மா கடந்து வந்த பாதை!
யார் இந்த வீரர்..?
2026 டி20 உலகக் கோப்பைக்கான ஜிம்பாப்வே அணியில் அனுபவம் வாய்ந்த விக்கெட் கீப்பர்-பேட்ஸ்மேன் பிரெண்டன் டெய்லர் சேர்க்கப்பட்டுள்ளார். நாளை அதாவது 2026 பிப்ரவரி 6ம் தேதி 40 வயதை எட்டும் பிரெண்டன் டெய்லர், 2007 டி20 உலகக் கோப்பையில் இரண்டு போட்டிகளில் விளையாடினார். ஆஸ்திரேலியாவுக்கு எதிராக ஆட்டமிழக்காமல் 65 ரன்கள் எடுத்தார். இதன் காரணமாக, ஆஸ்திரேலியாவை ஜிம்பாப்வே தோற்கடித்து அதிர்ச்சியை கொடுத்தது. ஜிம்பாப்வே ஒரு டி20 சர்வதேச போட்டியில் ஆஸ்திரேலியாவை தோற்கடித்தது இதுவே முதல் முறை. இது மட்டுமின்றி, அதே டி20 உலகக் கோப்பையில் இங்கிலாந்துக்கு எதிரான போட்டியில் டெய்லர் 47 ரன்கள் எடுத்தார்.
12 ஆண்டுகளுக்குப் பிறகு டி20 உலகக் கோப்பையில் டெய்லர்:
பிரெண்டன் டெய்லர் கடைசியாக 2014 ஆம் ஆண்டு ஜிம்பாப்வே அணிக்காக டி20 உலகக் கோப்பையில் விளையாடினார். முன்னதாக, பிரெண்டன் டெய்லர் கடந்த 2015ம் ஆண்டு சர்வதேச கிரிக்கெட்டில் இருந்து ஓய்வு பெறுவதாக அறிவித்தார். இருப்பினும், கிரிக்கெட்டின் மீதான காதல் காரணமாக 2017ம் ஆண்டு சர்வதேச கிரிக்கெட்டுக்குத் திரும்பினார். இவரது ஓய்வு காரணமாக, ஜிம்பாப்வே 2021 டி20 உலகக் கோப்பையில் பங்கேற்கவில்லை. ஜனவரி 2022ம் ஆண்டு ஊழல் மற்றும் ஊக்கமருந்து மீறல்களுக்காக டெய்லருக்கு மூன்றரை ஆண்டுகள் ஐசிசி தடை விதித்திருந்தது. கடந்த 2025ம் ஆண்டு சர்வதேச கிரிக்கெட்டுக்குத் திரும்பிய பிரெண்டன் டெய்லர் , இப்போது 12 ஆண்டுகளுக்குப் பிறகு டி20 உலகக் கோப்பையில் விளையாடவுள்ளார்.
ALSO READ: டி20 உலகக் கோப்பையில் அதிக சிக்ஸர்கள்.. முதலிடத்தில் இந்த அதிரடி வீரரா..?
பிரெண்டன் டெய்லரின் சர்வதேச கிரிக்கெட் வாழ்க்கை:
பிரெண்டன் டெய்லர் ஜிம்பாப்வே அணிக்காக கடந்த 2004ம் ஆண்டு சர்வதேச கிரிக்கெட்டில் அறிமுகமானார். பிரெண்டன் டெய்லர் 36 டெஸ்ட் போட்டிகளில் 2,403 ரன்களும், 207 ஒருநாள் போட்டிகளில் 6,704 ரன்களையும் எடுத்துள்ளார். இதுமட்டுமின்றி, 58 டி20 சர்வதேச போட்டிகளில் ஒரு சதம் உட்பட 1,185 ரன்கள் எடுத்துள்ளார். சர்வதேச கிரிக்கெட்டில் இதுவரை மொத்தமாக 18 சதங்களை அடித்துள்ளார். டி20 உலகக் கோப்பையில் 8 போட்டிகளில் 40.83 சராசரியில் 4 அரைசதங்களுடன் 245 ரன்கள் எடுத்துள்ளார்.
