IPL 2027: சிஎஸ்கே அணியில் ஜாகீர் கான் முதல் சாய்ஸ் இல்லையா..? அஸ்வின் பகீர் தகவல்!
CSK Head Coach: சென்னை சூப்பர் கிங்ஸ் அணியின் புதிய தலைமை பயிற்சியாளராக ஜாகீர் கான் நியமிக்கப்பட்டுள்ளார். ஆனால், ரவிச்சந்திரன் அஸ்வின் வெளியிட்ட தகவலின்படி, தலைமைப் பயிற்சியாளர் பதவிக்கு ஆஷிஷ் நெஹ்ராவுக்கு முதலில் வாய்ப்பு வழங்கப்பட்டதாகவும், அவர் அதை மறுத்துவிட்டதாகவும் தெரிய வந்துள்ளது. ஜாகீர் கான் சிஎஸ்கேவின் முதல் தேர்வாக இருக்கவில்லை என்பதையும் அஸ்வின் உறுதிப்படுத்தினார்.
சென்னை சூப்பர் கிங்ஸ் அணி (Chennai Super Kings), ஜாகீர் கானை தனது புதிய தலைமைப் பயிற்சியாளராக நியமித்துள்ளது. முன்னாள் இந்திய வேகப்பந்து வீச்சாளர் ஜாகீர் கான், ஐபிஎல் 2027 தொடரில் (IPL 2027) சிஎஸ்கே அணியில் ஸ்டீபன் ஃபிளெமிங்கிற்குப் பதிலாக தலைமை பயிற்சியாளராக இடம்பெறுவார். இதற்கிடையில், முன்னாள் கிரிக்கெட் வீரர் ரவிச்சந்திரன் அஸ்வின் ஒரு ஆச்சரியமான தகவலை வெளியிட்டுள்ளார். அதில். சென்னை அணியின் தலைமைப் பயிற்சியாளர் பதவி ஆஷிஷ் நெஹ்ராவை அணுகியதாகவும், ஆனால் நெஹ்ரா அதை மறுத்துவிட்டதாகவும் கூறினார். இது மட்டுமின்றி, தொடர்ந்து பேசிய அஸ்வின், ஜாகீர் கானை தலைமைப் பயிற்சியாளராகத் தேர்ந்தெடுப்பதற்கு முன்பு, சென்னை சூப்பர் கிங்ஸ் நிர்வாகம் பல மூத்த வீரர்களை அணுகியதாகவும் கூறினார்.
ALSO READ: தோனி-ஜாகீர் இடையே இப்படி ஒரு புரிதலா? ஆச்சர்யத்தில் சிஎஸ்கே ரசிகர்கள்!
ரவிச்சந்திரன் அஸ்வின் கூறியது என்ன..?
தனது யூடியூப் சேனலில் சிஎஸ்கே தலைமைப் பயிற்சியாளர் பதவி குறித்துப் பேசிய ரவிச்சந்திரன் அஸ்வின், “சிஎஸ்கே அணியில் பல முன்னாள் இந்திய பயிற்சியாளர்களை அணுகினார்கள். எனக்குத் தெரிந்தவரை, ஒரு கட்டத்தில் ஆஷிஷ் நெஹ்ராவையும் அணுகினார்கள். ஆனால், நெஹ்ரா அந்த வாய்ப்பை நிராகரித்துவிட்டார். பயிற்சியாளராகப் பெரும் வெற்றிகளைப் பெற்றுள்ள குஜராத் டைட்டன்ஸ் அணியை விட்டு ஆஷிஷ் வெளியேற வேண்டிய அவசியமில்லை,” என்று கூறினார்.
முன்னாள் இந்திய வேகப்பந்து வீச்சாளர் ஆஷிஷ் நெஹ்ரா, குஜராத் டைட்டன்ஸ் அணியின் தொடக்க சீசனான (2022) முதல் தலைமைப் பயிற்சியாளராக இருந்து வருகிறார். அவரது பயிற்சியின் கீழ், ஹர்திக் பாண்டியா கேப்டனாக இருந்தபோது, குஜராத் அணி தனது முதல் சீசனிலேயே ஐபிஎல் 2022 பட்டத்தை வென்றது. அடுத்த அதாவது 2023ம் ஆண்டு, குஜராத் மீண்டும் இறுதிப் போட்டிக்கு முன்னேறியது. இருப்பினும், ஐபிஎல் 2023 இறுதிப் போட்டியில் சென்னை சூப்பர் கிங்ஸ் அணியிடம் தோல்வியடைந்தது.
ஜாகீர் கான் முதல் தேர்வாக இல்லை..
இரு தரப்பினரும் ஓராண்டு ஒப்பந்தத்தில் கையெழுத்திட்டுள்ளதால், ஜாகீர் கான் சிஎஸ்கே அணியின் தலைமைப் பயிற்சியாளராக ஓராண்டு காலத்திற்கு நியமிக்கப்பட்டுள்ளார். ஜாகீர் கானை தலைமைப் பயிற்சியாளராக நியமித்த முடிவை அஸ்வின் பாராட்டியதுடன், அவரையும் புகழ்ந்தார். இருப்பினும், தலைமைப் பயிற்சியாளர் பதவிக்கு ஜாகீர் கான் முதல் தேர்வாக இருக்கவில்லை. சில வெளிநாட்டுப் பயிற்சியாளர்களும் இந்தப் போட்டியில் இருந்தனர். ஆனால், பல்வேறு காரணங்களால் அந்த ஒப்பந்தம் கைகூடவில்லை.
ALSO READ: ஜாகீர் கானை பயிற்சியாளராக பரிந்துரைத்தது யார்..? சிஎஸ்கே CEO ஓபன்!
பல பெரிய ஜாம்பவான் பயிற்சியாளர்கள் சிஎஸ்கேவின் ஓராண்டு ஒப்பந்தத்தை ஏற்கத் தயங்கின. ஒரு பயிற்சியாளர் அந்த ஒப்பந்தத்தை ஏற்க கிட்டத்தட்ட தயாராக இருந்தார், ஆனால் சிஎஸ்கே-வில் இணைவது மற்ற சர்வதேசப் போட்டிகளில் பணியாற்றுவதைத் தடுத்திருக்கும் என்பதால் கடைசி கட்டத்தில் அதை மறுத்துவிட்டதாக கூறப்படுகிறது.
