Pakistan vs Sri Lanka: டி20 உலகக் கோப்பையில் வெளியேறிய பாகிஸ்தான்.. அரையிறுதிக்கு முன்னேறிய நியூசிலாந்து!
ICC Men's T20 World Cup 2026: 2026 டி20 உலகக் கோப்பையில் இருந்து பாகிஸ்தான் அணி அரையிறுதி போட்டியை எட்டாமல் வெளியேறியது. இதன்மூலம், குரூப் பி பிரிவில் இடம்பெற்றுள்ள நியூசிலாந்து அணி அரையிறுதிக்கு முன்னேறியது. இதன்மூலம், இதுவரை இங்கிலாந்து, தென்னாப்பிரிக்கா மற்றும் நியூசிலாந்து ஆகிய 4 அணிகள் அரையிறுதிக்கு தகுதி பெற்றுள்ளன.
2026 டி20 உலகக் கோப்பையில் (2026 T20 World Cup) இருந்து பாகிஸ்தான் அணி அரையிறுதி போட்டியை எட்டாமல் வெளியேறியது. இதன்மூலம், குரூப் பி பிரிவில் இடம்பெற்றுள்ள நியூசிலாந்து அணி அரையிறுதிக்கு முன்னேறியது. 2026 டி20 உலகக் கோப்பையில் பாகிஸ்தான் அணி (Pakistan Cricket Team) தனது இறுதி சூப்பர் 8 சுற்று போட்டியில், இலங்கைக்கு எதிராக ஒரு மாபெரும் வெற்றியைப் பெற வேண்டும் என திட்டமிடப்பட்டிருந்தது. இருப்பினும், ஏற்கனவே போட்டியிலிருந்து வெளியேற்றப்பட்ட இலங்கை அணி, பாகிஸ்தான் அணியின் நம்பிக்கையைத் தகர்த்தெறிந்தது. இலங்கை பேட்ஸ்மேன்களை குறிப்பிட்ட ரன்களுக்குள் கட்டுப்படுத்த முடியாததால், பாகிஸ்தான் அணி அரையிறுதிப் போட்டியிலிருந்து வெளியேறியது. நியூசிலாந்து இதன் மூலம் பயனடைந்து, குரூப் 2 இல் இருந்து அரையிறுதிக்கு முன்னேறிய இரண்டாவது அணியாக மாறியது.
ALSO READ: அரையிறுதி போட்டிக்கான வாய்ப்பு.. இந்தியா – வெஸ்ட் இண்டீஸ் ‘டூ-ஆர்-டை’ போட்டியை எங்கு காணலாம்?
65 ரன்கள் வித்தியாசத்தில் வெற்றி தேவை:
𝙎𝙚𝙢𝙞-𝙛𝙞𝙣𝙖𝙡 𝙗𝙤𝙪𝙣𝙙 🇳🇿
New Zealand seal their spot among the final four at the #T20WorldCup 👏 pic.twitter.com/gVWJoBkKMJ
— ICC (@ICC) February 28, 2026
இலங்கையின் பல்லேகலேவில் நடந்த கடைசி சூப்பர் 8 போட்டியில், பாகிஸ்தான் அணிக்கு குறைந்தபட்சம் 65 ரன்கள் வித்தியாசத்தில் வெற்றி தேவைப்பட்டது. முதலில் பேட்டிங் செய்த சல்மான் அகாவின் அணி 20 ஓவர்களில் 8 விக்கெட்டுக்கு 212 ரன்கள் எடுத்தது. பாகிஸ்தான் அணி தொடக்க வீரர் சாஹிப்சாதா ஃபர்ஹான் 100 ரன்களும், ஃபகர் ஜமான் 84 ரன்களும் எடுத்திருந்தனர். இதன் தொடர்ச்சியாக இந்த மொத்த எண்ணிக்கையைத் தொடர்ந்து, அரையிறுதியில் இடம் பெறவும், நியூசிலாந்தின் நிகர ரன் விகிதத்தை மேம்படுத்தவும் பாகிஸ்தான் இலங்கையை 147 ரன்களுக்குள் கட்டுப்படுத்த வேண்டும் என்ற சமன்பாடு நிர்ணயிக்கப்பட்டது.
ஆனால் இலங்கை பேட்ஸ்மேன்கள் அவர்களின் நம்பிக்கையை தகர்த்தெறிந்தனர். கடைசி வரை இலங்கை அணி பேட்டிங் செய்து 20 ஓவர்கள் முடிவில் 6 விக்கெட்டுகள் இழப்பிற்கு 207 ரன்கள் குவித்தது. இதையடுத்து, இந்த போட்டியில் பாகிஸ்தான் அணி 5 ரன்கள் வித்தியாசத்தில் வெற்றி பெற்றிருந்தாலும், அரையிறுதிக்கு செல்லும் வாய்ப்பை தவறவிட்டது.
ALSO READ: அரையிறுதியை நோக்கி இந்தியா – வெஸ்ட் இண்டீஸ்.. கொல்கத்தாவில் 100 சதவீத வெற்றியுடன் WI.. திணறுமா IND?
பாகிஸ்தானுக்காக தொடக்க வீரர் சாஹிப்சாதா ஃபர்ஹான் மீண்டும் ஒருமுறை அதிரடியான பேட்டிங்கை வெளிப்படுத்தி, தனது இரண்டாவது சதத்தை பதிவு செய்தார். இவருக்கு உறுதுணையாக ஃபகர் ஜமானுடன் இணைந்து அதிரடியாக இன்னிங்ஸைத் தொடங்கினார். இதன் காரணமாக முதல் விக்கெட்டுக்கு இருவரும் இணைந்து 176 ரன்கள் எடுத்தனர். பாகிஸ்தான் அணி ஒரு கட்டத்தில் 20 ஓவர்கள் முடிவில் 240-250 ரன்களை எளிதாக எட்டும் என்று தோன்றியபோது, ஃபகர் ஜமான் ஆட்டமிழந்தார், இதன் பிறகு, கடைசி 4 ஓவர்களில் பாகிஸ்தான் அணி ஏழு விக்கெட்டுகளை இழந்து 35 ரன்கள் மட்டுமே எடுத்தது. இந்த இரண்டு பேட்ஸ்மேன்களைத் தாண்டி, அடுத்த எட்டு பேட்ஸ்மேன்களும் ஒற்றை இலக்க ஸ்கோரை மட்டுமே எடுத்தனர். இது பாகிஸ்தான் அணிக்கு பின்னடைவை கொடுத்தது மட்டுமல்லாமல், அரையிறுதியில் இருந்தும் வெளியேறியது.
