IPL 2027: அணிகளுக்கு காலக்கெடு எதுவரை..? பிசிசிஐ எப்போது தக்கவைக்கப்பட்ட வீரர்களை அறிவிக்கும்?
IPL 2027 Player Retention: ஐபிஎல் 2027 சீசனுக்கான ஆயத்தப் பணிகள் சூடுபிடித்துள்ளன. நவம்பர் 17, 2026 அன்று அணிகள் தக்கவைக்கப்பட்ட மற்றும் விடுவிக்கப்பட்ட வீரர்களின் பட்டியலை வெளியிடுகின்றன. டிசம்பர் 16, 2026 அன்று கோவாவில் மினி ஏலம் நடைபெறுகிறது. பிசிசிஐ விதிகள், முக்கிய வர்த்தகப் பரிமாற்றங்கள், இதில் ஈடுபட்டுள்ள வீரர்கள் பற்றிய முழுமையான தகவல்களை இந்த கட்டுரை வழங்குகிறது.
இந்தியன் பிரீமியர் லீக்கின் (IPL 2027) 10 அணிகளும், வரவிருக்கும் ஐபிஎல் 2027 சீசனுக்கான ஆயத்தப் பணிகளைத் தொடங்கியுள்ளன. ஐபிஎல் 2027-க்கான மினி ஏலம் வருகின்ற 2026 டிசம்பர் 16ம் தேதி கோவாவில் நடைபெறும். இதற்கு முன்னதாக, 10 அணிகளும் தங்களது அதிகாரப்பூர்வமாக தக்கவைக்கப்பட்ட மற்றும் விடுவிக்கப்பட்ட வீரர்களின் பட்டியலை நாளை அதாவது 2026 நவம்பர் 17ம் தேதி வெளியிடும். ஐபிஎல் அணிகள் தங்களது தக்கவைக்கப்பட்ட மற்றும் விடுவிக்கப்பட்ட வீரர்களின் பட்டியலை எப்போது வெளியிடும் என்பதையும், இது தொடர்பான பிசிசிஐ-யின் (BCCI) விதிகளையும் இங்கே தெரிந்துகொள்வோம்.
ALSO READ: ஐபிஎல் 2027 ஏலத்தில் முஸ்தஃபிசுர் ரஹ்மான்.. மேலும் 7 வங்கதேச வீரர்கள் பதிவு!
ஐபிஎல்லில் பங்கேற்கும் 10 அணிகளும் தங்கள் அணியில் விடுவிக்கப்பட்ட மற்றும் தக்கவைக்கப்பட்ட வீரர்களின் பட்டியலை வெளியிடுவதற்கு பிசிசிஐ நாளை அதாவது 2026 நவம்பர் 17-ஆம் தேதியைக் காலக்கெடுவாக நிர்ணயித்துள்ளது. அனைத்து 10 அணிகளும் தங்களின் அதிகாரப்பூர்வ தக்கவைக்கப்பட்ட மற்றும் விடுவிக்கப்பட்ட வீரர்களின் பட்டியல்களை அதற்குள் வெளியிட வேண்டும்.




கடைசி தேதி எப்போது..?
அனைத்து 10 அணிகளும், தக்கவைக்கப்பட்ட மற்றும் விடுவிக்கப்பட்ட வீரர்களின் அதிகாரப்பூர்வ பட்டியல்களை 2026 நவம்பர் 17ம் தேதியான நாளை மாலையில் பிசிசிஐ-யிடம் சமர்ப்பிப்பதுடன், அவற்றை தங்களின் சமூக ஊடகப் பக்கங்கள் அல்லது இணையதளத்திலும் வெளியிடும். உண்மையில், கடந்த சில ஆண்டுகளாக இருந்துவரும் வழக்கத்தைப் போலவே, அணிகளும் ஐபிஎல் நிர்வாகமும் பொதுவாக மாலை 5 மணிக்கு பிறகே இந்தப் பட்டியல்களை அறிவிக்கின்றன. இருப்பினும், இதற்கென குறிப்பிட்ட அதிகாரப்பூர்வ நேரம் எதுவும் நிர்ணயிக்கப்படவில்லை.
தக்கவைப்பு மற்றும் விடுவிப்புப் பட்டியல்கள் வெளியிடப்படுவதற்கு முன்பே, 10 வீரர்கள் அணிகளை மாற்றியுள்ளனர். உரிமையாளர்கள் வீரர்களைப் பரிமாறிக்கொள்ள வர்த்தகச் சாளரத்தைப் பயன்படுத்தியுள்ளனர். இந்த விதியின் கீழ், அணிகள் தங்களுக்குள் பேச்சுவார்த்தை நடத்தி, ஒரு வீரருக்குப் பதிலாக மற்றொரு வீரரைப் பரிமாறிக்கொள்ளலாம். விரும்பினால், அணிகள் பணப் பரிவர்த்தனைகள் குறித்தும் பேச்சுவார்த்தை நடத்தலாம். வர்த்தகங்களில் வீரர்களின் விலைகளையும் குறைக்கலாம்.
ALSO READ: கேப்டன்ஷி வேண்டாம்.. பதவியை நிராகரிக்கும் அக்சர் படேல்.. கட்டாயப்படுத்தும் அணி நிர்வாகம்!
இதுவரை ஐபிஎல் 2027ல் மாற்றப்பட்ட வீரர்கள் விவரம்:
- ரிஷப் பண்ட் – லக்னோ சூப்பர் ஜெயண்ட்ஸ் அணியிலிருந்து டெல்லி கேப்பிட்டல்ஸ் அணிக்கு – சம்பளம் ரூ. 15 கோடி.
- குல்தீப் யாதவ் – டெல்லி கேப்பிட்டல்ஸ் அணியிலிருந்து லக்னோ சூப்பர் ஜெயண்ட்ஸ் அணிக்கு – சம்பளம் ரூ. 13.5 கோடி.
- டி. நடராஜன் – டெல்லி கேப்பிட்டல்ஸ் அணியிலிருந்து சன்ரைசர்ஸ் ஹைதராபாத் அணிக்கு – சம்பளம் ரூ. 5 கோடி.
- ஜீஷன் அன்சாரி – சன்ரைசர்ஸ் ஹைதராபாத் அணியிலிருந்து டெல்லி கேப்பிட்டல்ஸ் அணிக்கு – சம்பளம் ரூ. 40 லட்சம்.
- லியாம் லிவிங்ஸ்டோன் – சன்ரைசர்ஸ் ஹைதராபாத் அணியிலிருந்து சென்னை சூப்பர் கிங்ஸ் அணிக்கு – ரூ. 6 கோடி.
- ஜாக் எட்வர்ட்ஸ் – சன்ரைசர்ஸ் ஹைதராபாத் அணியிலிருந்து சென்னை சூப்பர் கிங்ஸ் அணிக்கு – ரூ. 3 கோடி.
- கலீல் அகமது – சென்னை சூப்பர் கிங்ஸ் அணியிலிருந்து சன்ரைசர்ஸ் ஹைதராபாத் அணிக்கு – ரூ. 4.8 கோடி.
- நாதன் எல்லிஸ் – சென்னை சூப்பர் கிங்ஸ் அணியிலிருந்து சன்ரைசர்ஸ் ஹைதராபாத் அணிக்கு – ரூ. 2 கோடி.
- ஹர்திக் பாண்ட்யா – மும்பை இந்தியன்ஸ் அணியிலிருந்து பஞ்சாப் கிங்ஸ் அணிக்கு – ரூ. 18 கோடி.
- அர்ஷ்தீப் சிங் – பஞ்சாப் கிங்ஸ் அணியிலிருந்து மும்பை இந்தியன்ஸ் அணிக்கு – ரூ. 18 கோடி.