IPL 2026: இன்னும் 3 போட்டிகளே.. சிஎஸ்கே பிளே ஆஃப் செல்லுமா..? சமன்பாடு என்ன..?
CSK IPL 2026 Playoff Equation: லக்னோ அணிக்கு எதிராக சென்னை அணி தனது 12வது லீக் போட்டியில் களமிறங்குகிறது. இதுவரை விளையாடிய 11 போட்டிகளில், சென்னை 6 போட்டிகளில் வெற்றி பெற்று 5 போட்டிகளில் தோல்வியடைந்துள்ளது. இதன்மூலம், சென்னை சூப்பர் கிங்ஸ் அணி 12 புள்ளிகளைப் பெற்றுள்ளது. எனவே, இன்றைய போட்டியில் சென்னையின் வெற்றி மற்றும் தோல்விகளின் அடிப்படையில், பிளேஆஃப் சுற்றுக்கான அதன் வாய்ப்புகள் குறித்து தெரிந்து கொள்வது முக்கியமானது.
ஐபிஎல் 2026-ன் (IPL 2026) 59-வது போட்டி ஏகானா ஸ்டேடியத்தில் இன்று அதாவது 2026 மே 15ம் தேதி லக்னோ சூப்பர் ஜெயண்ட்ஸ் மற்றும் சென்னை சூப்பர் கிங்ஸ் அணிகள் மோத இருக்கின்றனர். ரிஷப் பண்ட் தலைமையிலான லக்னோ சூப்பர் ஜெயன்ட்ஸ் அணி ஏற்கனவே பிளேஆஃப் போட்டியிலிருந்து வெளியேறிவிட்டதால், பிளேஆஃப்களைப் பொறுத்தவரை ருதுராஜ் கெய்க்வாட் தலைமையிலான சென்னை சூப்பர் கிங்ஸ் அணிக்கு (Chennai Super Kings) இந்தப் போட்டி மிகவும் முக்கியமானதாக இருக்கும். ஒருவேளை இன்று லக்னோவிடம் தோற்றால், சென்னை அணி பிளேஆஃப்களில் இருந்து வெளியேறிவிடுமா உள்ளிட்ட கேள்விகளோடு சென்னை அணியின் முழுமையான பிளேஆஃப் சமன்பாட்டை தெரிந்து கொள்வோம்.
ALSO READ: பஞ்சாப் சந்தித்த தொடர் தோல்விகள்.. ஐபிஎல் புள்ளி பட்டியல் சொல்வதென்ன?
லக்னோ அணிக்கு எதிராக சென்னை அணி தனது 12வது லீக் போட்டியில் களமிறங்குகிறது. இதுவரை விளையாடிய 11 போட்டிகளில், சென்னை 6 போட்டிகளில் வெற்றி பெற்று 5 போட்டிகளில் தோல்வியடைந்துள்ளது. இதன்மூலம், சென்னை சூப்பர் கிங்ஸ் அணி 12 புள்ளிகளைப் பெற்றுள்ளது. எனவே, இன்றைய போட்டியில் சென்னையின் வெற்றி மற்றும் தோல்விகளின் அடிப்படையில், பிளேஆஃப் சுற்றுக்கான அதன் வாய்ப்புகள் குறித்து தெரிந்து கொள்வது முக்கியமானது.
ஒருவேளை சிஎஸ்கே போட்டியில் தோற்றால் என்ன செய்வது?
இன்று லக்னோவிடம் சென்னை தோற்றால், 12 போட்டிகளில் இருந்து 12 புள்ளிகளைப் பெற்றிருப்பார்கள். பிளேஆஃப் சுற்றுக்கான போட்டியில் நீடிக்க, சிஎஸ்கே அணி மீதமுள்ள 2 போட்டிகளிலும் வெற்றி பெற்று 16 புள்ளிகளை எட்ட வேண்டும். இருப்பினும், சில சமயங்களில் முதல் 4 இடங்களைப் பிடிக்க 16 புள்ளிகள் கூட போதுமானதாக இருப்பதில்லை. மேலும், சிஎஸ்கே அணி ஒரு நல்ல நிகர ரன் ரேட்டை கொண்டிருப்பது முக்கியமானது.
தற்போது, ராயல் சேலஞ்சர்ஸ் பெங்களூரு மற்றும் குஜராத் டைட்டன்ஸ் அணிகள் தலா 16 புள்ளிகளுடன், புள்ளி அட்டவணையில் முறையே முதல் மற்றும் இரண்டாம் இடங்களில் உள்ளன. தற்போதைய நிலவரத்தைக் கருத்தில் கொண்டால், 4க்கும் மேற்பட்ட அணிகள் 16 புள்ளிகளை எட்டக்கூடும் எனத் தெரிகிறது. எந்த அணி சிறப்பான நிகர ரன் ரேட்டை கொண்டுள்ளதோ, அந்த அணி பிளே ஆஃப் சுற்றுக்கு தகுதி பெறும்.
ALSO READ: அணியுடன் லக்னோவிற்கு கிளம்பும் தோனி.. சிஎஸ்கே CEO கொடுத்த ஹிண்ட்!
வெற்றியின் மூலம் பிளேஆஃப் சுற்றுக்கு சிஎஸ்கே தகுதி பெறுமா..?
லக்னோ சூப்பர் ஜெயண்ட்ஸ் அணிக்கு எதிரான வெற்றியானது, சென்னை அணியை பிளேஆஃப் போட்டியில் எந்தவித கூடுதல் தடைகளும் இன்றித் தக்கவைத்துக் கொள்ளும். மீதமுள்ள 3 போட்டிகளிலும் வெற்றி பெற்றால், சிஎஸ்கே 18 புள்ளிகளை எட்டி, பிளேஆஃப் இடத்தை உறுதி செய்ய முடியும். இன்று லக்னோவுக்கு எதிராக சென்னை சூப்பர் கிங்ஸ் அணி எப்படிச் செயல்படுகிறது என்பதை பொறுத்திருந்து பார்ப்போம்.
