IND vs NZ: இந்தியா நியூசிலாந்து 3வது ODI.. போட்டி விவரங்கள், நேரம் என்ன? எங்கே பார்ப்பது?
India New Zealand 3rd ODI: இந்தியா நியூசிலாந்து ஒருநாள் தொடரின் 3வது போட்டி நவம்பர் 10, 2026 அன்று ஹாமில்டனில் நடைபெறுகிறது. முதல் இரண்டு போட்டிகளில் இந்தியா வென்ற நிலையில், இப்போட்டி தொடரை தீர்மானிக்கும். சுப்மன் கில் மற்றும் கே.எல். ராகுல் ஆகியோரின் கடைசி ஒருநாள் போட்டியாக இது அமையவுள்ளது. போட்டி விவரங்கள், இரு அணி வீரர்களின் பட்டியல் மற்றும் நேரலை தகவல் இங்கு காணலாம்.
நியூசிலாந்து சுற்றுப்பயணத்தின் போது இந்திய அணி (Indian Cricket Team) 5 போட்டிகள் கொண்ட டி20 தொடரை வென்றது. தற்போது, 5 போட்டிகள் கொண்ட ஒருநாள் தொடரையும் வெல்லும் தருவாயில் இந்திய அணி உள்ளது. ஒருநாள் தொடரின் 2 போட்டிகள் இதுவரை நடைபெற்றுள்ளன, இரண்டிலும் சுப்மன் கில் தலைமையிலான அணி வெற்றி பெற்றுள்ளது. இந்தியா மற்றும் நியூசிலாந்து (IND vs NZ) அணிகளுக்கு இடையேயான மூன்றாவது ஒருநாள் போட்டி 2026 நவம்பர் 10ம் தேதி நடைபெற உள்ளது. இது சுப்மன் கில் மற்றும் கே.எல். ராகுல் ஆகியோரின் கடைசி போட்டியாக இருக்கும். இதற்குப் பிறகு, இரு வீரர்களும் டெஸ்ட் தொடருக்குத் தயாராவார்கள். நான்காவது மற்றும் ஐந்தாவது ஒருநாள் போட்டிகளில் கில் மற்றும் ராகுல் பங்கேற்க மாட்டார்கள்.
ALSO READ: 24 ஆண்டுகளுக்கு பிறகு முதல் முறை.. தொடர்ந்து 2 முறை 200 கீழ் ஆட்டமிழந்த NZ!
முதல் ஒருநாள் போட்டியில் இந்திய அணி நியூசிலாந்தை 5 விக்கெட் வித்தியாசத்தில் தோற்கடித்தது. அதனைத் தொடர்ந்து நடந்த 2வது ஒருநாள் போட்டியில் 4 ரன்கள் வித்தியாசத்தில் வெற்றி பெற்றது. 2 போட்டிகளுமே மழையால் பாதிக்கப்பட்ட நிலையில், இந்தியா DLS முறையில் வெற்றி பெற்றது. நியூசிலாந்து அணி முதல் ஒருநாள் போட்டியில் 185 ரன்களும், இரண்டாவது போட்டியில் 134 ரன்களும் மட்டுமே எடுத்தது.
மூன்றாவது ஒருநாள் போட்டி எப்போது, எங்கே மற்றும் எந்த நாளில் நடைபெறும்?
இந்தியா மற்றும் நியூசிலாந்து அணிகளுக்கு இடையேயான 5 போட்டிகள் கொண்ட ஒருநாள் தொடரின் மூன்றாவது போட்டி, வருகின்ற 2026 நவம்பர் 10ம் தேதி ஹாமில்டனில் உள்ள செட்டன் பார்க் மைதானத்தில் நடைபெற உள்ளது. இந்திய நேரப்படி காலை 7:30 மணிக்கு போட்டி தொடங்கும், டாஸ் காலை 7:00 மணிக்கு நடைபெறும். சோனி ஸ்போர்ட்ஸ் நெட்வொர்க் சேனல்களில் இந்தப் போட்டியை நீங்கள் தொலைக்காட்சியில் நேரலையாகக் காணலாம். சோனி லிவ் ஆப் வழியாக மொபைல் மற்றும் லேப்டாப்களில் இந்தப் போட்டியை காணலாம்.
ALSO READ: சொந்த மண்ணில் தொடரை இழக்குமா நியூசிலாந்து.. 7 ஆண்டு ஆதிக்கத்தை முடிவு கொண்டு வருமா இந்தியா?
மூன்றாவது ஒருநாள் போட்டிக்கான நியூசிலாந்து அணி:
வில் யங், ஹென்றி நிக்கோல்ஸ், மைக்கேல் பிரேஸ்வெல், டேரில் மிட்செல், கிளென் பிலிப்ஸ், நிக் கெல்லி, மிட்செல் சான்ட்னர் (கேப்டன்), நாதன் ஸ்மித், டாம் லாதம், டிம் சீஃபர்ட், ஜேக்கப் டஃபி, மாட் ஹென்றி, கைல் ஜேமிசன், மேத்யூ ஃபிஷர், பிளேயர் டிக்னர்.
மூன்றாவது ஒருநாள் போட்டிக்கான இந்திய அணி :
சுப்மன் கில் (கேப்டன்), ரோஹித் சர்மா, விராட் கோலி , ஷ்ரேயாஸ் ஐயர், நமன் தீர், ருதுராஜ் கெய்க்வாட், அக்சர் படேல், அன்ஷுல் கம்போஜ், கே.எல். ராகுல், இஷான் சிங், குர்னூர் பிரார், முகமது சிராஜ், அர்ஷ்தீப் சிங், ஆகிப் நபி
